نفس حالنا تمر سنين مانتقابل الا اذا فيه زواج ونحضره نتقابل لكن نتقابل بنفوس طيبه الحمدلله لانه كل وحده بمكان بيتها يعني مافي كره الحمدلله

مطلقه حره أمي الاولى وهي وزوجة ابوي بنات خاله أمهاتهم اخوات

حبيبتي واضح بينكم حزازيات بس خلاص الي متي انتو اخوات يعني خذي ارقامهم تواصلي معاهم واتس وكلميهم بننزل نقعد عند ابوي خلونا نشوفكم ودي لهم اكل لا سويتو فطوركم خلو المبادره تكون منك شي حلووو وبيشجعهم واذا ماشفتي منهم أي تفاعل الي عليك سويتيه قدام رب العالمين غير كذا لا تحاولين اكثر

احنا مع خواتي من ابوي نفس الشي يعني اذا شفناهم في مكان نسلم مع بعض ونسولف وعلاقتنا قدام الناس زينه لكن زيارة بالبيوت نادرة جدا شبه معدومه لان هم يجون على باب البيت يسلمون على ابوي اذا بتسافر وحده مع زوجها ومايدخلون يسلمون على امي واحنا اذا جينا ابوي يقولنا ادخلوا سلموا على خالتكم وندخل ونسلم حنا واولادنا مع ان امي هي الكبيره وحنا اكبر من خواتي والوحده منهم تسلم على ابوي وترجع ولا حاسبين لامي حساب
ومن البداية سبب التفرقه زوجة ابوي كانت تمنع اولادها يجون بيتنا واذا كان ابوي مو موجود تطردنا من بيتها وكنا وقتها صغار اكبر واحد فينا 10سنوات وكانت تتشكى لابوي وتالف قصص ومن ضمن القصص ان اختي الكبيره ضربتها ووقتها اختي كانت بخامس يعني مدري كيف ابوي صدقها وصار يشوفنا اشرار وهي بريئة وطيبه مع اني للحين اتذكر عيونها تخرع وهي تخوفنا عشان مانجي بيتها
وللحين مع ان ابوي كبر ومريض بالسرطان الله يشفيه بهالرمضان مازالت تحاسب وتحقد مع اننا التهينا عنها وصرنا نشوف اللي كان يصير تفاهات لكن هي خربت العلاقه بيننا وبين اخواننا ومستمره ماكان وراها حساب وعقاب

صراحة آلدنيا عليها السلام