والله بصراحه مثل ما قلتي الهدايا وايد محدوده بس ا شرايج بفكرة قضاء يومين في احد الشاليهات ترى والله تغيير جو وراحه :21:

انا رايى تشترين لاب توب

مشكورات خواتي كل اللي شاركن


أختي الأيام..

مشكورة الغالية عالرد.. والمشكلة أغلب عنده العود والدهن العود يعني ماكأني سويت شي لو خذيتهم.. وعنده بعد نعال يديد ومايستعمل روب الحمام.. فعشان جيه أقولكم انهم يحيرون الواحد.. وأغلب الهدايات هديتها اياه..
وعالعموم الله يعطيج العافية عالافادة والمداخلة الحلوة واذا فكرتي بشي جديد خبريني..



أختي زهرة جدة..

مشكورة الغالية عالرد.. وبالنسبة للي ذكرتيه عجبتني سالفة الجوال لأنها مايت على بالي قبل.. هو كان حاط بباله ياخذ نوع معين وبعدين أشوفه هون عن السالفة.. بس دخلتيها ببالي ألحين.. وبالنسبة للساعة هديته قبل لاكن سااااااااعتين لااااااااا ماقدر فوق ميزانيتي .. والمفروض هو اللي يهديني ساعة مش أنا اللي أهدي عمري هههههههههههههه

عالعموم ألف شكر لج.. وخلاص حطيته ببالي وبعدين بخبرج اذا شريته.. وتحياتي لج..



أختي مفعوصه..

مشكورة الغالية عالرد.. وهديتج حلوة..
بس المشكلة انه مايحب هالمفاجآت الجريئة شوي!!!!!!!!!!
وهالفكرة حلوة لاكن العيال.. بيخربون علينا ليلتنا..
بس ماعليه بحطها ببالي يمكن تنفع في يوم من الأيام.. والله يعطيج العافية عالفكرة الرووووووعة..




أختي meme ..

مشكورة عالأفكار الحلوة.. بس برج العرررررررررررب لا ماقدر ههههههههههههههه
والمصحف بعد فكرته روعة لاكن تعرفين من وين أقدر ألاقيه ويمون البوكس راقي بالامارات؟؟
وفكرة الصورة حلوة.. لاكن المشكلة ماقمنا نعلق صور بالبيت عشان مب زين وهالسوالف الدينية..
ومثل ماقلت للأخت زهرة جدة.. عيبتني سالفة الموبايل.. أنشالله اذا ماحصلت المسباح باخذ موبايل..
عالأقل بدون لف ولا دوران.. بحصله بأماكن كثيرة..

وانشالله من أشتري الهدية بخبركم في هذا الموضوع.. عشان تكشخون عند أزواجكم..




هلا أختي شوكولاته ذايبة.. ( أموت بالكاكاو الذايب أممممممممممممم.. شوقتيني فيه والله هههههههه )

مشكورة الغالية عالرد وعالافادة الحلوة..
بالنسبة لمعدات الحلاقة.. زوجي ملتحي ومايتحلق بالبيت.. دايم عند الحلاق..
والمسباح حلو وهذا اللي أبقيه بس مادري وين ألاقيه بالامارات.. وياريت حد يفيدني من الخوات بالامارات..بس رووووووووعة فكرة الخشب الأسود المدعم بالفضة.. أتخيله جنننننننننان بيكون.. بسألج بكم تقريبا يكون ثمنه؟؟

والله يبارك فيج انشالله ويزاج الله ألف خير..




أختي نور البنور..

مشكورة الغالية عالرد في الموضوع.. وفكرتج حلوة بس مثل ماقلت العيال بيخربون ولو فاضية بدون عيال كان وزززززززز طرنا..
واذا عندج بعد أفكار ثانية احنا بالانتظار.. والله يعطيج العافية..




أختي سنووورايت..

مشكورة الغالية عالرد بس المشكلة زوجي مايستخدم الكمبيوتر الا بالدوام.. وهذي المشكلة والا هي فكرة حلوة..
ويزاج الله خير..


ومثل ماقلتلكم بدعيلكم لأنكم رديتوا.. الله ييسر أموركم انشالله ويوفقكم ويسعدكم في الدارين..
وينولكم اللي ببالكم ويبارك فيكم وفي عيالكم..

مرحبا اختي المسافره:26:

المسباح ماهو غالي رخيص في حدود 150ريال وانا شريت معاه كبك للكم برضوا فضي واسود وطلع طقم حلو.

وكمان فيه هديه شريتها لزوجي وهي طقم مكتب علشان كل ما شافها بعمله يتذكرك:24:

مشكورة الغالية عالرد وانشالله أدور المسباح.. بخاطري والله.. واذا مالقيت.. الموبايل بيكون البديل انشالله..