خواتي ابي شورلااكثر

الأسرة والمجتمع

السلام عليكم خواتي بنات حواء كيفكم *****الله تمام اناداخله ابي اخذرايكم في خطوه باقدم عليهاويشهدالله اني حتى خواتي اللي من لحمي ودمي ماراح اقولهالهم :44:السالفه حبيباتي بالمختصرانامتزوجه من قريب لي منذسنتين فقط والحمدلله زوجي رجل خلوق جداواناسعيده معه لابعدحدولله الحمدوالمنه مربط الفرس ياحبيباتي اني من اول شهرتزوجت فيه وزوجي وانابعدمتلهفين على الانجاب لاكن زوجي متلهف بشكل جنوني ماشلت هم بالبدايه قلت *****الله بحمل زي باقي خواتي عدت الايام ومضت الشهور الاربعه الاولى بعدها قالي زوجي لازم نفحص سوينا كل التحاليل والنتيجه ان زوجي سليم تماما واناضعف فالتبويض ولخبطه بسيطه فالدوره ماخذت وقت على طول بديت فالعلاج واسالت اهله كل يوم تزيدخصوصاان علاقتي معهم مش ولابدموقصورفيني والله بس مشاكل بين اهلي وبينهم منقبل الزواج بكثيرومع ذالك النصيب وداني لهم المهم صارت خالتي تقط علي كلام ماله داعي وتزوج اخوان زوجي الثنين وحملوحريمهم وانا محلك سرزوجي يبدي تحفظ على كلام امه ولايعلق وقالتلي امه بالحرف الواحدلوماحملتي هالسنه بزوج ولدي هواخيراحس وردعليها وقال كل شي بيدالله واناالحمدلله مرتاح مع زوجتي والعمرقدامنا وش تتوقعون قالت هي؟قالت:والله لاقطع ديدرضعت منه لوماسمعت كلامي هناانتهى الكلام اناعني ماقصرت بذلت جميع الطرق اللي ممكن تخليني احمل ووالله العظيم انه دائماتحدثلي استجابه ممتازه للعلاج ومع ذالك مايحدث حمل ولكم تتخيلون مصاريف العلاج صح زوجي طيب بس للاسف هواللي يصرف على اهله ومطلع قروض ومزوج اخوانه مع ان راتبه يتعدى15الف بس والله مايبقى منه الا5فقط وذي يدوب تكفي مصاريفنا والاجاريعني ماعنده قدره دائماعلى تكاليف علاجي صح اذاكان معه يدفع بس غالبامامعه واناماقصرت كل ريال يجيني اجمعه واصرفه على علاجي وبعت جزءبسيط من ذهبي وسويت تلقيح صناعي وبرضومانجح واناالان في خيارمالي اي ذنب فيه امااحمل اوخالتي بتزوج ولدها ولاتقولون لاتمزح لاوالله هي شخصيتهاقويه وماعندهافي احدوموراضيه عن زواجي منه من البدايه طيب انا طفرت والله ماعادمعي ال500ريال وتكاليف العلاج باهظه وش الحل؟بعدماسويت بحث فالنت عن عمليات الانابيب والحقن المجهري ونسبة نجاحهاالعاليه في مثل حااتي قررت اني اسوي حقن مجهري والمصيبه انه يكلف مع العلاج مايقاربال15الف وانامن وين بجيب مبلغ هالقد؟بعدتفكيرعميق فكرت اطلب من اهلي لان حالتهم الماديه ممتازه بس بعدخايفه انهم ينظرون لي نظرة استصغارويقولون زوجهاعجزعن مصاريفهاخاصه وانادايم فرحانه عندهم بمركززوجي العملي ومالقيت الااني ابيع ذهبي كله واسوي العمليه واشتري حياتي وزوجي وش رايكم بنات اناخايفه ابيعه وهواخرشي املكه وفالاخيرمااحمل بعد والله اني في حيره من امري ابي شوركم واللي ماعندهاشورتكتفي بدعوه صادقه بظهرالغيب مليت بنات والله مليت لاانام لاليل ولانهارمن خوفي من كبره واللي مخبيته لي الايام------ام بلاطفل:icon33:
92
5K

يلزم عليك تسجيل الدخول أولًا لكتابة تعليق.

تسجيل دخول

رعشة الموت
رعشة الموت
بنات انتظر رايكم
همس 3
همس 3
الله يفرج لك همك
هوت شكولاته
هوت شكولاته
اهلين حبيبتي



الله يرزقك بالذريه الصالحه

صحيح انا ماتزوجت بس اسمع كثير عن قصتك وبالاخير يحملون

لاتصرفين فلوسك اذا كنتي صرفتيها من قبل ومافاد صحيح الامل عند الله كبير

فلوسك البقايه تصدقي فيها بنية الانجاب وجربي طريقه انك تكونين طول الوقت طاهره وتستغفرين مع سورة البقره

فيه طريقه جربوها بنات من قرايبنا ماادري اذا بتعجبك او لا بس بعد ماجربوها كلهم ماشالله حملو منها

هي خلطه واتمنى تتقبلينها

حطي كاس رشاد يكون حب
وملعقه كبيره الحبه السودا
وملعقه كمون ناعم

حطيهم بعلبه مع بعض
واذا جتك الدوره ثاني يوم كولي ملعقه كبيره على الريق قبل ماتاكلين اي شي واشربي معها زنجبيل او حليب
واصبري بعدها ساعه لا تاكلين شي
استعمليها لثلاث ايام بس

انا جربتها كانت الدوره مو منتظمه عندي الحين تجيني بوقتها

اتمنى اني افدتك ولا تنسين عليك بالطهاره والاستغفار والبقره
ملكة الغموض
ملكة الغموض
بيعي الذهب ولا تاخذي من اهلك اكثري من الدعاء والاستغفار وقيام الليل ولاتيئسي من رحمه الله واذا الله كاتب لزوجك زوجه ثانيه سواء رزقك الله الذريه ام لايرزقك اتكلي على الله انتي عنك ضعف وليس عقم قولي امين اللهم رب السموات السبع ورب الارضين السبع وب العرش العظيم ان يرزقك الذريه الصالحه ياحي يا قيوم
IN HOME ALONE
IN HOME ALONE
وسعي صدرك ياعمري واللي كاتبه الله بيصير

انتي ماعليك الا الدعاء في صلاتك وفي سجودك وربي ماراح يخيب املك

الله بيرزقك ان شاءالله خلي املك بالله كبير