خواتي ابغي شوركن انا تعبانه

هلا اخواتيسبق وخبرتكن انه تصرفات زوجي تخليني اغار من الزوجه الاولى .. اليوم استوت سالفه 😥زوجي عندها اليوم .. وهو يعاني من القولون العصبي والام المعده ويوم يعصب ما يطيق نفسه مثل مايقول اليوم اتصل فيني من بيته الاول ويخبرني انه المعده شابه عنده ونفسيته تعبانه قلت بكلمه واسولف معه عل وعسى اخفف من الااامه وكان يكلمني بعيد عن زوجته الاولى وانا احاول اضحكه واسوي سوالف وهو طايح فيني يقول انتي متفيقه .. وانتي ماعندج ثقافه وكلام من هالنوع .. طبعا متعوده اسمع واطنش عشان صحته .. قلت له انت الحين هذا اسلوبك الجاف لما تمرض مع الناس كلها وهو فهمني من اقصد .. قام زعل وقالي صكري الخط قلت له ان شاء الله وصكرتورد علي بالمسجات انه الناس اللي عنده يفهمون ويحصل منهم خدمات هني دارت الدنيا فيني .. مع اني اقسم بالله ماعمري قصرت معاه بشيء .. اضطريت ارد عليه يعني انا اللي مقصره ولا اسوي لك خدمات وانا اللي ماشريت لك السعاده 😔قال جعلج ماترسلين .. دام هذي سوالفج مارديت قام اتصل بعد نص ساعه يقول هدت عنده الالام وانه يبي يوصح لي انه الخدمات اللي يقدمونها له مايكلمونه وهو في هالحاله .. مراعين مرضه وزاد عليهم كلمات رومانسيه لي يبي يرقعها ... بس اشلوون اصدقه .. مسويه نفسي زعلانه ومااقتنعت بالاجابه وخاصة انه سبق ان قال لي امامي ان زوجته الاولى ماتنرفزه كثري .. لذلك اخواتي ابغي اعرف هل انا اخطأت بشيء ؟