سورة البقرة قرآتها بغرض شيء معين وسبحاان الله تححقق خلال اسبوعين من قرآتها ولله الحمد
ومواضبه على قرآتها قبل النوم 🌹♥️

انا جاني هديه مصحف صغير فيه سوره البقره بس وصرت اقراها ومستمره عليها لكن مااختمها بجلسه لا لاصليت الوتر اجلس اقرا منها الين ياذن الفجر بس انا مااقراها لاجل شي لا كذا بس ابي الاجر لكن الحق لله اعرف وحده كانت عندها مس عاشق واذا جاها خطاب تنصرع المسكينه صارت تحط المصحف جنب السرير وتقرا اللي تقدر عليه وسبحان الله بعد ٤ شهور من استمرارها تقدم لها عريس فيه مواصفات ماتحلم فيها بنت وكان عمره ٢٨ وهي ٣٤ وكانو اهلها خايفين ان يصير لها زي دايم وسبحان الله تيسرت امورها وتزوجته وعندها الحين طفلين ولااعاد جاتها الصرع وتشافت تماما واعترف لها عريسها انه من زمان يبيها ويحبها لكن امه رافضه بسبب عمرها وفجاءه جاته امه وقالتله بنخطبها لك بدون مقدمات فكلنا قلنا سبحان الله بسبب قراءتها لسوره البقره الله شافها وفرج كربتها

اعانتني ع الصبر وخلتني اتحكم بأعصابي كبرت عقلي وتجاهلت اي احد جاني منه اذيه وخلاني واثقه بربي كثير الحمدلله

راحه نفسيه سكينه في حياتي طمأنينه لي تقريبا بكمل اربع شهور اقراها قبل صلاة الفجر وانهيها تقريبا بعد صلاة الفجر


لكن ماخصيتها بالقراءه وتركت السور الثانيه
رتبت جدول


بحيث البقره قبل صلاة الفجر يوميا اخلصها


وخلال اليوم بعد الفروض مثلا اخلص ال عمران اليوم اللي بعده النساء يعني يوميا اخلص سوره كامله من القران واذا وصلت السور القصيره خليت بعد كل فرض من الظهر الى العشا سوره


وتقريبا شهر ونص اختم القران ولله الحمد


كتبت هالجدول يستفيد غيري ومنه البقره يوميا ومانترك السور الثانيه بس فعلاااا احس حياتي تغيرت كنت اسوي اشياء وتركتها سكينه سبحان الله تغيرركل شي في حياتي ونفسي الله يتقبله ويكتبلي الاجر ويعيني واياكم عل طاعته

لازم لما تقرأيها تكون النيه خالصه لوجه الله تعالى مو علشان تتحقق امنيه..
الرسول عليه السلام قال اخذها بركه وتركها حسره يعني اخذها بنية معينه شي لازم تراجعي نفسك فيه..

اي عمل اذا سويتيه لازم تبتغي فيه وجه الله تعالي مو علشان سبب دنيوي، اخلاص النيه اهم شي، اذا اخلصتي النيه بينك وبين الله صدقيني بتلاقي سعاده وراحه ويسر في حياتك وبتلاقين اكثر من اللي تتمنين..

واذا عندك حاجه معينه ربي شرع الدعاء، واذا كانت الحاجه هي رزق لك سواء زواج او مال اقرنيها بالاستغفار الصادق والخالص لوجه تعالى مصداقاً للايه ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُمْ مِدْرَارًا (11) وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا)

وعد صريح بالرزق مع الاستغفار..

النيه لما تكون خالصة لوجه الله بدون شي صدقيني
هي الفارق..
ومن تجربه شخصيه تاثرت بكلام الميديا واستمريت على الاستغفار لنيه دنيويه دون استشعار الخطايا واخلاص النيه..

لكن لما اخلصت النيه جاني كل شي..

وبعض الدعاء يحتاج اصرار وثقه ومداومه، لي دعوع ماتحققت الا بعد سبع ثماني سنوات من الدعاء والتوكل..

انتبهر لانكون من اللي نعبد الله على حرف..

ارجو كلامي ماازعجك..