خواتي المخطوبات والمتزوجات ممكن تشيرون علي

حطيت الموضوع في قسم المشاكل الإجتماعية لكن للأسف ما شف تجاوب كبير إلا من بعض الأخوات جزاهم الله خير فحبيت أنزل الموضوع في هذا القسم يمكن تفيدوني أكثر وهو التالي :

بنات نفسيتي وايد تعبانه ومليت من التفكير مب عارفة شو اسوي وكيف أتصرف والله وأنا أكتب الموضوع ودموعي في عيني

مثل ما تعرفون أني أنخطبت للإنسان إلي حبيته وبغيته وظحيت عشانه بكل شي وعاندت أهلي عشانه وهذا رابط الموضوعين (عشان تكونون في الصورة ) .
http://forum.hawaaworld.com/showthread.php?t=274556

http://forum.hawaaworld.com/showthread.php?t=341318

وإلي تعرفونه بعد أنه من فترة عمل عمليه طبعاً عطوه إجازه شهر في العمل .

طبعاً مب هذي المشكله:

المشكله أنه من طلع من المستشفى ما راح البيت لا راح البنك وسحب فلوس عشان يكمل مصاريف العرس (هذا إلي قاله ) لكن أكتشف أو شفت غير هالكلام .

راح أجر سيارة غاليه لمدة أسبوع مع أنه سيارته حلوه وما فيها شي سيارته BMW وصارله 10 أيام حاجز فندق مع ربعه المرتزقة ويومياً من مركز إلى مركز ومن مطعم لمطعم وصرف فلوس والله أنا عمري ما همتني الفلوس ولا حاسبت لكن من القهر أنه يتدين عشان يلعب ما أدري شو ياه مرة وحده أتخبل .
لا بعد يبا يسافر وهو توه مسوي عمليه ومب زين يركب طياره ويوم أنصحه يعصب ويظاربني .

والموقف إلي صدق صدق قهرني :
أنه أمس أتصل فرديت عليه نفس الوقت رن تليفونه الثاني قطع الخط على ويهي طبعاً عشان أنا ما أعرف منو وأنا بعدني ما رديت على سلامه وااايد زعلت عالحركة ومن أمس أنا غالقة تليفوني .وداخلي ميته من القهر والضيق طبعاً ما أقدر أكلم إي وحده من أهلي لأن الرد بيكون أنتي بغيتي ألحين اتحملي إلي أيج منه .

بنات دخيلكم شيروا علي والله أحبه وأموت عليه لكن مب عارفة شو أسوي فيه كيف اغيره .

(في نقطة أو موضوع واااايد كبير وخطير أكتشفته من أسبوع / لكن ما أقدر أذكره عالعام أي أخت أتحب أتساعدني على الخاص )