خواتها وخالاتها متزوجين ومن عوايل خدم وحشم وهي تحس بالإحراج ..ياليت الكل يدخل يساعدها

ماعليه ياقلبو مااحد يكره الخير والنعمه ..

بس بعد الواحد مايتبطر على الخير اللي ربي عطاه ..

الخدم والحشم موكل شيء بالدنيا ..

ترى السعاده والراحه بالقلب ..

وهي بعد لاتصير ثقتها بنفسها ضعيفه ..لاتصير إمعه إن أحسن الناس أحسنا ..وإن أساؤا أسأنا ..!

خصوصآ إنهم ماتميزوا عنها بدين أو علم ..مجرد كماليات من زيف الدنيا على شوية معاصي ..!

"لا حسد إلا في اثنتين: رجل آتاه الله مالاً، فسلطه على هلكته في الحق، ورجل آتاه الله حكمة فهو يقضي بها ويعلمها"

هذي الأشياء اللي صح الواحد يتحسر عليهم ويضيق صدره لو ماامتلكهم ..لأنهم أغلا النعم ..وأعلاها ..وأنفعها في الدنيا والآخره ..

تأملي ياقلبي حال المهاجرين لما جاء فقراء المهاجرين إلى رسول الله صلى الله عليه وسلم فقالوا: "ذهب أهل الدثور بالدرجات العلى

والنعيم المقيم، يصلون كما نصلي، ويصومون كما نصوم، ولهم فضل من أموال: يحجون، ويعتمرون، ويجاهدون، ويتصدقون؛ فقال: ألا

أعلِّمكم شيئاً تدركون به من سبقكم، وتسبقون به من بعدكم، ولا يكون أحد أفضل منكم إلا من صنع مثل ما صنعتم؟ قالوا: بلى يا رسول

الله؛ قال : تسبِّحون، وتحمدون، وتكبِّرون، خلف كل صلاة ثلاثاً وثلاثين".

شوفي هم يحسدونهم عالنعمه ..لأنهم حسوا إنهم يقدرون يتصدقون أكثر منهم ..,ويحجون ويعتمرون ..لأنهم أغنياء ..!!

دامها مرتاحه مع زوجها ..ومبسوطة ..وربي منعم عليها ببيت زوج وأطفال ..ومابينهم ذاك الخلافات والمشاكل ..

ليش تطالع لغيرها ..حبوبة القناعه حلوه ..!

ولو بتطالع للي أحسن منها بتتعب ..

وحتى الميزه اللي بتحسدهم عليها موذاك الشيء ..

كونهم يخلون أولادهم عند الخدم ..تعالي أقرأي قصص الخدم ..وإجرامهم بالأطفال ..قصص تشيب الراس !

موشطاره من الحرمة ترمي أولادها عند الخدم ..وهي خراجة ولاجه ...لاهو ميزة فيها تغبط عليها ..


والله ياكم وحده قابلتها تقول أدعولي أستغنى عنهم ..عذاب نفسي وقلق ..تخرج وقلبها وعقلها مومعاها ..!!


وياكم وحده ترمي أطفالها عند الشغاله تبغا منها ستر وغطا على فشلها في التربية ..تقولك أولادي عفاريت ويفشلون ماينوخذون مكان عام ..!!


فمضطره تبعدهم عن أنظار الناس !


بالعكس خليك أنتِ قدوة بالشيء الصح ..موعيب تاخذي أطفالك معاك ..لو كنتِ رايحه زياه أو مناسبة ..!


المهم تكوني معلمه أطفالك الأدب والذوق ..ومربيتهم صح ..!


كونهم يلبسون عبايات كتف وهي تلبس راس ..كلن يلبس بمزاجه ..ماهي مجبورة تغير قناعتها لأجل تساير الناس ..!


كتف او راس ..ماهو ذاك الفرق ..المهم تكون العبايه ساتره في كلا الحالتين ..ومحتشمة ..


وأذا هم بيحتقرها علشان هذا الشيء ..فجزاهم الله خيرآ ..شالوها عنها ذنوب ..


حلو الوحده تلبس وتساير الموضه والإتكيت ..بحدود الشرع ..


مومعقولة إذا مالبست بنطلون ماراح تطلع هاي كلاس وشيك ..!!


المسأله تعتمد عالذوق قبل كل شيء ..وقدرتها عالتنسيق ..والإبداع ..بحدود ميزانيتها ..وأمكانياتها ..!

..والله انا اقولها لاتخرب بيتها بيدها يعني امانه اذا صار عندها خدم وحشم وخلت عيالها عندهم ولا سمح الله رجعت ولالقتهم بتحسر طول عمرها وبتعرف انو الحشم والخدم مو كل شي وانا اقول خليه تركد وماعليه الامن زوجها والله يسخر ه لها

يا حلو الستر والعافيه

اذا هي مرتاحه مع زوجها تحمد ربها وتشكره الف مره

لو كانت تعيسة في زوجها او متاخره في الزواج

كان قالت اهم شي اتزوج اي احد


والله يهديها ويوسع صدرها ويرزقها وزوجها من حيث لا يحتسبون

مشكلتنا ماذبحنا الا هالناس والسنتهم اللي ماتسكت الله يقصها قص

ننصحها في ايش بالضبط هيا عارفه نفسها انها غلط واحيانا تقول الحمدلله وتكون صح
شوفي ياحبيبتي اول شي خليها تقرا موضوع العضوه خالة سيف اللي عنوانه كارهه بيتي ورجلي وحياتي كلها
ثاني شي السعاده مو بالمظاهر تصدقي اني احس انهم هما اللي حاسدينها على حياتها
الشقه كل ماصغرت كل مالمتها هيا وزوجها وعيالها اكثر وكل ماقربتهم اكثر غير لو كان بيت مترامي الاطراف ممكن مايتقابلوا بالايام
ثانيا الخدم والحشم ايش فايدتهم غير الكسل والاتكال عليهم لدرجه الام ماتشوف اولادها وهما مع الخدم لا ويطلعوا ويتركوهم مع الخدم؟؟
بالعكس في دي النقطه هيا احسن منهم عالاقل زوجها بياكل من يدها وعاجبه اكلها وعارف انه زوجته حبيبته السنعه هيا اللي طابخه مو خدامه يعني وجود الزوجه زي عدمه بالعكس الخدامه اهم عشان الاقي غدا
والترابط بينها وبين عيالها اقوى ويمكن لمن يكبروا يصيروا بارين فيها اكثر من اخواتها لانها تعبت فيهم ماخلت خدم يربوهم
حطي في بالك زي ماتتعبي في عيالك يتعبوا فيكي لمن تكبري
تعبي فيهم بنفسك وسهرتي وشلتي ولبستي واكلتي تعبوا فيكي بنفسهم وسهورا عليكي وشالوكي واكلوكي
تعبتي عليهم بالفلوس وومجرد دفعتي رواتب للخدم يربوا بدالك هما لمن تكبري حيدفعوا راتب خادمه او ممرضه تهتم فيكي وتسوي اللي تسويه فيكي تعذبك تضربك مالهم دخل
وبعدين الانسان مايحكم ويقارن من المظاهر يمكن وحده منهم قصر وسفر وفلوس بس زوجها بارد مايقربها اصلا
يمكن وحده عايشه بقصر بس زوجها مايكلمها كلمه حلوه او يكلم بنات او يخونها
يعني تحط في بالها البيوت اسرار والظاهر مو مقياس
وخليها تحاول تشوف الجوانب الحلوه في حياتها وتركز عليها عشان تلاقي السعاده لان مهما صارت غنيه في اللي اغنى وفي اللي احسن طول ماتقارن ماراح ترتاح
كلنا كنا في بيوت اهالينا مرفهين وطلباتنا مجابه واتزوجنا انحرمنا من اشياء كثير بس اهم شي السعاده الروحيه وتعامل زوجك الطيب معاكي
فلي رجال عندهم ملايين بس بخلا وفي رجال عندهم ملايين سفر وحريم وقلة حيا
تفضلي ايش؟؟
ملايين وزوج خاين ولا حياه بسيطه وزوج طيب حنون
خلي تفكيرك كده واللي يرمي كلام انسان ناقص مو واثق من نفسه
بس خليها هيا واثقه من نفسها عشان يصيروا هما اللي يحسدوها على سعادتها وعلاقتها مع اولادها وزوجها وحب اولادها لها وتعلقهم فيها
خليها ترضى باللي عندها لان ممكن ربي يبتليها بشي لانها ماحمدت نعمه وخليها تركز على حياتها واولادها وتحاول تسعد نفسها وزوجها
وتحمد ربها على السقف واللقمه لان ملايين مو لاقيينها