بالنسبه للتجاعيد البنات ماقصرو عطوك كذا حل وانتي اختاري الي يناسبك

اما بالنسبه لقولتك انا عانس فهذي استوقفتني اني لازم ارد عليك

ياروحي انتي قيمة الوحده مو بس بالزواج والا برجل لا ابدا لا

الزواج سنة الحياه ما اختلفنا لكن مو هو الي يقيمنا

حبي نفسك لنفسك لاتخلين اكبر همك والا اسمى غايه لك هي انك تتزوجين

اول شي لازم لازم تعرفين ان الله ما خلقك عبث خلقك لغايه وكلنا كذا

الي متزوجه والي متزوجه كلهم لهم غايه منوجودهم بالحياه غير عبادة الله طبعا في اشياء نسويها تندرج من العباده

علمك وتعليمك جهادك لعفة نفسك احسانك امرك بالمعروف تواصلك مع الارحام البر بوالدينك كل هذي تقضين فيها وقتك

يمكن فطرة الامومه تحركت في قلبك وودك تصرين ام وتحملين ضناك لصدرك وووو

وما تنلامين لكن تأكدي ان الله مأخر لك الخير بيختبر صبر ورضاك بقدره فوضي امرك لله وارضي بما قسم لم وراح تشوفين الحياة اجمل مما تتخيلين

وعسى ربي يفرح قلبك وقلب كل بنت تطمع وتطمح لواسع رزق اكرم الاكرمين

البنات ما قصروا.. عيب تقولين عن نفسج عانس والله حريتيني

وبالنسبه للتجاعيد اسمعيني وانا اختج روحي عياده و سوي تقشير باحماض الفواكه لانه يحفز البشره بانتاج الكولاجين اللي يشد الشره بس لازم تروحين عياده زينه .. انا من الكويت و السعوديات ابخص بالعيادات الزينه اللي عندكم ياليتهم يعلمونج





ثانيا: روحي الصيدليه و اشتري كريم روك بالريتينول و حمض الهايليرونك Retinol + Hyaluronic acid وايد يساعد على ازالة التجاعيد.. هذي صورته








ثالثا: تقدرين تستخدمين ريتن اي Retin-A هو مقشر بس هم يحفز البشره لافراز الكولاجين ويجدد الخلايا بس لازم تحطينه بالليل و الصبح تحطين واقي من الشمس ولا تتعرضين للشمس وايد .. و هذي صورته



وطريقة استخدامه تحطين نقطه وحده كبر حبة البازيلا حق ويهج كله ولا تزيدين الكميه و بعدها بنص ساعه حطي كريم الفاكورت ضد الحساسيه علشان ما تحسس بشرتج




رابعا: اذا انتي قاعده في البيت حطي خليط الزيوت اللي اقول لج عليها كلها تلقينها عن العطار

زيت الورد ماركة الحراز لانها معصور على البارد و اصلي (ملعقه صغيره) + زيت الخزامى ماركة الحراز (ملعقه صغيره) + زيت الجوجوبا ماركة الحراز (3 ملاعق كبار)+ زيت جنين القمح ماركة الحراز (3ملاعق كبار)+ زيت زيتون اصلي (3 ملاعق كبيره) + كبسوله من الصيدلية فيتامين اي Vitamin E + كبسولتين من الصيدليه زيت بذرة الكتان
ولو اتحطين معاهم بودرة غذاء ملكات النحل لانه غني بالفيتامينات و البروتينات و المعادن مفيده للبشره
و لو عندج زبدة الكاكاو الاصليه الخام وزبدة الشيا الاصليه


والله بشرتج بترد 10 سنين ورا و بتصيرين عروس



لا تنسين تستعملين ماي الورد و خلطي معاه ماء الزهر (زهرة البرتقال) بكميات متساويه و حطيها في بخاخ واستعمليها قبل وضع الكريم و بعد غشل البشره


والله مابي منج الا الدعوات الحلوه وان شا الله تبشرينا انج تزوجتي

الله يجزاكن خير
ويرزقكن الله بلا حساب

رفع

ذاك اليوم في برنامج ذا دكتور اللي يجي على الام بي سي قالو قشرة البابايا ممتازة للتجاعيد عند العين
يعني تقرشيها وتأكليها والباقي مع القشرة تمسحي فيها مكان التجاعيد وتستمري عليها

اذا الموضوع جذي عيل ان شا الله اسوي موضوع كامل للبنات احط فيه معلومات اكثر علشان الكل يستفيد سواء حق اللي تبي تغذي بشرتها او حق اللي تبي تشيل التجاعيد

انطروني بس اتفرغ انزل موضوع للعنايه كامل مكمل باذن الله