خواتي الي من امي وابي

جد يعني هم مو مجبورين ولا هم ملزومين وانا ما ابي اثقل عليهم وهم يقولون عني انا ما اقدر ولا اراعي ماعني ناقصني اغراض كثثير اساسيه لاهو مكياج ولاهو خرابيط د احس اني تايهه بدنا وحيده محدبيفهمني احس اني نشبه جد يعني لو اختي تجينا وتتعشا معنا ونسولف وهم قادرين يغيروني للاحسن انا مقدرت اغير نفسي قربهم محتاجتها والحن هم مسوين لي حظر ولا عاد بيكلموني ليه مايفكرون بالي افكره ليه تفكيرهم لي اني ما اقدر ومدري وش والله مجرد ما اتخيل اني بفقد احد فيهم والله العظيم ابكي اني شايله همهم اكثر من همي واشيا كثير اس اني طولت

حبيبتي ليه كاتبه موضوعك هنا اكتبيه بقسم حياه اسريه سعيده ..عشان يتفاعلون معاك البنات هناك
والله يوفقك ويفرج همك ..

ياعمري انتي هدي اعصابك يا عيوني ونصيحتي لك ىني كنت بمكانك انا كمان كبرت بدون ام ومع وجود اخوات كثار بس سبحان الله الي لا حننهم ولا سخرهم لي
المهم راحت الدنيا وكبرت وانا الحين ام واقولك خلاصة تجربتي ونصيحتي الي باعطيها لبنتي
الحياة يبي لها صبر
وانتي الحين عروس وفي عمر زواج بكرة بيجي نصيبك وبيكون لك عائلة وعيال ما عاد تفضين ولا تفرق معك اخواتك تجمعو ولا لا
السنة الجاية انتي بالجامعة ****لله وتمشي لك مكافاءة وبعد العصر توظفي اي وظيفة كاشير او استقبال
اطلعي خلي الناس يشوفونك وخلي لك حياة اجتماعية
والفلوس اذا مشت بيدك بتتغير نظرتك عن الامور
واذا على الاهتمام والجسم فصعب الواحد يهتم وهو محبط ومحبوس ومطفر
ولا تفكرين بكلام اخواتك كثير عشان ما تتعبين وتنحبطين
حطي لك مثال بالحياة دوري اي شخصية تعجبك سواء بمجتمعك او شخصية عامة وسوى مثلها ارسمي شخصيتك بعيد عن اخواتك
اما سالفة نقدهم لك مو عشانك مقصرة ولا غيرة
بس هذا طبع الاخوات والناس عموما
الضعيف الي ما يستفيدون منه شي يغلطون عليه
بس بكرة يصير لك حياة اجتماعية راح تملين من اتصالاتهم وعزايمهم لك
* ونقطة اخيرة انتي بعمر من اجمل الاعمار لا تضيعينه في اشياء تافهه
لاتخلين اي احد يحطم ثقتك بنفسك وتصيرين حساسة
العمر يركضضضضضضضض لاحقةعلى الغم والنكد
واهتمي شوي بجسمك اذا زايدة كم كيلو عادي حاولي تخففين لو تمشين بالبيت كم ساعه
واذا على الاب توب ممكن تاخذين واحد مستعمل
مايكلف كثير
وكلمي جدتك تشوف لك عريس مرتب ترا كل ما كنتي اصغر كل ما صارت فرصة افضل
تزوجي خليه يسفرك ويطلعك ويمشيك و يعوضك بالحنان والاهتمام والله تلهين
اما سالفة خواتك مسوين لك حضر فعن جد قوية وش السخافة فيهم
بكرة لو سمعو انك توظفتي ولا انخطبتي بيجن يركضن مثل السلق يدورونك دوارة
لا تشيلين همهم فكر في مستقبلك والله يخلي لك هالعجيزة جدتك
روحي تحفيظ قران معها خلي الحريم يعرفونك ويشوفونك ويعزمونك
بكرة تتعرفين على صديقات بعمرك وتستانسين

ياعمري استغلي وقتك بقراءة القرآن وحفظه
حطي لك جدول وابدأي احفظي
وإذا كان بإمكانك تدخلين تحفيظ ادخلي
وإذا بإمكانك تدخلين دورات ادخلي
اهم شي استغلي وقتك بما ينفعك


الله يفرج همك ويشرح صدرك وييسر لك امرك ويرزقك الرجل الصالح اللي يسعدك وينسيك احزانك يا رب ..

يا حبيبتي خلي ثقتك بنفسك عاليه وما تهتمي اجو اخواتك او لا ركزي على دراستك وبكرا بتتوظفس انتي اعملي جو حلو لنفسك افرحي نفسك لان بهالدنيا ما حدا لحدا والهم ما بيضر حدا غيرك
والله يكون في عونك