صدقيني ياغالية الرزق في السماء مو في الارض ..
يعني وش ما قالوا الناس لا يهموك لأن الرزق مو بيدهم .. (وفي السماء رزقكم وماتوعدون)
عندي قصص اعرفها كثيييير ...
منها وحدة تطلقت من زوجها وجلست 15 سنة بعدها ترد الخطاب متعقدة من التجربة لين ماربي هدى بالها ورزقها بزوج اعزب واصغر منها وعايشة الحين معه بسعاده اسأل الله يزيدها من نعيمه وجاها اطفال ..
وحدة ثانية تطلقت وتزوجت بعدها بشاب اعزب ماتزوج وجاها طفلين ومرتاحة الحمدلله
وحدة ثالثة عاشت 3 سنوات مع زوجها الاول صابرة محتسبة وتم بعد كذا الطلاق وبعدها بس ب3 شهور تزوجت شاب اصغر منها واعزب والحين عندها بنوته ..

المهم ياغالية التــــــــــــــــــــــــــــــــــوكل الصادق على رب الأرباب ..
لو توكلنا عليه لرزقنا كما يرزق الطير :26:

موضوع حلو بس ماعتقد ان القصص زي هذي تمشي في كل المجتمعات

ياغاليه لاتيأسي من رحمة ربك

وترى ان ظنيتي بربك الخير حصل لك الخير وان ظنيتي العكس حصل لك


اعرف وحده ملتزمه وشكلها مقبول وحبوبه والله مافيها عيب لكن سبحان الله الكل مستغرب من تأخر زواجها

وهو ابتلاء من الله ليمحص به عباده

فلما صبرت وبالعكس تقربت الى الله اكثر واكثر

رزقها الله بالشاب الصالح الملتزم اللي تحلم فيه اي وحده هو مطلق وعنده عيال

لكنه عوضها ماشاء الله تبارك الله عن ستين غيره والله يزيدها ولا ينقصها تستاهل بنت الحلال

ووحده ثانيه بعد اعرفها الناس كلها ايست انها باقي بتتزوج

باقي لها شووي وتدخل الاربعين اختها اللي اصغر منها تزوجت وكل اللي حولها تزوجوا

وماشاء الله تمسكت بقدر الله والتزمت وسخرت وقتها في الدعوه لله واقامه الندوات والتذكير بالخير والحث عليه

وهاهي الان تزوجت والان حامل تبارك الله لاقوة الا بالله والله يعوض صبرها خير ويرزقها الذريه الصالحه الباره يارب العالمين

اختي عذبة الروح
مشكوره يالغاليه ...... صحيح انا مؤمنه ا ن الرزاق هوالله
وان الناس ماتجي ولا تروح ولا هي اللي تعطي اصلا
بس انتي ماتعرفين اشكثر هالقصص تاثر فيني فعلا...فعلا
كنت من زمااان ابي اسمع هالقصص تعطيني الامل وبنفس الوقت احس ابسعااااده.. اني ليش مايصير لي مثل هذول ويمكن احسن واتفائل
بدل ما اقلب على قصص سوده وتسود الدنيا جدامي واقعد اقول ماكو فايده والامل ضعيف
ياربي يكرمني مثلهم في القريب العاااااااااااجل يارب العالمين

وانا الحمدلله ما بخلي الدعاء دقيقه حتى احصل اللي ابالي
ومشكوره الغاليه مره ثانيه ويزاج الله خير انشالله

المحتاسه.......
عيوني انا ابي افرح ما ابي احد يثبطني زياده
وليش ماتنفع القصص هذي في كل المجتماعات تنفع
رحمة ربج مايبالها مكان معين تنفع ولا ماتنفع لمن ربي يريد مافي شي يمنعه صدقيني
يالله ياكريم رحمتك ارجوا فلاتكلني الى نفسي طرفة عين

بنت نجد..........
ما ادري شقول حقيقي مشكوره ..... صرت سعوديه هههههه والنعم فيهم والله
ياااااااااارب ياكريم تفتح علي وعلى خواتي المسلمات من اوسع ابواب رحمتك ويرزقني وياهم ازواج صااااااااااااااالحين مب اي حد ثاني ياارب ياكريم

يزاج الله خيرى عيوني وجعله الله في ميزان حسناتج آآآآآآآآآمين

عندي تعليق على مسألة إن القصص هذي ماتمشي بكل المجتمعات ..
اقول صح .. بس بعد مو كل من تزوج سعيد ولا كل من جلس بدون زواج تعيس !

الزواج مو ستارة اجتماعية موصلة للجنة ..
ولا هو سعادة سرمدية مافي مثلها
ولا هو اللي يملا قلب المؤمن بالسعادة والاطمئنان !
ياناس ناقصنا توكل على ربي اقسم بالله ..........

في مجتمعاتنا يا ترمي البنت نفسها لاي رجال بس المهم ماتجلس بلا زواج !
ما يهم يسعدها تسعده يساعدها على الطاعة ولا لا
المهم رجال وبس !!!!!!!!!
وكأن هالرجال هو سر الحياة وهو الماء والهواء وصك الجنة بيده ووووو

يااختي جعل حبيب عيني مايتزوج إن كان الزواج هو غاية الحياة وهدفها عند بعض الناس !
انا مااقول الوحدة ترد الرجال الكفؤ اللي ترتاح له ويغلب على ظنها انه بيسعدها ..
بس ارفض ان البنات يتألمون ويغثهم المجتمع التعبان على شي مو هو اصل الحياة ..

وارفض ان البنت توافق على اي واحد بس عشان ما تقعد بدون زواج
وارفض ان اللي مسود عيشتها زوجها ومأذيها ليل ونهار ترفض الطلاق عشان خايفة تجلس بدون زواج !

آسفة أختي طلعت عن موضوعك بس من حر مافي قلبي على أحوال الحريم في مجتمعنا ..
لك كل الحب
:24: