غدييير @ghdyyyr
عضوة فعالة
خواتي المتأخرات فرج الله قريب شوفوا كيف ربي رزقني بالحمل بعد معاناه
أخواتي حبيباتي عضوات عالم حواء كنت دايما متواجده في هذا المنتدى صحيح ماني راعية مواضيع وكتابات لكن كنت
اطلع واقرأ بين وقت والثاني وذلك لانشغالي وقلة فراغي المهم أنا صار لي ثلاث سنوات اتعالج ابغى الحمل وكنت أعاني
من تكيسات وضعف تبويض وماخليت مستشفى مارحت له ورحت لدايات ومشايخ والحمدلله ماكتب لي ربي الحمل
وأخيرا قررت ألجأ لرب العالمين وافوض امري له مع انو هذا الشيء كان المفروض يصير من البداية لكن ابن آدم مسكين قلبه معلق بالدنيا ونسي أن اللي مالك هالدنيا وهالأسباب اللي بهالدنيا هوالله وحده جل وعلا المهم
قررنا نروح مكه انا وزوجي ناخذ عمره ولما رحت صليت طبعا اكثر من خمس فروض في الحرم وكنت كل مادخلت الحرم شربت ماء زمزم بنية الحمل ودعيت بعده إني ماشوف دورة بعد هالدورة لانها كانت على وشك تنزل يومين ثلاثه بس والدعاء بعد شرب زمزم مستجاب ترى يابنات المهم وطلعنا بعدها عالمدينه وصلينا صلاة الجمعه في الحرم وحرصت اني
انتهز وقت الاجابة وهو وقت نزول الامام من المنبر ودعيت برضه بعدها رجعنا
ونزلت علي الدورة لانو كان موعدها خلاص فكنت سامعه عن وصفة للشيخ الرويس الله يجزاه خير للحمل وهي تاخذين علبة ماء الصحه اللي بريال وتحطين فيها ماء
مقري فيه أو أنت تقرين فيه آيات الرقيه ولوكان زمزم يكون أفضل وتحطين فيه شوية سدر مطحون ذرة بس بين أصابعك
وكسرة مره بحجم حبة الهيل وترجينها وتشربين منها شوي بالليل قبل تنامين وبالصباح على الريق من أول يوم من الدورة إلى آخر يوم لمدة سبع أيام بالضبط
المهم سويتها برضه مع استمراري على علاجات المستشفى فهذا مايمنع من انك
تستمرين على علاج المستشفى بس المهم انو يكون يقينك بأن السبب الرئيسي رب العالمين وإن العلاج ماهو إلا سبب تحت مشيئة الله
وبعد كذا كنت دايم أحس أنو هالشهر ربي بيكرمني كان عندي احساس قوي بهالشي ويوم جاء موعد الدورة اللي بعدها تأخرت علي ورحت أحلل وزوجي يقولي وشوله تحللين انتي مامليتي من هالموال انتظري لتتأخر أكثر توها مالها إلا يوم متأخره قلت له لا هالمره عندي احساس غير ورحت حللت وطلعت حامل والحمدلله والحين أنا بآخر الثامن دعواتكم لي بالتسهيل
حبيت أذكر لكم تجربتي عشان تستفيدون منها والله يرزق كل الاخوات المتأخرات ياااااااااااااااااااااااااااااااااارب
33
4K
يلزم عليك تسجيل الدخول أولًا لكتابة تعليق.
@غسق@
•
مبرووك ياعسل والله يسهل عليك الولادة ويفرح قلبك باأحلى مولود
ماشاء الله الله يتمم لك على خير ويسهل عليك ولادتك وتقر عينك بشوفته وهو بصحه وعافيه
دعواتك لنا ياقلبي والحمدالله على كل حال
دعواتك لنا ياقلبي والحمدالله على كل حال
الصفحة الأخيرة