خواتي ابي دعائكم لي بالتوفيق وابي رائيكم

اولاً احمد الله على كل شيء واشكره عا فضله وادعيه انه يعوضني خيرا ويرزقني الصالح

كنت توني ببداية عمري 23 وتقدم لي شخص رسمة كل احلامي معااااه طوال فترة دراستي بالكليه فرحة وقتها حسيت انو دخلت الدنيا الي احلم فيها وبعيش زي باقي البنات وتم الموضوع وجلست مملكة عليه فترة الين خلصت الدراسة وطول هالفترة وانا كنت احلم واحلم بليلة العمر وقبل لا يتم الفرح انكتب لي ان احمل لقب المطلقة وقبل لا ادخل هالدنيا الي حلمة فيها وبدون سبب يذكر وبدون ما يكون لي ذنب في هالموضوع سوى ان هناك مشاكل بين الاهل وطلبو اهله انه يتخلص مني وقبل بالامر وارضى اهله وغرورو اخواته ........... قاومة وقتها انكساري وتحملت ومرت السنوات ومر فيني العمر وكانت كل سنه تمر يكبر فيني الهم بداخلي دخلت الثلاثنين ولا انكتب النصيب وكل ما تقدم شخص ما يتم الموضوع قلت ربي بيعوضني بالصالح وللحين ما جااااء مسكت مصحفي دعيت ربي كنت اشوف في عيون امي حزنها عليا كنت احاول ابين لها اني سعيده واني مو مهتمه .. ومن داخلي انذبح الف مره عا الظلم الي انظلمته من اهلى خطيبي السابق .... ومريت في سن الثلاثين وكنت اشوف الي حولي كلهم تزوجو والي اقل مني عمر وكنت اشوف الشفقه في عيون الي حوالي لدرجة انو بديت اعتزل الناس ما ابي اسمع كلام يعور قلبي ..... ووصلت لعمر ال 33 سنه تقدم لي رجل متزوج صالح وابن حلال كنت متردده ما ابي اهدم حياة غيري واقنعوني كل الي حولي امي جاتني وقالت انا مو دايمه لك بعد ماتوفى ابوي جلست انا وامي بروحنا بالبيت امي تبي تشوفني ببيت زوجي ... وافقت واعترضو قريباتي لان زوجته تصير لهم .... مع العلم بانهم اخبروني بانها موافقه وانه لو ما اخذني بياخذ غيري ....

الاااااااااان انا بحيرة ابي رايكم ابي نصيحتكم تعبت من التفكير محد يدري وش بداخلي امو ت الف مره كل ما مرت سنين عمري اموت الف مره يوم اشوف امي وحزنها عا حالي.... شتنصحوني اوافق على هالرجل المتزوج

انا اصبحت عدوة اصبح الكل ينتقدني ... طيب انا شسوي لمتى بجلس كذا وليه يعادوني انا ما ارتكبت حرام

ارجوكم ابي دعاااائكم اكتب والله وانا اقسم بالله باني دموعي عا خدي

ادعولي بالتوفيق ما ابي الا الستر والتوفيق والصلاح

اختكم