خواتى اللى استخدمت اكرينال ترد على سؤالى جزاها اللة خير

سمعت عنها بس مااستخدمتها:26:

وعليكي السلام ورحمة الله وبركاته هلا وغلا الدانة ..

كل عام وانتي بخير وعساج من العايدين والفايزين

شوفي الله يسلمج .. استخدمت اكرينال كورس كامل وانتهيت منه من قبل 3 اسابيع
والكورس عبارة عن 4 اشهر

واستخدمته علشان التساقط للحالات النقسيه اللي اعاني منها .. استخدمته فقط علشان التساقط مع الشامبو
اهو بصراحه صج وقف التساقط ولكن بنسبه 60% وصج فرق عن قبل لما كان يتساقط بالهبل .. ولما استخدمت معاه السورسير عقب شهر فعلا وقف التساقط بنسبه 90%
والسورسير فعلا يوقف التساقط وايد وينبت الشعر بعد


الاكرينال مادري اذا يطول الشعر او لاء - لكن شعري كان بداية الي جتفي من بديت الامبولات .. وصار الحين الي تحت الستيان بالضبط .وايضا انا قصيته من قبل طول اصبع ......... يعني كان الي الكتف وعقب طال وقصيته طول اصبع وعقبها طال الي مستوا الستيان ورا صوب الظهر -
. فعلا طال شعري بس ايضا كنت ازيت شعري بالاسبوع مره او مرتين -

بس عيب اكرينال انه في اخر الشهر وخاصة اخر ثلاث اسابيع من الشهر نهاية الكورس بدا شعري يتساقط بس مو وايد لكن بدا يتساقط بطريقه ملحوظه يمكن من الصيام نقص الاكل - او لاني انتهيت من كورس الامبولات علشان جذيه الحين لجأت الي امبولات فيجي وصايرلي الحين عشر أيام ان شاء الله يضبط

تبين شعرج يطول ركزي علي زيت معين


كنت استخدم زيت خلطه اسويها وهي عباره عن زيت خروع مع زيت زيتون مع زيت جوز الهند مع حبة البركه مطحون ناعم مع زيت جهران
كل واحد منه استكانه اخلطه مع بعض وادهن شعري علي بالاسبوع مرة من الخميس بالليل حتي الصبح قبل صلاه اليمعه
يخلي الشعر طري وناعم وما يكش

بس اخر مره قريت بالمنتدي البنات يسولفون عن زيت مادري شنو اهو بالضبط زيت بحريني لونه شفاف والبطل شفاف بعد مكتوب عليه HAIR OIL 555 وعليه صوره مسجد مكتوب من تحت عالقرشه اصغر علي البحرين - ينباع بالحواي ربع دينار الحجم الصغير -

ومادري وايد وايد بصراحه وبامانه يخلي الشعر ناعم قبل وبعد السباحه وفعلا لاحظت عليه يطول الشعر بس كان استخدامي له يوم ايه ويوم لاء يعني ادهن من الليل حتي ثاني يوم العشا واغسل شعري هاليوم اليوم الثاني لاااء اليوم الثالث ايه وفعلا لاحظ الطول - حتي اروح الدوام وشعري مدهن لا له لا لون ولا ريحه
وايضا عقب السبحه اخذي منه نقطه ومسحه علي اطراف شعرج


هذي كل المعلومات اتمني تستفيدين منها

واسفه علي التاخير وعدم الانتبهاه

استعملته اربعة شهور..
والله استفاد شعري وطال بشكل ملحوظ..والتساقط قل بصوره كبيره..وشعري اتحسن معاها..
انا ناسبتني..كثيررر:27:

السلام عليكم ورحمة اللة اللة يعطيكم العافية خواتى اللى ردو شمس الشموسة وشمس بدر واليسا ماقصرتو يالغاليات وين باقى الخوات كانو بموضوع الاخت سندويشة شكثرهم على العموم انا ان شاء اللة تعالى بعد ماقريت كلام شمس بدر واليسا جنى عزمت اشتريهم بس همن ابى انطر اقرا راى اللى استعملوها يلة بنات لاتنقعونى بتلاحق شعرى :21:

السلام عليكم

مفيده الامبولات واتطول الشعر هذا عن تجربتي



اتوكلي على الله ولا تنسينا من دعائج :27: