خواتي اللي كان عندهم حالة لشخص ملبوس او مسحور و تشافى تدخل ضروري

السلام عليكم و رحمة الله و بركاته

خواتي انا صارلي اقل من شهر متزوجة و زوجي بعد 4 ايام قرر يطلقني

وماكنا نعرف السبب بعدين بعد ماشفنا وضعه مو طبيعي جبناله شيخ يقرا عليه

و فعلا طلع فيه سحر او جني ماعرف شنو بالضبط بس هالشي قديم صارله اكثر من 10 سنين

طبعا كان بالبدايه متقبل فكرة العلاج لكن ماكان مرتاح للشيخ لين ماوصلنه مرحله ممتازة من العلاج

لكن مرة كان يسمع اغاني و هالشي يخرب على العلاج وطيت انا صوت الاغاني وقتها عصب و هاج علي

وقال بعد ماراح اتعالج و راح اطلقك و بالفعل وداني لبيت امي و يوم الثلاثاء رحنا للشيخ يبي يطلقني

لكن ماقدر يقول احبها لكن في شي يمنعني منها و نفس الشي يمنعني من العلاج و من الشيخ اللي يعالجه

طبعا الشيخ اللي رحناله عطانه مهله بعد اسبوع يعني للثلاثاء القادم و قاله يرجع يسمع سورة البقرة و ياخذ العسل

لانه مو متقبل الشيخ يجي و يقرا عليه

اللي حصل رجعت للبيت معاه اول ليلة عدت على خير لكن ثاني يوم الصبح ماقدر يسمع سورة البقره رجعت حالته نفس قبل و اسووووء وماقدر يلمسني و لمن يشوفني جسمه يرجف و يبرد و طبعا رجعني لبيت امي مره ثانيه وانا عندها الحين

و لمن يسمع باسم الشيخ يعصب و امس قالي اذا تفتحين سورة البقره اطلع من البيت

خواتي مثل هالحاله شنو نسويلها انا بغربه ببلد اجنبي مافي عدنا حلول هو بس هالشيخ هذا اللي كان يجينا وهو ماعنده اهل و اصدقاء اللي الجئلهم يمسكونه على الاقل و يغصبونه على العلاج وانا نفس الشي ماعندي اب و اخوان

موعدنا للطلاق بعد 5 ايام انا وهو نموت على بعض يعني والله حرام نتطلق وبعدنا ماكملنا حتى شهر على زواجنا

اللي كانت عندهم حالة شخص مو متقبل يشوف الشيخ او يتعالج شلون تعاملوا معاه خواتي انا ضايعه شورا علي

حالتي مايعلم فيها غير رب العالمين