خواتي الي ما لقيت احسن منهم قصتي وياكم وويا صديقتي

السلام عليكم

حبايبي بنات عالم حواء

اولا لقيت في هذا المنتدى كل شي حلو طيبه وذوق ومساعده

والله انكم خوات واكثر تغيرت اشياء بحياتي منها المداومه على الدعاء والاستغفار واشياء ثانيه جماليه وغيرة

المهم والله يشهد على كلامي احب المساعده ولا احب اضايق اي شخص وابدي الناس على نفسي وطيبه ومسالمه

المهم عندي صديقه من قبل ما اعرفكم كنا صديقات ويوم انخطبت وعقد قرانها ابتعدت شوي وبعدين دخلت تخصص غير تخصصي المهم كانت تتجنبني وانا حسيت سكت عنها ولا قلت شي

المهم بعدين هي تطلقت قبل زفافها وانا خطبني زوجي وملكت بعدين هي ماشاء الله ملكت بعدي بشهرين بشخص ثاني المهم رجعت وتبا ترجع العلاقه انها تتصل دايما وتسولف ورجعت وياها وكنت سعيده بصداقتنا الي ردت من اول

المهم كانت تتصل وريلي موجود اقول لها ما روم ارمسج الحيين لانه موجود تقول لي : اوووف ابا ارمس ويااااج وانا اسكت واقول بتصل بج بعديين وتسكر الخط وترد تتصل بعد دقايق المهم صبرت على هذه الحركات فتره طويله وما قلت شي كنت اقول اكيد انا غاليه عندها وماعندها غيري

وفيه شي انا كنت ضعيفه وايد وهي كانت كل ما تبا تشبه حد ضعيف تقول ضعييييف مثلج او اضعف عنج وما تحس ان هذا الشي يضايقني وما تراعي مشاعري كنت اسكت المهم واذا بتوصف وحده شكلها عادي تقول عاديه مب وايد حلوة انا احلى منها وتقصد نفسها وبعدين تقول مثلج عاديه

وغيرة وغيرة من الكلام وانا كنت اقول صديقتي والله والله يا بنات كنت احبهاااااااا

ومرت الايام وتوظفت وبعدين كنت ارد من الدوام اتغدى وارقد شوي واجابل عيالي وحياتي زحمه المهم شو تقول انتي متغيرة من اشتغلتي وانتي متغيرة اقول لها لاني مب فاضيه والله


بعدين بدت هي تدور على شغل وانا اشجعها المهم حصلت شغل وما عجبها وكل يوم تسالني كم راتبج واقول لها الراتب تقول لااااااااااااا اكثر تخيلوا وانا والله ما اجذب عليها ومره قلت لها رواتبنا مب كبيرة تخيلوا شو قالت لي








قالت بتخلي ريلها يتصل بدوامي ويسال عن راتبي




انا هني انصدمت وانقهرررررت وبصراحه سكرت الخط و طرشت لها مسج انها وريلها مالهم خص ومب شغلهم ان يسالون عني وقلت لها ان الله عطاني صحبه تخاف من الله ويتمنون لي الخير وكنت اقصدكم والله وطلبت منها ما تتصل ولا طرش مسج

المهم هي طرشت مسجات الله يسامحها عليهم


بنات
فرحانه اني تركتها بس الي اخاف منه هو ان رب العالميين يحاسبني لاننا متزاعلين


يا بنات انصحوني شو اسوي ما ابا ارد وياها اوكى تكرهني ترفع ضغطي تسالني وايد تحطم ثقتي بنفسي


بنات ما ابا منكم حد يسمعني كلام يجرح فقط الي بتقول خير


ادري طولت بس والله ما قلت شي هذا قليل من كثير