فدوووش123 :

انا قبل مده ميب قصيره سالت عقاري عن اسعار الاراضي بالرياض وارخص سعر قالي بحدود الخمسين الف بس بتكون بعيده والمشكله ماعندها لامويا ولاكهرب بس بعد عشر سنين او اكثر يرتفع سعرها مثل الوالده لها ارض شاريتها بخمسه واربعين الف ريال من خمسه عشر سنه والحين واصل سعرها بالستين

انا قبل مده ميب قصيره سالت عقاري عن اسعار الاراضي بالرياض وارخص سعر قالي بحدود الخمسين الف بس...

! سهام الليل ! :

انا اقولك تجربتنا .. الارزاق بيد رب العالمين ,, كثري من الدعاء بذات في هـ الشهر الفضيل . والله رزقني ربي بعد مما كنا ندعي . حتى عيالي الصغار يدعون معي قبل الفطور هههههههه ورزقنا ربي من حيث لا نحتسب قبل سنتين شرينا ارض ب 300 الف شرق الرياض مساحتها 600م بحي الشروق الجنادرية الجديد و الحين وصلت للـ 500 الف و 600 الف فيه مخطط جديد ورانا قاعدين يمهدونه اكيد راح تبدا الاراضي فيه باسعار معقوله , لا يفوتكم ساعدنا الحمد لله البنك العقاري لن صار لنا 500 الف و 500 الثانية جمعنها من قروض وفلوس كانت معنا جارنا يقول كلفني بيتي ب 700 الف ما شاء الله , بس التشطيب عااادي مره ما تعب فيه .حتى الديكور مو حاطه << على قولت المثل مد رجلينك على قد اللحافك , يقول اذا الله سهلي بعدين راح اشطب تشطيب حلو بس اهم شيء تكون الاساسات صح اما البيوت المخصص للبيع , تكفين اهربي عنها , من شيء شفته بعيني والله العظيم ان بيت عندنا بالحي خلص ب 3 شهور ): لو تشوفين الحديد اللي مركزينه عليه قسم تقولين اعواد اسنان زوجي يقول وربي اشوف البلاوي من المقاوليين , نصب وغش بشكل فضييييع انصحك تجلسين تجمعين 5 سنوات او 10 سنوات اخر شيء تسكنين بشيء يستاهل , ارحم من تاخذين بيت جاهز بسرعة ما تاخذين شهر والا كل شيء خربان من سباكة و كهرباء وبلاوي ثانية اي استفسار انا جاهز اختي عسى ربي يرزقكم بيت الحلال عاجل غير اجل ويكون خير عليكم ويبعد عنكم كل نصاب وغشاش

انا اقولك تجربتنا .. الارزاق بيد رب العالمين ,, كثري من الدعاء بذات في هـ الشهر الفضيل . والله...

منابع :

السلام عليكم ورحمةالله وبركاته أخواتي أحب أعتذر من الأخوات اللي أرسلوا لي خاص كتبت رد وأرسلته لكنه ما انرسل بسبب عدد مشاركاتي أقل من خمسين بالنسبة للي سألت عن كيف أخذت قرضين أنا أخذت قرض وسويت معه جمعيةواشتريت الارض وقعدت أسد بالقرضؤسنتين ونص بهالفترة سويت جمعيتين غير اللي بديت بها من فين سويتها ؟ من باقي راتبي وجزء من راتب زوجي وحطيتهم بحساب بدون ما أطلع له بطاقة صراف حتى ما تنمد له يدي بسهولة وبعد نص المدة كانت الجمعيات اللي عندي تقريبا تعادل نصف القرض المتبقي كملت عليها وسديت الباقي وشردت لبنك البلاد ارتحت نفسيا لأن قرضهم بالفعل إسلامي تطبيقا ماهو كلام وبس إيش استفدت من التسديد وليه ما اكتفيت بالمبلغ اللي عندي ؟ لأن اللي عندي يدوب والقرض الجديد أعطاني مبلغ أكبر طلعته وريحت شوية لين خلصت الجنعية الأخيرة ودخلت بغيرها وصار كامل المبلغ بيدي أربعمية ألف بدأنا بها لسه ما رفعنا السقف الأول وصارفين حوالي ؤالثلثمية ألف

السلام عليكم ورحمةالله وبركاته أخواتي أحب أعتذر من الأخوات اللي أرسلوا لي خاص كتبت رد وأرسلته...

الوحيدهـ* :

زوجي واخوه دخلو جمعيه جمعوا كل واحد120 الف مدة سنه ونص ثم اخذوا قرض ب300 الف شرينا بيت قديم دورين في حي عادي ب480 الف زوجي اخذ الدور الاول واخوه الثاني ورممنى العماره من الصفر كهرباء مويه درايش بلاط رممنا كل شيئ كل شيئ وبنينا حمام زياده وفصلنا داخل البيت وعدلنا طلع مثل الجديد بالضبط بس بقي بلاط الحوش والواجهه هذي ان الله راد بعد سنه المهم والحين جالسين نأثث على وجه سكن بعد كم يوم من الان تعبنا صح لكن بصراحه ارخص واوفر تخيلي القرض العقاري دبل سعر البيت حماي الثاني اخذ على البنك بمليون و800 الف وقيمة البيت 950 ولا يستاهل حتى هو رمم فيه لين ماتعب وطفر فالافضل تبدؤون بالتخطيط ثم التقتير لحد مالله يفرجها وتشترون التضامن حلو واسهل والحين صار يمدي كل واحد يكتب دوره باسمه مو مثل زمان يعني مافيه ضياع حقوق الله يفرج عليكم ويوفقكم ويسهل لكم كل عسير البناء ارخص وعلى كيفك لكن تعب تعب تعب وهدت حيل غير غش المقاولين والنصب والسرقه يسرقونك بالاسمنت يسرقونك بالحديد يسرقونك بالكهرباء بالبلاط بكل شيئ ممكن تتخيلينه لازم احد فاهم يوقف على روسهم غير المماطله بكره بعده شركات المقاوله للبناء عندنا فاشله والبيوت الجاهزه رح اتكلم عن اللي في الرياض فاشله تشطيب اي كلام بناء اي كلام اعرف واحد شرى بيته وتكلف واثث طلع عيب البيت عنده في الاساس عمود فيه شرخ هذا لو يرقعه منا لبكره مافيه فايده ومصيبه في البناء غير اللي هبطت ارضيات البيت وبلاوي ابحثي وتشبعي واستخيروا ثم قرروا احنا مره عجبنا بيت وراح زوجي اكثر من مره لحوالي الحاره ويتمشى يبي يعرف وش من حاره وش من جيران طلع ان راعي البيت يبي يبيعه لانه قرف من شفط البياره تكرمين يشفطها كل ثلاث ايام والا تفيض للشارع يعني حتى لو بتشترون بيت يبي لكم تكونون فطينين للجيران وللبيت ولكل شيئ

زوجي واخوه دخلو جمعيه جمعوا كل واحد120 الف مدة سنه ونص ثم اخذوا قرض ب300 الف شرينا بيت قديم...