خواتي حبيت افضفض لكم ادخلو سلوني

السلام عليكم
حبايبي بنات حواء
انا وحدة ساكنة مع اهل زوجي
مالي الا غرفتي وحمام مشترك نوعا ما
وعندي طفل

امه الله يصلحها لسانها شوي وتدخلاتها كثير لكن مو هنا المشكلة
المشكلة انها يوميا تنقل تفاصيل حياتنا لجميع بناتها
بالتلفون
ولما تجي الاجازة يجون ويجلسون بالشهور مافي احترام للخصوصية طول الاجازة يبنات وانا ما اعرف غير غدا وعشا قهوة فطور

هم صحيح يساعدون بالشغل بس الاغلب الشغل فوجهي انا والله يابنات فرمضان يملون المطبخ مواعين وتعرفون حوسة الطبخ
ويروحون يتمشون مع رجالهم فالحدايق ويفطرون برا وانا فالبيت اسوي الفطور للباقين واغسل مواعينهم اخوهم متزوج فالاجازة يحط زوجته عند اهلها ويجينا

طبعا زوجي ما يحرك ساكن والله يابنات عانيت منهم كثير

المشكله كل وحدة لسانها اطول من الثانية
وزوجي يقول لاتردين على احد ادعولي الله يفرج همي والله كل ما يجون يسوون سالفة وزوجي يصف معهم ويهجرني بالاسابيع علشان يرضيهم المشكله ما اقدر اشتكي لاهلي امي اعصابها تعبانة ماابغى ازيدها وابوي الشكوى لله خلوها على الله


وفالاخير اخته تكلمت علي بكلام مايرضي الله ولا رسوله
واجبرني اعتذر انا منها والحين يقول لي اذا جت اجازة الحج بنروح نقعد عند اخواني وانا تعبت والله يابنات

ولله الحمد بكرة خدامة ام زوجي بترجع وبتريحني من تهزئ عمتي عاطالع والنازل

واللله فقلبي كلام كثير بس الشكوى لله
ابغا منكم دعوة بتفريج همي الله يجزيكم خير لاتنسوني من الدعاء