خواتي الي تبغى تتزوج خاصه تعالو بقولكم سالفه،والسيدات الملقوفات اذادخلتو ادعو لنا

السلام عليكم ورحمة الله وبركاته

مبارك عليكم الشهر 
والله لايجعل من تدعي لي دعوه مردوده ويتقبل منها أعمالها الصالحه
ويجعلنا من صوامه وقوامه




انا والعياذ من كلمة انا
مثل ماتعرفوني خاطري اني اتزوج 
ودايم بالمواسم اكون محطمه ونفسيتي زفت طبعا هالجمله مراح تفهمها الا المتاخره بالزواج
يعني بالاجازه محطمه وكل ماشفت الي قدي امهات ماشاءالله اكره الإجازة واعصب وأكون متوتره من الناس ومواجهتهم
وبالرمضان كذا اقول الحين كل وحده تفكر وش تطبخ لعيالها ووش تشتري وتمارس طقوس انوثتها وميولها الي ربي زرعه فينا كلنا في مملكتها الخاصه ووو  وانا مع نفسي ووحيده والي يزود هالشي ان ماعندي اخوات
وبالعيد كذا وانا ماازود الى تحطيم وقهر على لاشيء
وطبعا الشيطان يزوووووود بالوساوس
وغير كذا اكون مثلا متأمله اني برمضان الجاي اكون متزوجه وبعدين اذا جاء رمضان اكون شرار من التحطيم

بس هالمررررره غييييير رمضاني هذا السنه بإذن الله غير


اول شي واهم شي اني مراح احدد متى اتزوج واتشرط بالتفاؤل تفاءل لامشروووط وبدال مااقول بالعيد باانخطب وو يمكن ربي كاتب لي انخطب قبل 

غير كذا اختليت مع نفسي وتخيلت اني تزوجت قبل رمضان بس زوجي طلع سكير وبخيل ووو وراحت علي الفرصه في اني ادعي بالافضل وارتفعت معنوياتي وفرحت مو مثل قبل اكون محطمه واعطي الشيطان فرصه بالعكس حمدت ربي وفرحت اول مررره افرح اني مااتزوجت
بس الحمدلله ربي هذي السنه عطاني فرصه وبدعي بالافضل



الحمدلله

خواتي لاتتحطمون ولاتنكسر لكم فرحه فرج الله قريب حتى المطلقات والمتاخرات بالحمل كل تأخيره فيها خيره


والله يوفق الجميع والسيدات الله يعنيها ويسخر لها ويعينها ويجعل أولادها وزوجها قرة عين لها ونعمه عليها مو نقمه ويبعد عنهم شياطين الجن والإنس ويكفيهم شر انفسهم والشيطان
والإنسات الله يرزقهم من واسع فضله ويعوض صبرهم خير
وأخواتي المتأخرات بالحمل خصصو لهم دعوه الله يجبر خواطرهم ويصبرهم ربي ويعوضهم بالعوص الصالح
الحمدلله رب العالمين
وهذا وصل وسلم على نبينا محمد