خواتي أطلب مشورتكم في هاالموضوع؟؟!!!

لما حملت في للمره الثانيه بنتي عمرها 7 شهور

وصح ولدك عمره زين على ماتولدين الا هو رجال اسم الله عليه

توكلي على الله

مشكوره حبيبة قلبي يابنت الكويت على ردك السريع واللي فرحني والله يسعدك ان شاء الله:24: :26:

لاشكر على واجب حبيبتي:26: :24:

اختي عربيه
هالشي يعتمد على ظروفج
- هل انتي موظفه ؟
- عندج خدامه زينه وثقه ؟
- عندج احد بالبيت تعتمدين عليه اذا طلعتي ؟
- هل عندج مشاكل صحيه ؟

اذا موظفه اكيد بتتعبين بالدوام والخدامه ماراح تلحق على عيالج لان الكبير اكيد يمشي وبيلعوزها الا اذا كان عندج احد بالبيت ممكن يشرف عليهم
اذا عندج مشاكل صحيه تمنع الحمل ممكن تسبب مشكله
انا ماأؤيد اللي تحمل خلال السنه الاولى من عمر الطفل لان هالشي يرهق الرحم وممكن يسبب امراض وهذا اللي اشوفه على الحريم اللي يجيبون عيالهم ورا بعض
وبنفس الوقت ماتعطين طفلج الكبير حقه من الرعايه والاهتمام او ممكن تهملين الصغير

طبعا اذا قررتي تحملين على ماتولدين الا عمر طفلج فوق السنتين
والافضل تستشيرين الطبيبه النسائيه عشان تشوف اذا فيه مشاكل او ممكن الحمل يسببلج مشاكل
والرجاجيل ماهمهم بس يبون عيال على بالهم الحريم مكاين تفريخ مايدرون بالمعاناة والتعب والعذاب في الحمل والنفاس والتربيه

مثل اختي ولدت بعمليه وجابت بنت ولما صار عمرها 6 شهور حملت مع ان هالشي غلط واكتشفت ان فيها بنت وزوجها يقولها تحملين بسرعه ورا البنت الثانيه وهالشي خطر على حياتها
يعني الرجاجيل فيهم انانيه شوي
بس بالنسبه لج ممكن يمشي الحال اذا ظروفج في البيت والصحيه زينه

والله يوفقج
تحياتي :26:

أرى أختي إنك تتوكلي على الله وتحملى لأن عمر أبنك مناسب .بعدين الطفل كل مايكبر تزداد غيرته على اللى أصغر منه . والله يوفقك لما فيه خير وصلاح لك .
وتقبلي تحياتي :24: :26: