والله يابنات توني قاعده اسولف مع وحده من صديقاتي
اقولها يازين ايام مكافأة الكليه الف ريال ويالله من فضلك مبسوطين ونشتري ونتدلع وهو الف
والحين بصراحه الرواتب زادت وقلت بركتها
صدقوني ماعاد في الفلوس بركه سبحان الله
بس الله يبارك بالصدقات يارب

زي ماقالوا اولا الصدقه
ثانيا لاتروحي السوق ابد ابد الا اذا كانت لمناسبه او حاجه ماسه جدا

جربي وبتعرفي توفري

اختي دندونتي دنيتي ما شاء الله عليك بس والله 7000 صعب توفري على كلامك والسواق والشغاله والسيارتين انتي تدفعي لهم
وتقولين ساعه 2500 والله انا ما قدشريت ساعه بهذا السعر اقصى شي 500 للساعه وماشي حالها وتجلس معي ومع كذا اخر
الشهر ما نلاقي الله المستعان بس والله الله يتمم عليك وتستمري بس وضحي اكثر وحاولي تسوي ميزانيتك 7000 على راتبك
لااني راتبي قريب منك يمكن استفيد منك واعمل نفس الميزانيه

اختي فيه كفاله يتيم 200ريال شهريا وترى اعرف اسر والله من الفقر عندهم مادرسوا عيالهم
اذكر احد القصص راحت ازور اختي وطلبني ولدي فلوس عشان يشتري من بياعه اعطيته وراح
وتاخر واستبطيته فراحت لبيت البياعه وش تتخيلون شفت ؟؟
عيال البياعه 13صغااااار طبعا مو كلهم عيالها من زوجات ثانيات لان ابوهم متزوج4
ووالله اللي يبيع على ولدي عمره5 سنوات وكلهم جالسين عند البضاعه وكل واحد يحلف ان شكل البسكوت هذا حلوا
طبعا هم ماجربوه لان مايفطرون ويتغدون رز ابيض ومايتعشون وحتى عيالهم مايدرسون
ووالله قطع قلبي طفل يبيع الحلوى كل يوم ولايقدر يذوقها يابنات هذا الاسره محتااااجه والله بحاله يرثى لها
اذا قريتي القصه تخيلي ان ولدك في مكان ولدهم اللي يبيع الحلوه وش بتكون ردت فعلك؟؟

الصدقة وقللي طلعات وامسكي نفسك مو كل شىء نفسك فية تشترينة اجليها اذا ماهي مهمة