خواتي ارشدوني محتاجه دعواتكم ونصايحكم

اولا السلام عليكم ورحمة الله وبركاته

هذي اول مشاركه لي بهذا المنتدى الشامخ

ابقولكم قصتي انا تزوجت وعمري 23 والحين عمري 30 والله مااذكر يوم حلو مع زوجي كله مشاكل هو طبعه بارد لابعد حد ماعنده اهتمام بالزوجه ولا بمشاعرها اهم شي انه تنفذ اوامره وبس

ماخذ الحياه الزوجيه انه هو الامر الناهي والزوجه الخادمه بدون ماترد كلمة لا

امه فرضه شخصيتها على ابوه حتى بداية زواجنا كان يقولي انه يتشاجر مه امه مو راضي من تصرفاتها

وعشان كذا انا اللي اكلتها صار يتحكم فيني بكل شي طيب انا وش ذنبي


انا ابوي متوفي منذ صغري وعشت عند زوج امي كأنه ابوي مو مقصر علي .. بعد ماتزوجت حسيت بالحرمان وفقدان الامل بكل شي صرت افقد شي اسمه سعاده والله مااحسها لها طعم وين مارحت وكل هذا بسببه


والله وماكذبت عليه انه انسان ماعنده تحمل للمسؤليه كنت كل مااروح لبيت اهلي زعلانه مايهتم فيني ولايحاول يراضيني ,,, اهلي يحاولون يهدون الوضع بيني وبينه وبعد مايطيح اللي براسه يجي ويتشرط ويقول هي اللي مقصره معي وهي وهي يعني كل العيب مني

واهلي يصلحون بيننا ونرجع لبيتنا وهكذا يبدأ المشاكل

ياليتني تطلقت منه من البدايه قبل لااحمل ماحملت الابعد 4 سنوات طبعا كان اهمال منه مايهتم بالاطفال

كان فيني تكيس بسيط ولماتعالجت الحمد لله حملت ..

وبعد ماكمل طفلي 8 شهور عمل مشكله وانتهت على خير لكن هو مانساها لما رحت لبيت اهلي زياره تركني عندهم
وباع عفشي ودق على وقال ابطلقك

وتركني سنه كامله معلقه .... يااليته طلقني وارتحت منه

كانوا اهلي بالبدايه يقولوا راح نتفاهم معه ونخليه يطلق بس بعدين قالوا حرام علشان الولد تراجعوا

وبعدها رجع ورجعت له والله ابوطبع مستحيل يخلي طبعه عنيد ومتكبر مايبادلني باي مشاعر ومايهتم فيني

قلت له اذا ماتحبني على الاقل احترمني واهتم بمسؤلياتك والله يابنات حتى مؤنة البيت مايجيبها الابطلعة الروح والمشاكل

اذا جيت اطلب منه شي قال خلاص ويحدد يوم اقضي حاجاتي ولما يجي ذاك اليوم يعمل مشكله علشان يحرمني مااطلع ..

انا اعرف بيوت تحصل فيها مشاكل بس مثلي مااتوقع احس اني عايشه مع شخص عنده شخصيتين

لاتقولولي التقصير منك والله عملت كل ماااقدر عليه

صدقوني لما اشوف مواضيع الليالي الرومنسيه واللي متفاهمين واللي يسافرون مبسوطين واللي واللي

اقول ياربي انا محرومه

انا طيبه والله اني لينه لدرجه احيانا اساعده بالماده اذا مامعه . واعرف انه مايستاهل بس وش اعمل اقول يمكن يحن قلبه علي ... لكن لاحياة لمن تنادي

انا االلي واثقه منه اعرف انه مايحبني لو يحبني ماكان هذا حالي

تصدقون فيه اشياء اعملها يمنعني عنها يقول لا مع انه اهله يعملوها ويضحك لهم مايتكم بااي شي

وش اقول آآآآآآآآآآآآآآآه ياقلبي يافيه من الهموم والعذاب ماتشيله جبال


انا ماعشت مع ابوي الله يرحمه ويسكنه جنات النعيم ويجمعنا به .. لكن لما عشت مع هالانسان صرت كل يوم ابكي احتاج لاابوي اكثر من اليوم اللي قبله ..


تكفون يامسلمات ادعوا لي انا افتقد السعاده والراحه النفسيه احتاج لاانسان افضفض له ..

ليه حرام علي اني اعيش براحه مثل اي وحده زوجها يحبها ويهتم فيها ويراعي مشاعرها ..

لكن الحمد لله على كل حااال


انتظر مشورتكم ..