خواتى قولولى متى استعد للولاده وايش اخذ معي ؟؟؟

هلا وغلا مخلصة لزوجها

ربي يتمملك حملك على خير وتجيبين اطفال كاملين غير ناقصين
في احسن خلقه و تقويم يارب ..

مادام انتي حامل بتوأم ربي يحفظهم لكي اشتري اغراض النونو على مهلك
لا تتعبين نفسك يعني كل ماخرجتي مشوار انتي وزوجك اشتري اللي تلاقينه قدامك
وكذا الين تخلصين كل الاغراض ...
بس اهم شي لا تكثرين من الملابس لأن الطفل ماشاء الله راح يكبر عنها بسرعه
خذي الاشياء الضروريه وخصوصا الجو بارد

تسلمين يا قلبي على الرد السريع


اله يفرح قلبك بكل ما تتمنينه يا رب


ويجعلك من اهل الجنه بالدنيا والاخره يا رب


:26: تستحقينها يا اختى الغاليه اطيب قلب

الله يسهل عليش يارررررررررررررب وتجيبينهم سليمين مهدييين من ر ب العباد اشتري وقت اللي تطلعين فيه وتشوفين شي يعجبش بس لا تشترين اشياء وايد لان الياهل يكبر بسرعة


والله يقومك بالسلامة وتبشرينا ياااااااااااااااارب وتجيبين كتكوت وكتكوتة يارب

الغاليه كل الاسماء


تسلمين يا ربي ممن كل شر


ويعطيكى على قد نيتك الطيبه يا رب يا سميع

ومشكوووووووووووره يا قلبي على الرد الحلو من شخص اكيد حلو


الف شكر وما انحرم يا رب من ردودك وتواصلك ونصائحك الحلوه


واشكرك كذلك على الدعاء الجميل


يا رب يستجاب لك بكل دعاء وصلاه يا رب

الله يقومك بالسلامة و تولدينهم وهم بألف عافية..
انصحك تشترين الاغراض و تجهزينها في الاسبوع ال35 من الحمل.. اللوازم المطلوبة:
لك:
1) ملابس مفتوحة من الامام للرضاعة .. تقدرين تسوين ملابس بالدانتيل .. تستقبلين فيها الضيوف .. مرتبة و عملية..
2) ملابس نوم ( بيجامات و قمصان نوم) مفتوحة من الامام
3) حمالة للصدر الخاصة بالرضاعة.. و كلسون الاستخدام الواحد.. علشان ما توسخين ملابسك الداخلية..
4) مخدة الرضاعة Boppy Pillow من Toys R Usعلشان تحطين عليها التوأم لما ترضعينهم.. تسند الظهر و تخلى الصدر بمستوى فم الطفل
5) كريم للصدر.. علشان ترطيب الحلمة.. و انصحك ب Palmer's Coco Butter Formula ( Nursing Cream) ..
6) روب قديم ..لان ثوب المستشفى يكون مفتوح من الخلف..
7) مشط - معجون و فرشاة اسنان - طوق و مطاط علشان ترفعين القصة و الشعر..صابون و شامبو.. لانك ممكن تستحمين قبل الولادة- فوط - و سيشوار صغير- مكياج و مراية- كريمات العناية بالبشرة
8) فوط نسائية ذات امتصاص عالي
9) غطاء للمخدة : علشلن تكون الريحة نفس ريحة البيت.. فتقدرين تسترخين اثناء النوم
10) كتاب عن التوائم: يسليج لحد ما تستعدين للولادة
11) وسائد الجل الساخة و الباردة للصدر: علشان تخفف احتقان الثدي و تساعد على انزال الحليب.. تلقينها من Mother Care و نفسها للمنطقة الحساسة :علشان تخفف من الم الخياطة
للطفل الواحد:
6 ملابس داخلية و 6 اوفر اوول ( ملابس نوم ) - او اكثر حسب الحاجة
لبس للطلعة من الستشفى
3 قفازات + 3 غطاء الراس
3 شرشف اللف ( القماط)
بامبرز حجم New Born + كريم الحفاض Sudo Cream + محارم مبللة من بامبرز + دوائر قطنية
شامبو و صابون حجم صغير للاطفال
بالنسبة لبعد الطلعة من المستشفى(لكل واحد):
اشتري 12 حبة من الملابس الداخلية حجم0-3 و 12 من حجم3-6
بيجامات قطعة وحدة : 3 حجم new born و 3حجم 0-3 و 3 حجم 3-6
بيجامات قطعتين : 3 من كل حجم
ملابس للطلعة او لاستقبال الضيوف: 2 من كل حجم
6 شراشف لف الوان مختلفة حسب لون البيجامة
6 قفازات و 6 غطاء الراس
3 لحاف سميك: بيج و ابيض و ازرق (او وردي)
6 فوط الاستحمام ذات غطاء للراس تكون من لونين مختلفين علشان ما يستعملون فوط بعض..
6 فوط صغيرة تكون من لونين مختلفين

اتمنى اني اكون ساعدتج.. و مثل ما قالوا الاخوات لا تشترين وايد لانهم يكبرون بسرعة..