للرفع........

الله يعينك
احنا شرينا الارض بشرق الرياض قبل 5سنوات تقريبا وسعر المتر بحوالي 1300 ريال ومساحة الارض 600 م موقع ممتاز والان الاسعار اغلى بكثير
وبدينا البناء
اسعار الحديد نااااااااااااار واسعار الاسمنت نااار
لكن بنيناا والحمد لله لما بدا التشطيب
هنا يكون فيه فرق
اما يكوون التشطيب ممتاز وذوق بس غاااااااااللي
والا تشطيب وسط وكمان غالي
او تشطيب اي كلام ومع الوقت وتوفر السيوله ممكن يغير التشطيب

انا بصراحه اخترت التشطيب الغالي جدا
وكلفنا كثييير
من ناحية افياش الكهرباء الاصليه
والجبس تصميم خاص
والرخام وسيراميك الحماااامات

انا فضلت اني اعمل التشطيب راقي حتى لا نهد ونبني من جديد
هذا اثر على الميزااااااااانيه تاثير كبييييييييييير
وماااقدرت اثث البيت بالكامل
اثثت غرف النوم فقط
وسويت المطبخ
ههههههه
قلنا الاثاث حبه حبه مع الوقت

ولسه ماخلصت
صار لي سنتين ساكنه
على فكره الارض والبناء قرض من البنك لمدة 10 سنوات

انت قدمتي على البنك العقاري قدموا عليه وانتظروا دوركم متى ماجاء كويس لان الحين القرض 500 الف وامكانية زيادتها 500 الف ثانيه بس بفائده بسيطه

الحين فكروا بالارض طبعا شرق الرياض اراضيه مو رخيصه 400 الف وخمسية الف
الله يعين
بس انتم لاتخلون مكتب الى وتدورون عنده وشوفوا الاحياء الجديده الي توها باديه تكون ارخص
وبعد الارض دبروا قيمة البناء
لا فيه مقاول يشتغل مع الادوات بيكون اغلى
اخذوا مقاول وشوفوا كم يحسب لكم المتر بناء وزوجك يوفر له الادوات من اسمنت وحديد وبطحات
طبعا المقاول قبل ست شهور او اكثر كان متره ب120 وشوي الحين زاد وبعد قرار وزارة العمل الفاشل بخصوص العمال زاد سعرهم واحمدي ربك اذا لقيتي واحد يشتغل بالمتر 150 اذا مو اكثر اتوقع الحين اكثر
طبعا العظم كل ماكبر البيت زاد السعر وكل ماكثرت الغرف زاد السعر
حاولي تبون فله على قدكم تحت مجلس حريم ورجال مع حماماتهم ومطبخ ومقلط وبس والمساحات معقوله لاصغيره مره ولاكبيره
وفوق خلوه لكم غرف وجلسه لكم
عشان توفورون وتقدرون تحطون بيت
بعد الاعظم ممكن يكلفكم من 300 الف الى 400 الف
وبعدده التشطيب متعب الابواب والكهرب والشبابيك وحديد الشبابيك والبلاط والبويان ولاثاث هذا كله مكلف لكن انتم ابحثوا عن الاسعار المناسبه والاماكن الي مو غاليه
واصبروا لو تبنون كم سنه جمعوا كم شغله وسوا لكم شيء
ممكن التشطيب يكلف بالاقتصاد 200 الف لان الاسعار الحين هالكم شهر ارتفعت بشكل كبيييير
وراح ترتفع بعد مع قرار زيادة البنك العقاري
مع الاسف كل ماسهلوا شيء رفعوا التجار الاسعار ومافي رقابه
وقرار وزارة العمل بخصوص العمال زاد من الاسعار
واحنا ندفع الضريبه
والله يعينكم اختي كل شيء صار صعب والله بيسهل لكم
لو تجلوسون تبنون كم سنه مو مشكله جمعوا وابنوا

ياساتر سترك ارض وحده سعرها 500 الف ومليون !!!
حنا شارين ارضين ب90 الف على شارعين وكل الخدمات متوفره فيها
والحين واصلين لمرحلة الاثاث
ماتوقعنا البنا صعب ومتعب لهذي الدرجه مشاكل ومناقشات
والعمال وملاحقتهم غير القروض والجمعيات اللي اعصابه مو قويه مايتحمل الضغط
الكل كان يقول ان العظم هو اصعب شي اذا خلصته يتيسر الباقي
لكن اللي اكتشفناه بالعكس التشطيب هو اللي يهد الحيل وخصوصا
مع الاسعار النار السباكه الكهرب الانارة الابواب والشبابيك الديكورات
الصبغ درابزين الدرج ..... الخ
وبما انه بيت العمر الاغلب يبون النوعية الجيدة وهذا يكلف كثير
لحد الحين دافعين فوق مليون ونص غير الارض والاثاث
لاتتساهلين البنا وانتبهي من الديون ابعدي عنهم قد ماتقدرين
زوج خالتي دخل حاله بالديون عشان يبني والحين راح يبيعه
عشان يسدد
والبيوت الجاهزه اسمع الناس ماتمدحها لان يحطون اي كلام
والتأسيس يكون خطأ حاولي تلقين بيت شخصي يبي يبيعه صاحبه
لأي سبب بكذا تضمنين ان شغله تمام لانه مو تجاري
الله يوفقك ويسعدك وييسر لك امورك

احنا شرينا 2 اراضي بوقت الرخص قبل 8 سنوات ومن 3 سنوات ومع ارتفاع الاسعار بعنا الكبيرة تجاريه وعمرنا الصغيرة بقيمة الاولى وكلفنا العمار مايقارب 750 بدون قيمة الارض. لاننا. نملكها من قبل

طبعا زوجي طلع قرض اول ماسمحو للعسكريين يقترضون ومالعبنا فيه. فكرنا واشترينا هالارضين والحمد لله ماندمنا عليها لان الحياة فرررص

وبالنسبة لشرق الرياض ماتوقع تلقين ارض مساحتها زينه باقل من 500 الف ويمكن اكثر
بالدار البيضا بالجنوب الاراضي السكنية 350 وفوق. مابالك بالشرق اكيد دبل