خواتي

الموضوع ماله علاقه بخواتي بس انا كتبت كذا لاني ويشهد الله احسكم مثل خواتي انا حاليا بانقل بيت جديد وتعرفون احتاج اغراض من السوق وكراتين الم فيها اغراضي وزوجي مطنش ما جابلي اي شي صار لي شهر ازن عليه ما جاب شي ولا تحرك مقاضي البيت ما يجيبها وان جابها بالقطاره ومو كلها تعبت من المشاكل والهواش واعذاره اللي ماتنتهي مداوم تعبان مشغول معزوم اااااه الاخيره هذي حكايه دايم في طلعات مع اصحابه وانا ان تكرم ووداني السوق مو اكثر من محل واحد وبسرررررعه كأن احد يلحقنا ويحطني في البيت وع طووووول ع الاستراحه تعبت يا بنات زواج اختي بعد اسبوعين لغاية الان ماشريت فستان ولا اي شي كل ما ابغى اروح مشوار يقول لي دقي على اخوانك يودونك وانا والله انحرجت منهم من كثر ما يودوني ويجيبوني حتى لما ابغى اروح لاهلي يجو ياخذوني وحضرته نايم او طالع يتمشى قبل شوي دقيت عليه قلت له البيت مافيه شي لو تشوفو العشا اللي عملته لعيالي قال لي تصرفي قلت له تعبت من اسلوبك هذا قال حتى انا متحمل تأخيرك في الدوام مع اني والله مو مقصره معاه ولا مع عيالي في شي اطبخ من الليل واجهز كل شي اصحى الفجر اغير لبنتي الصغيره واسوي لها حليب واتطمن على الباقين وهو ناااااايم لانه طول في السهره وارجع مرهقه واكمل شغلي لما استفزيته في الكلام قال لي هذا اللي عندي عاجبك زين مو عاجبك روحي لاهلك قلت له انت اللي توديني مو هم ياخذوني قام ينافخ يا بنات وقعد يتحلف فيني بس يرجع صدري ضيق ودمعتي على خدي تعبت شورو علي الله يسعدكم ويسخر لكم ازواجكم