خواتي اللي ولدت بقيصريه تلحقني الله يفرج همها...

طيب انتي اسالي الدكتوره وهي بتجاوبك

والله يهون عليك

انا جايبه مرتين عمليه والسبب وضعيه الياهل

اول شي

لاتخافين منها سهله حيل

وثاني شي اطلبي بنج نصفي لان الكامل يعطش ويدوخ ويخليج زي الخدرانه

واطلبي مكان الجرح تجميلي وبالعرض

لان اذا خيطوه خياطه خارجيه خربو منظر بطنج كلها

اما بشان انتظار الطلق لاتنظرين

روحي للدكتوره وهي تحدد موعد الولاده

لان بكل عمليه يولدوني قبل موعدي باسبوع

والتخدير النصفي تطالعينهم وهم يولدونج وشوي ولا طفلج بحظنج ولا الم ولاهم يحزنون

ربي يسهل ولادتج وتشوفين ضناج سليم معافى يارب

ادعي لي بثبات الحمل وان ربي يرزقني تؤام ذكور سليمين معافين

الله يهون عليك اختي انا كانت المشيمه عندي نازله والدكتوره قالت لي احتمال كبير قيصريه بس الحمدلله ربي سهلها علي وقت الولاده المشيمه ارتفعت والراس نزل لتحت ونورت دنيتي شهد الله يقومك بالسلامه ولاتفكرين حبيبتي لان ممكن تولدين طبيعي الله يسهل عليك ويحفظ لك اعيالك يارب

انا توني مسوية قيصرية ببنج نصفي
وراح اقول لك ايش يصير
اول شي توقفين اكل وشرب قبل الساعة 12
وبعدين الصبح يجهزونك للعملية...تلبسين لبس العمليات ويركبون فيك قسطرة البول وابرة التغذية الوريدية
وينقلونك لغرفة العمليات

واذا اخترتي البنج النصفي
يطلب منك دكتور البنج النصفي انك تتقوقعين على نفسك على قد ما تقدرين وتحنين ظهرك للاخر وانتي نايمة على جنبك
عشان يلاقي الفقرة اللي يبيها
بعدين اذا لقاها يعطيك ابرة مخدرة موضعي...وبعدين وراها ابرة التخدير....ولاتخافين مره سهله وما تعور

بعد كذا تحين بتنميل من تحت صدرك لحد رجولك وبعدين تتخدر المنطقة

ويجون الدكاترة يسوون العملية وتطمني ماراح تحسين بشي بس تحسين كأنك في قارب يميل فيك يمين ويسار...ويصير دكتور التخدير معاك ويكلمك كل شوي عشان لو حسيتي بضيقة او دوخة او غثيان يعطيك ادوية تخفف
ويسون العملية ويطلعون البيبي ويخيطون
بعدين ينقلونك لغرفة الافاقة لحد ما تقدرين تحركين رجولك شوي
ويصرون مركبين فيه مورفين عشان الالم لمدة 24 ساعة كاملة

وحاولي تمشين اول 24 ساعة لو شوي مررررره مهم انك تمشين لكن مو قدام احد عشان العين الله يكفينا الشر

والحمد لله الجرح اذا اول مره يهون
لكن يضايق والم اكثر شي لما تكونين نايمة وتبين تقومين... ولا تخافين توكلي على ربك واستخيري

والحمد لله انتي ادعي من الله التسهيل

حبيبتي طبيا وعلميا البنج النصفي افضل واقل مضار من البنج الكامل
وبالنسبة للطلق اذا الدكتورة حددت لك موعد الولادة روحي فنفس الموعد لاتستنين الطلق واذا ماحددت لك انتظري لين يجيك يمكن ربي يفرج لك وينقلب اجنين
عليك بالدعاء والحبي على ايدينك ورجولك لييييييييين تتعبين يقولون الاولين ان الحبي يقلب الطفل
الله يسهل لك ولكل حامل يارب