خواتي انا مهمومه ومتضايقه والسبب.....ادخلوا وفرجواهمي

السلام عليكم
خواتي مالي الاالله ثم انتم حاسه الدنيا ماهي واسعتني من الضيقه والهم والله ياخواتي اكتب وماني قادره اشوف الشاشه من الدموع صارلي يومين ماوقفت من البكاء الله لايواخذني بس
صارلي سنه ونص متزوجه والى الان ماحملت وكل شهراتفأل وأقول الشهر الجاي ان شاءالله وبالاخير تشرف الدوره واجلس ابكي لحد مادوخ من البكا
كل مره يطلعون لي مشكله وعله لحدمايأست من نفسي الدكتوره تقولي كل شي فيني سليم لكن معي كسل بالغده وهذا اللي مأخرحملي واخذت الثايروكسين وبدت ترجع للمعدل الطبيعي الحمدلله
رحت عند ثلاث ممرخات وكل وحده جابت لي الهم اللي ماتشيله جبال وحده تقولي فيني فقره والثانيه تقولي فيني رجوع في الرحم لورا وضاغط على فقرات الظهر والاخيره اللي علت قلبي تقولي فيني عيب خلقي في الرحم وصايرفيني التصاق في الرحم وزياده على كيذا قالت لي ان رحمي مقلوب وقالت لي ان فيني تكيس في المبايض وقالت لي ان عندهاعلاج ب 4000ريال يفكك الالتصاق اللي فيني اناقلت لها ارجع لك مره ثانيه وماخذت العلاج
المهم ياخواتي طلعت من عندهاوالدنيا صاكه فيني ودموعي ماوقفت تخيلوالواشوف طفل في التلفزيون دموعي تنزل فجأه اه بس وش اقول ووش اخلي
الحين ياخواتي مابي منكم الاالدعاءلي وابيكم تشيرون علي. استخيرالله واخذ علاج الحرمه وادفع المبلغ الغالي ؟
والكلام اللي قالت لي الحرمه يبين في السونار المهبلي لأني عملته3مرات والدكتوره قالت لي سليم(ملاحظه:اناعملت بس سونار مهبلي الى الان ماعملت إشاعة الصبغه لان الدكتوره رفضت تعملهالي تقول اني ماحتاجها)
وياليت ياخواتي تدلوني على افضل مستشفى في الرياض وافضل دكتور/دكتوره يعالج تأخر الحمل وإذاامكن رقم التليفون
الله يخليكم ياخواتي لاتطنشوني ساعدوني باللي تقدرون علي والله ان حالتي النفسيه صعبه يرثى لها
أناشدكم يالغاليات
الله يخليكم