خواتي ادخلو الله يوفقكم حالتي حاله

بنات آآآآآه من وين ابدأ ومن وين انتهي انا اختكم في الله في العشرينات من عمري متزوجه ومعي طفلين
ولله الحمد قبل خمس سنوات كان زواجي عايشه انسانه طبيعيه تزوجت بعد الثانوي على طول ولاكن في ثاني ثانوي في اجازة الترم الأول اي في عيد الأضحى يعني قبل زواجي بسنه ونصف تعبت:( وكان اول ايام العيد وقعدت يومين وانا احس بآلام في رقبتي وراسي واحس بضيقه وخوف تخيلو يابنات والله ماتهنيت بالعيد وفي ثالث يوم بالعيد رحت مستوصف وقاسو ضغطي وقالو ضغطك مرتفع وسألوني كم عمرك قلت 22سنه قالت غريبه وشلون يجيك الضغط بها العمر قلت الله على كل شيء قدير وحولتني للمستشفى على طول رحت المستشفى قالت لازم نسوي فحوصات كامله سويت فحوصات كامله وقالت الحمدلله كل شيء سليم بس االمشكله الوحيده هي الضغط وقالت لازم تسوين قراءات مدة سبوع عشان نراقب الضغط ينزل او يثبت المشكله ان الضغط ارتفع اكثر من اول واوجعتني يدي وماقدرت احركها ورحت مستشفى ثاني ودخلوني المستشفى ونوموني وسوولي فحوصات وقالو سليمه وعطوني دواء للضغط واستمريت عليه وبعد سته شهور تركته بامر الدكتوره وبعد اربعه شهور رجع الضغط ورجعت للدواء ولاكن بعد سنه اي قبل زواجي بشهرين تقريبا ارتفع اكثر ورحت المستشفى وزادو لي الدواء ولا فيه فايده يرتفع وينزل ولا كأني آخذ دواء المشكله مو الضغط الضغط يعتبر بسيط مع المشكله الثانيه وهي النوم ايه يابنات النوم انحرمت من شيء اسمه نوم طبيعي والله يابنات اني احزن تخيلو احيانا اواصل يومين اوثلاثه ماااأناااام واحيانا انام ساعتين ثلاث اربع ونومي مقطع يعني انام ساعه واصحي ساعتين واليل ماعرف انام فيه الا نااادراتخيلو يابنات من يوم تزوجت من خمس سنوت الى الآن والله يابنات ان اذا الناس نامو وشفت نفسي مانمت اني اقعد اصيح ودائما احس اني كسلانه ومالي خلق وودي بس اتمدد والله يابنات الناس مالهم الا الظاهرمايدرون يضنوني كسلانه لاكن الحمدلله على كل شيء والحمدلله اني سليمه ومافيني اي مرض عضوي وسويت فحوصات في مستشفى الحبيب ومستشفى قوى الأمن ومستشفى الجامعي والحمدلله سليمه والضغط تعودت عليه وتأقلمت معاه بس المشكله انه يرتفع وينزل بدواء والا بدون والله احيانا يرتفع وانا على الدواء وينزل وانا ماخذدواء والله حتى ايام الزواج وبشهر العسل يرتفع مع اني ولله الحمد كنت مبسوطه وسعيده لاتقولون ممكن احد يزعلك لاوالله ماله دخل واذا حملت الله لايوريكم يصعد للأعلى والمشكله مو هناالمشكله النوم النوم النوم آآآآآآآآه والله تخيلو يابنات اذا جيت بسافر لاهلي اني اشيل هم النوم لأني اروح وانا مانمت زين ومصدعه وجسمي كله آلام وماني مروقه واذا اجتمعنا عند اهلي انا وخواتي ونامو الناس انا قعدت اتقلب من جنب على جنب وبالنهار انام احاول اعوض بس الناس يقولون خير وش فيك كل وقتك نوم انتي ماتشبعين من النوم كان قعدتي ببيتك وش نستفيد منك كل وقتك نوم واذا جاملت وقعدت معهم الى انا مصدعه ومالي خلق وحالتي حاله والناس ضحك وسوالف ووناسه آآآآآآآآآآه يابنات والله حتى زوجي مل مني يقول اخذت وحده نوامه ودايم يهددني يقول ابي اتزوج وحده تجلس معاي اذا نمتي وزاد همي هم والله تخيلو يابنات آخر شيء رحت لدكتور نفساني وعطاني دواء مدة 6شهور بس احس مافيه فايده كأن تحسنت شوي بس مازالت الحاله موجوده وكل الأدويه المنومه اخذتها بس مافادت آآآآآآآه ياخواتي جعل الي فيني ما يجيكم والله يابنات اني ادري ان مافي يدينكم شيء الا شيئين وهي انكم تدعون لي وتقولون اذا احد مر بهالضروف الي انا امر فيها وكيف شفي منها وسامحوني يابنات ادري اني طولت عليكم بس قلت افضفض لكم شوي واخفف عن نفسي والله يعطيكم العافيه ويبعد عنكم كل مكروه :26: