خواتي البحرينيات ابغيكم ضروري

....... سلام ...

كيف احوالك أختي عساك بخير ... واخبار البيبي ؟؟؟؟

بالنسبة للحزام انا بعد دورت على واحد يكون لين بس ما لقيت كل الانواع اللي شفتهم كانوا في رعاية الامومة اللي بالمارينا مول ... لقيت 3 انواع يمكن شفتيهم واحد منهم يمكن لبسه في الحمل وبعد الولادة ايضا وهو يرفع البطن ويحمي الظهر بس خفت اشتريه وبعدين ما البسه ( اعرف روحي كل شي يحكني ) ... ودورت في ماذركير ما لقيت !! والله ما ادري وين ادور بعد ..... لكن اذا لقيت دليتك على المحل !!!

اختي جولد ستار اني قلت صاير شي في البحرين واني مادري؟؟
المهم الحزام ماشفت الا بمذركير الي بمارينا مول بس جيكي يمكن تحصلين بمذركير الي بالسيف الي هو الاصلي مو مذركير التقليد..
بعطيش رايي اني بعد ولادتي من سنتين راح بطني لاني لفيته بقماش وهذا قرأته بمنتدى حواء والله فادني جربيه بعد عالاقل مايضايق ولايحك..دوري الطريقه بتحصلينها اما بهذا المنتدى او العناية بالبشره والجسم..

السلام عليكم ورحمة الله وبركاته

اختي الغاليه
انا بعد ولادتي امي عطتني حزام عريض اضعه على بطني واستخدمته ولا طلعت لي (كرشه)
وحتى الام الظهررررر راحت لان واجد نفعني وحسيت براحه لما البسه

بس مو موجود في البحرين امي اشترته من سوريا

اختك من مملكة البحرين

ام غادة

اشكركم خواتي العزيزات رشة عطر - ام روان الحلوه -lovly9 على الردود ....الله يعطيكم العافيه
بالنسبه لرعاية الامومه في مارينا مول رحت له عنده انواع مو زينه وخشنه وريحتها كريهه ..مااعتقد اخذ منها ..
ومذركير الي في مجمع البحرين والسيف ماجيكت عنده هالاشياء ..زين ارض الرياضه ماعندهم هالاشياء؟؟

وطريقة القماش مااعرف لها ...ياليت الي تعرف تخبرنا عنها وشنو نوعية القماش الي استخدمه وكم طوله ؟؟ ولو انا كنت حابه استخدم حزام علشان اسهل بلبسة

ومارديتوا على هالسؤال :)
ووين اقدر احصل مغطس ماء الي يحطونه على الحمام ؟؟

كأني شفت انواع في صيدلية رويان عاد مدري تصلح للولاده او لا