تفاحة سماوية :

هي العشر ايام الاولى وبعدين خلاص تقدرين تقومين بنفسك الله يسهل عليك يارب

هي العشر ايام الاولى وبعدين خلاص تقدرين تقومين بنفسك الله يسهل عليك يارب

@نبع الحب@ :

ربي يسهلها انا تنفست في امريم مرتينولحالي هالمرة ناوية نفس الشي اتنفس في بيتي لان هلي بعيدين عني وحتى لو كنت قريبة نلتنفست عند هلي لان امي ياعمري كبيرة في السن ماتقدر تنفسني انا سويت لي اعشاب اشربها في العشرين الاولى والاخيرة وتمرة وحطيتها بعلب وباتفق مع وحدة تسوي لي اكلي لمدة اسبوع لاني مثلك نفسي شينة ومااحب الاطبخي وسويت كشنة وقسمنها وفرزنتها وخضار قطعتها وفرزنتها ومراصيع وفرزنتها واذا قربت ولادتي باسوي لي محلى لمدة ٥ ايام وباحطها بالثلاجة واطحني لك فلفل اسود مع ماش وحطيها في علبةورشي منها على اكلك. واهم شي وكلي امرك لله ولاتنسين الدعا قومي اخر الليل وادعي الله ان يسهل امورك ويعدي فترة نفاسك على خير ايه نسيت اقولك جيبي شغالة بالساعة تجيك مرتين او٣ تنطف وتغسل وتكوي والله يسهل امورك ويصير فترة نفاسك ذكريات حلوة

ربي يسهلها انا تنفست في امريم مرتينولحالي هالمرة ناوية نفس الشي اتنفس في بيتي لان هلي بعيدين عني...

الأمومة الرائعة :

ربي ييسر أمرك البنات ماقصروا .. واسأل ربي أن يفرج همك و يحنن قلب أمك .. حبيبتي لا تكثري من التفكير بهذا الموضوع .. فقط اهتمي بحملك و استعدادك للولادة .. وانسي المشاكل و الأمور الي تضيق صدرك .. واكثري الاستغفار ففيه فرج من الله عز وجل .

ربي ييسر أمرك البنات ماقصروا .. واسأل ربي أن يفرج همك و يحنن قلب أمك .. حبيبتي لا تكثري من...

@نبع الحب@ :

برنامج متكامل للنفاس اخلظي سبع حبات مع العسل .. و تاكلين كل يوم ملعقه على الريق من يوم الولاده الى 30 يوم .. الحزا اول يوم ولادة في المستشفى يطبخ ويضاف له عسل ثم يلهمااثلاث الايام التالية  * المشروبات اليوميه  قهوتك ياعسل معها مره و تستخدمينها 3 ايام  اما اذا كنتي تاخذين مضاد حيوي ما تستخدمين المره ابداً لانها تبطل مفعول  النفاس 40يوم أقسميها إلى 20 و20 العشرين يوم الأولى في الصباح يكون عندك (بيتادين من الصيدلية) وتغسلين فيه المنطقة وتدهنين الخيوط بمرهم من الصيدلية أسمه((Garamycin وتكونين مجهزه عندك(خوا جوا مقدار فنجال ونص فنجال زيت زيتون وحميهن على النار وطلعيه من النار وأضيفي له شوي نفط) النفط تحصلينه عند العطارله أسم اخر وهو(البرغي) وتدهنين به الفوطة وبعدين تلبسينها أقصد بالفوطة(الأولويز) هالخطوة هذي كرريها ثلاث مرات باليوم منها نظافة ومنها تحمين نفسك من الشمم.واذا خلصت الخلطة أخلطيها مرة ثانية. الفطور تعجنين طحين (ياحبذا لوكان (بر) أسمر عشان الكرش وتحطين مع العجينة دوا أسمه(رزنه)ماأعرف لها أسم ثاني الرزنة هذي تنزل وله فوائد منها تخفف ألم الظهر) ثم تخبزين العجينة أكيد معها شوي ملح وتخبزينها على الصاج وتأكلينها وتشربين بعدها حليب مطبوخ معه حلبه (هذا الصباح ) القهوة (قهوتك المعتادة لكن التمر معبوك بسمن فقط) معبوك يعني(تخرجين النوى من التمر وتعبكين التمر بيدك الى أن يلين ويكون هو تمرك للعشرين اليوم الأولى) الغدا.. تبين مرقوق مع شوي حلب أو عدس أو جريش أو هريس براحتك بس أهم شي مايكون فيه طماط أوصلصة واي شي حامض العصر تقهوي كولي من تمرتك اللي بالسمن كولي معجنات وحلويات لاتحرمين نفسك من هالأشياء وفيه معلومه خذيتها من زميله هنديه تقول الحلويات تخلي الخياطة تنزل بسرعة...حطي بفنجالك شوي مره وصبي فوقه قهوه لأنه حلوه عن الشمم وتعتبر مضاد حيوي. (4) أشربي مطبوخة مرتين في اليوم :المطبوخة تحصلينها عند العطار يجمعها لك على نضرك(حلبه ودارسين وسكر نبات ويانسون وكمون وحبة الحلوه ونونخة ومرمية(( بس إذا كنتي ترضعين لاتحطين مرمية لأنها توقف الحليب عند المرضع)). وقشر قهوه (حاولي تكثرين قشر القهوة لأنه مفيد وإذا فيه إضافات للمطبوخة تحسين أنها مفيده حطيها عادي) بس أنتبهي من (الصك و اللك) لايحطهن العطار بالمطبوخة لأنهن دمار على المرأة(الطبيخة مرتين باليوم اخر الظهر وبالليل) . بعد المغرب تكون المعده خالية لازم نمليها من خير الله كولي عدس مفييييد يرجع الدم طبعاً يطبخ مثل الشوربا لكن جمديه شوي كولي وراه بيضة إذا ماعندك حساسية من البيض العشا...مثل الغدا وإذا بنفسك شي ودك تاكلينه لا مانع بس لايكون نواشف أو إيدام طماط عند النومه أشربي الحلبة بالحليب نستمر على هذا النظام لمدة عشرين يوم. والغسول بملح فارسي العشرين يوم الأخيرة: لازم نترك الحلبه(ماننكر فوائد الحلبة للعظام وللدم لكن إذا مانقضناها يرتخي الرحم وتخرب المرأة..لذلك أي شي فيه حلبه لازم نجنبه بالعشرين يوم الأخيرة)  نبدأ بالنقوض(معنى النقوض: هو نقيض الشي أي العشرين اليوم الأولى أكلنا أشياء تنزل سوائل من الرحم والحين نبي ناكل أشياء تنشف الرحم. تكونين خالطه عندك الحوار وهــــــي:  فنجال قرنفل(المسمار) وفنجال محلب ونص فنجال فلفل أسود تطحن هذه المقادير بس مهو طحن جامد أطحنيها شوي وأضيفي لها( فنجال رشاد ونص فنجال حبة سمرا(حبة البركة) بدون طحن ونص فنجال زنجبيل مطحون..(سميت حوار لأنها كلها حارة) تأخذين بملعقة وسط وتلهمينها لهم وتشربين عليها حليب مره في الصباح ومره عند النوم تستمرين عليها لنهاية النفاس. العصر أشربي طبيخة بس غير الطبيخة السابقة  (زعتر بري ونونخة وكمون وقشر قهوة أجمعيها بمقادير متساوية وأطبخيها على النار وأشربيها مرتين التمرة مثل العشرين يوم الأولى بس أضيفي لها رشاد وحبة سمرا تاكلين منها بكثرة (الصبح والعصر والليل)و كل ماتقهويتي كولي منها لاخر يوم بالنفاس. اخر ليلة بالنفاس تتكبين (الكبو ) أكيد تعرفنه ...تتكبين بالخوا جوا ] طلعتي الأربعين أول يوم بعد الأربعين تكونين مجهزة قشور رمان وطاحنتها وتخلطينها مع عسل خوذي ملعقة وسط وأشربي وراه ماء دافي(على الريق) ولازم تجلسين بعده ساعة ماتاكلين ولاتشربين ماراح أكذب عليك مفعول الرمان والعسل يدوم 24ساعة فقط بس مايضر لكن لازم تسوينه عشان الرجل مايحس أن فيه تغيرات. ملاحظة عشبة الحزا لا تشتريها لانها للنفاس الي مو البكر لان البكر ماتجيها سبحان الله الام في البطن مثل الي عنده عيال من اول يارب تستفيدي من جمعته لك وتدعي لي تجيني شغالتي خلال ذا اليومين

برنامج متكامل للنفاس اخلظي سبع حبات مع العسل .. و تاكلين كل يوم ملعقه على الريق من يوم الولاده...

قمر رمضان :

اختي لالالالا زم لك شغاله بالشهر دوري وسوي بحث في حواء في (ساعدوني ) البكريه كل شي عليها جديد وبعد الولاده بتتعبين وبتحتاجين تنامين ولازم احد عنك يراعي البيبي وغير كذا ما تقدرين تشيلين شي ثقيل وانت توك واول مره تجربي الخياط يعني لالالازم تظغطين على نفسك وتجيبين شغاله ولو عشرين يوم بس شهر احسن لك وانت نفاس التمر جهزيه من الحين وخطيه في علب ثم على الفريزر لوقت الولاده واذا جيتي تاكلينه لالازم تاكلين بملعقه ولا شوكة علشان السمن يفسد بسرعه وانت ما عندك احد يسوي لك كل اشوي ولا اذا جيتي تسوينه البسي قلفز وكورية ثم صفيه في علب بلاستك بينها كيس ولا ورق مشمع علشان يسهل لك خروجة وجيبي زهورات من عطار بن منقاش ولا اشتري منها جميع الادوية واللهومات اللي بتلقينها في مواضيع قشر قهوه لئنه مرررررررررررررره نضيف ومرتب اغراضة بشكل رروعه وسهلة التخزين ونظيفه حيل ولا اشتري من قشر قهوه كل اغراضك احسن وهي بتشرح لك شلون طريقة استخدامها القرصان الجافه جيبي لك منها كمية تنفع في الزنقات او وجبة رائيسية مثل الغداء تعملي ايدام خظار وتحطي القرصان المجففه في بادية وتصبي عليها الايدام اللي بخظار ولحم بس بدون بامية مو كويسة ابد لك المرقوق تلقينه في نفس المحل اللي يسوي القرصان وفرزنية في الفريزي كل 2 حبة في كيس بتكفيك وتزيد وشوفي طريقته في كتاب اطباق النخبة لأم عبد العزيز المطازيز نفس الشي مفرزنه وسهله مررره من نفس محل القرصان بس عليك تخزنيها في الفريزر الزبده سوي لك قدر كبير كشنه اللي هي بصل وحموس ثم طماط في الخلاط ويصب على البصل مع البهارات اللي تبين وماجي اذا تحبين وطريقتك اللي انت متعوده عليها وسويها كمية ثم خليها تبرد ثم فرزنيها في علب ولا اكياس لحم صغيره على قد حاجتك واذا جيتي بتطبخين طلعيها بدري ولا على الميكرويف وسوي وجبتك خاصة الغداء عليها الفطور امره سهل لو بيض مسلوق وترشي عليه فلفل اسود وتشربي معه حليب حلبة مع شوي قرفه تخلي الطعم واو او سوي الحنين المطور او الكذاب سوي بحث عنه وخزنية من الحين في الفريزر مررره حلو ولذيذ انت جربية التمر تعجنية بسمن بري ورشاد وحبة سوداء او تعجنية مع اللهوم وهذي طرقت امي واهلي علشان نستمر ناكل اللهوم وما نمل منه واكلة في كل وقت مع حليب سعودية قليل الدسم ولا خالي الدسم اجيب العلب الصغار مره واحطها قريبه مني كل ما حسيت بجوع او قمت اخر الليل ارضع البيب اكل كم لقمة مع علبة حليب سعودية وربي رهيب وروعه للبشره اما العشى عادي كلي اي كشي باقي الغداء مثلا ولا بيض ولا مكرونه باي طريقه بس الرز نصيحة ابعدي عنه واغصبي نفسك على الاكل لئه محد نافعك لالالا خربتي وطلعتي من نفاسك خربانه ومويات اغصبي نفسك على الاكل مهما صار اشكوى لله ان طاعك الزمن ولا طيعه بس اهم شي ابعدي عن الممنوعات وريحي راسك ولا تشيلين هم زوجك ترى الرجال يقدرون يدبرون اعمارهم باي شي اما المره هي المسكينه ولا تحسسيه بانك قويه لالالالا طيعي شوري انا ما اخربك على زوجك لالا وقسم بالله وربي شاهد علي بس الرجال اذا محس فيك وانت تعبانه في نفاسك مراح يحس فيك ابد اذا ذكرت شي رجعت والله يقومك بالسلامة دعواتك لي بان يجعل الله مافي رحمي ولد ذكر سليم معافى تام الخلقه بلا زياده ولانقصان ودعواتكم ارجوكم لأختي ان ربي يرزقها الذرية الصالحة عاجلا غير آجلا قادر ياكريم

اختي لالالالا زم لك شغاله بالشهر دوري وسوي بحث في حواء في (ساعدوني ) البكريه كل شي عليها جديد...