هلا أختي الغالية صاحبة همة
بالنسبة للصورة الأولى بإمكانج استبدال الجبس الأبيض بخشب وأعتقد الخشب أحلى وأخف
سويه عند نجار فنان وعقب يصبغ لج الخشب باللون الأبيض... وبشكل عام ترا الديزاين هذا واااااايد حلو ويعطي حيوية للممر...

ولون غرفة النوم حلو ..مب باهت إذا راح تحطين ألوان معاه مثل اللي بالصورة مثل البيج والذهبي لأنها تكسر اللون الباهت وتعطيه اشراقة ...

وورق الجدران اللي في غرفة المعيشة بتحصلينه عند محلات الديكور... بس يبالج ادورين عدل عندهم...ومثل لوحة الورد اللي ع الجدار شفت وحده مقاربة لها عند إيكيا...ولوحة الوردة الكبيرة هاذي حللللللللللللللوة لو كانت عندج مساحة الجدار كبيييييرة لأنها بتصغرها نوعا ما...

والصالة حلوة وايد وايد صورتها وألوانها لأنه الألوان الفاتحة في الممرات والصالات تعطي جو حلو ومساحة للمكان ...وفقتي في اختيار الصالة والصور بشكل عام

موفقة يا الغلا....:)
وبيت السعادة يا رب

المتغلية

بالنسبة للون غرفة الجلوس وايد احب هاللون بس احس انة جرئ .. علشان جذي كنت افكر بالفواتح انا مثلج اخاف من اللون الأبيض بس اعتقد ان لون ورق الجدرا يناسبة اللون الأبيض وايد لو لاحظتي في الصورة

برايج لو احط لون ثاني غير الأبيض شو ممكن يناسب ؟؟


على فكرة انا من الإمارات ( الشارقة )
ويزاج ربي الخير

حبيبتي قلايد

وااااااااااايد راقت لي فكرة الخسب بدال الجبس ( ياريت الي تعرف نجار شاطر ادلني علية )


بالنسبة لغرفة النوم انا كنت افكر ادخل الألوان الي ذكرتيها يعني الجدار وردي مطفي الأكسسورارات و الأثاث ( بيج + ذهبي ) .


إن شاء الله بزور ايكيا اشوف شو عندهم ..


اسعدني جدا مرورج عزيزتي ..

انا بعدني محتارة في الأرضية ..

الرخام غالي ( مستبعد ).

الغرانيت إذا نكب علية شاي ولا قهوة يعلم وماتروح البقع بسهولة ( مستبعد ) .

السيراميك ملااااااااااااااااااانة منة لان بيتي هذا كلة سيراميك حتى غرف النوم ( مستبعد ).

الخسب يبالة عناية خاصة ( مستبعد ).

برسلان ( افكر فيه ).

ماربل ( سمعت عنه بس ماعرف شو هو بالضبط ) .

الماربل هو الرخام..