كيفكم بنات _ إن شاء الله بخير ؟
"" أمس رحت مع أهلي للعثيم نتقضى لمقاضي رمضان الله يبلغنا إياه بكل صحة وعافية ومن قرأ والجميع يارب 0
طبعآ تقريبآ أغرب العربيات اللي مرت جمبي كلها يافيها فمتو أو شوربة أو تانج أو كريمة أومكرونة <<<<<< حسيت إني كتبت لكم مقاضي رمضان لكم :27:
المهم وأثناء ماكنت أطلع وأشوف باقي مقاضي رمضان ،،، قعدت أطالع الا وبجمبي رجل كبير وشاب في حدود" 28 سنة " وأتوقع إن الشاب مريض شوي يعني مشيته وكلامه مو سليم 0
المهم رحمته صراحة وهو يساعد أبوه ويحط بالسلة حقتهم ودعيت أن الله يشافيه ،،، المهم كنت طبعآ قاعدة أدور مكرونة معينة للوالدة الله يشفيها ويحفظها _ وفي أثناء ماأنا مشغولة سمعت الرجال الكبير _ والد الشاب " يقول أنا أبي بالدجاج والولد يقول لا خلنا نآخذ بالخضار وراحو نادوا العامل يجيبلهم كرتون " أندومي "
الصراحة وأستغربت إن السلة حقتهم أمتلئت بكراتين الإندومي _ وفي أثناء ماكنت مستغربة من اللي أشوفه رحمتهم الصراحة وقلت : لا يمكن عندهم خادمات أو أطفال أو شيئ من هالقبيل ،، بس أنا سامعة الشاب يقول: يبه أنا أحب اللي بالخضار ----؟؟؟
طبعآ هو عادي الإندومي والبعض يشتريه _ بس هذولي غير وحسيت الرجال والشاب يآ خذونه بكل أسى وحزن مدري ليه حسيت إن فيهم براءة _ رحمة نزلت علي لهم مدري ليه حتى أمي حست بهالشيئ وحسينا إنهم يكسرون الخاطر ،، مدري ليه كذا من ربي ،، سبحان الله 0
طبعآ جاء أخوي وقال ما خلصتوا قلت لا شوي ،، المهم قلت له عن اللي صار لانهم ماراحوا عن بالي أبدا وأنا هناك ،، قال تدرين هذولي وش سالفتهم طبعآ بعد ماشافهم ؟
قلت : لا 0
قال : هذولي مسااااكين ويحزنون 0
قلت : ليه ـــــ تعرفهم ؟
قال : ايه ،،، في آخر الشارع اللي عندنا ،،،
قلت : وش سالفتهم بسرعة ؟
قال: هذولي ماتت أمهم والدة الشاب من فترة وهم شباب كثيرين <<<<< بس أنا ماشفت الا واحد اللي قلت لكم عليه ""
وعايشين في مأساة والظاهر هم اللي يطبخون لأنفسهم 0 وحالتهم صعبة شوي وفيه أثنين مريضين """ يارب تشافيهم "" 0
قلت : وش دراك ؟ قال أنا قد سمعت كذا عنهم من ولد جيرانهم 0 وهم نشوفهم دايمآ بالشارع يكسرون الخاطر 0
من جد يبنات خنقتني العبرة :44: إلا بكيت على حالهم ياعمري وقلت سبحاااان الله اللي يدور مكرونة والا يدور الشوربة والفيمتو واللي واللي 00000 إلخ
وهذولي كفاهم الاندومي وبيآكلونه شبه يومي برمضان ،،، ياسبحااااااان الله كيف الواحد يحمد ربه على النعمة اللي هو فيها ويشكر الله 0
ملاحظة :
1_ الموقف طرحته لأجل الواحد يشكر ربه على نعمته 0
2_ الدعاء لهم والله يسهل عليهم ويدلهم على من يرحمهم ويشفي المريض منهم 0
* الله يبلغنا وإياكم رمضان أعوامآ عديدة في أتم صحة وعافية 0
* الدعاء لوالدتي بالشفاء ولي بالذرية الصالحة 0
* دمتم في حفظ الرحمن 0
أستغفر الله وأتوب إليه