خواتي بنات الكويت ومن زار الكويت ممكن تدخلون طالبتكم

سوق شرق بيروت (حولي) الفنار بالسالميه كويت مجك المهلب (بحولي مارينا مول السالميه وأن شاء الله تستانسين أنت والأولاد

السلاااام

اتمنى لك سفره ممتعه

بالنسبه للمجمعات

فامثل ماذكرت اختي عندك سوق شرق فيه ملاهي للاطفال وسوق ومطاعم حلوه من ظمنها مطعم بيزا تراه على شكله ماهو بغااالي
وفيه مجمع جديد وذووووق واسمه مارينا مول فيه سينما ومطاعم وسوق طبعا بس مابوه ملاهي

اما الملاهي بتلاقينها على شارع الخليج يعني على البحر
وفيه مطاعم على البحر الجلسه شاعريه هناك
بالنسبه للفنادق فيه سفير بس غالي
وفيه المرديان وغيره لكن مؤخرا صرنا نروح لفندق رخيص وبنفس الوقت نظيف ومريح نسيت اسمه

بس ابسال لك الوالد عنه

الشقق والفنادق تلقونها في بنيد القار اسم المكان كذا بنيد القار على شارع الخليج

وسلامتك

عذووب
تسلمين مشكورة ,وهذي مني لك:26: :26:
فارسة سدير
جزاك اللة خير ياعمري ,وتسلمين على التوضيح,وانا بانتظارك,وهذي مني لك:26: :26:
في انتظار باقي الاخوات لاننا بنسافر بكرة:27:

انا اقولج اذا تبين فندق تره موجود بكثره بمنطقه اسمها بنيد القار في فندق حلو اسمه فندق هلا ( هلا موتيل )

اذا تبين سوق مع العاب اطفال روحي مجمع اسمه كويت مجك هذا روعه لانه في بره قهوه على البحر على طول يعني بعد ما تخلصين مشتره ولعب العيال تشربين او تاكلين شي مع زوجج

في بعد سوق شرق حلوووووووووووو شرب القهوه على المرسى قدامج يكون في طراريد ويخوت...

في بعد منتزه اسمه حولي بارك بمنطقه حولي هذا روعه حق الاطفال انتي بعد ماتاخذين جوله بحولي لانه فيها مجمعات روعه وملابس بالكوم ورخيصه مو غاليه تروحين هناك تلعبين الاطفال وتتعشين. فاتحين مطعم قيصر جديد هناك

ممممم روحي مكان جداااااااااااااااااا حلو وغريب شوي اسمه التقدم العلمي هناك في حديقه مائيه اسمها الاكواريوم
تدخلين مكان كله احواض ماي كبيره مرات تكون الطوفه كلها ماي وفيها اسماك قرش واسماك ملونه حلووووه وروعه وهناك مرجان ماشاء الله روعه وراح اتشوفين اللخمه وهناك بعد حيوانات بريه يعني بصراحه قمه في الروعه واذا طلعتوا بره راح اتشوفون سفينه قديمه كانت تستخدم للغوص وقوارب تراثيه . وروحوا اتمشو بره التقدم العلمي المكان يااااااااااااااااااااااااااااسلام شو حلو روعه روعه روعه يرد الروح روعههههههههههههه
هذا كل اللي اذكره .. انشاء الله تستانسين يا عمري انتي والعيال وابو العيال
واذا تبين احد يساعدكم بالكويت اقدر اعطيج رقمي على الخاص علشان متى ما حبيتي تساليني عن شي انا حاظره

بسم الله الرحمن الرحيم

حياك الله اختي بالكويت

اولا بالنسبة للمجمعات : متوسطة الأسعار: مارينا مول في السالمية
سوق شرق في شرق
مجمع المهلب في حولي
ثانيا المجمعات المرتفعة الأسعار حيث تحتوي على الأسماء العالمية مثل فالنتينو ولويس فيتون وجيفنشي وسيرجيو روسي وبولغاري وشوبارد وغيرها في مجمع الصالحية
اما اذا كنتي تدورين غوتشي وبرادا وسان لوران وفندي وفرغامو وغيرها فعندك فيلا مودا في المنطقة الحرة
ومجمع الراية فيه بربريز و كاشاريل وغيرها
محلات ثياب الأطفال للعيد اعتقد احلى محلين واحد اسمه لحظه من فضلك في مجمع المهلب
والثاني اسمه كدزستور في السالمية القديمة في قيصرية العبدالغفور المحل قديييم بس كله ماركات عالمية جديدة مثل فرساتشي وديور وغيرها
المطاعم في الكويت كثيرة في مرينا مول يمكن عشرة ايطالي وهندي وياباني وغيرها
او لينوتر على البحر يجنن أو نينو على البحر
نتمنى لكي اقامة سعيدة في بلدك الثاني الكويت