خواتي سعدوني بنصيحة

مساكم/ صبحكم الله بكل خير ....
بنات انا ابى استشيركم واتمنى تحسو فيني كلام العقل ١٠٠٪؜ جدا صعب تطبيقه
كلنا حريم مثل بعض صعب نجمد قلوبنا ونعيش بعقولنا فقط
بنات انا من يوم تزوجة زوجي والى الان لي متزوجة ٦سنوات وعليها وانا اعااااااااني
ماعندي وظيفة ورافض انى اتوظف
مصروفي مايعطيني هوا بيدي الى ابيه اقوله وهو يجبلي غير كذا لاً
ممنوووووع اطلع لو بقاله او افتح باب الشقه الا معه
مايحب لا يروح منتزهات او مولات او اسواق يالله يالله مره بالشهر نطلع نتعشا بمطعم وعلى البيت فقط او اذا بناتي بكيو ووانا ترجيته نطلع ملاهي وهذي مره كل ٦ اشهر
كل روحتنا للديره عند اهله واهله قاطعيني نهاااااائا لان اخته تكلمة في عرضي وصارت مشاكل بيننا صرت منبوذه لهم بالديره عندي غرفتي بحمامها وبس زوجي وبناتي طوال الوقت عند امه وانا اجلس لحالي واكل لحالي حتى بعيد يرفض يوديني عند اهلي بحجت ان يبي يعيد مع بناته
وكل شي بكفه وخيناته لي بكفة من يوم تزوجته وهو يخون ومن وحده للثانيه ومسكة بمحادثات جنسية ومسكته يبي يجيب وحده في بيتي وانا عند اهلي وجربت معه كل شي اللين والقسوه التجاهل والاهتمام والحب مانفع معه شي
انا مدمره من الداخل اهلي قالولي دامك تبي ترجعيله لا تجينا بعد كذا وتشتكي مالنا لزوم
الحين انا تعباااانه ولي فتره اخذ حبوب الاكتئاب لاني حاولت الانتحار
بنات وش اسوي ؟؟؟
ودي اخذ بناتي واروح اسكن بشقه قريب من اهلي واشتغل
اطلع ارخصة وادور وظيفة وجيب شغاله تساعدني ببناتي
بس ابى اعرف رايكم
لان بيت اهلي مااقدر اسكن فيه
اخاف ارجع افكر بالانتحار ثاني لو كملت كذا
انا لي سنه معه حاليا مانتكلم مع بعض غير بالامور المهمه عايشة محبوسة لا بطلع ولا بشتغل ولا شي بس اهتم ببناتي واهلي بعيد عنهم ومايرضا ارحلهم غير كل ٥ اشهر
منتظره ردكم يابنات اتقبل اي نقد ونصيحه
انا حاليا حامل و وقفت حبوب الاكتئاب وقبل فتره لمن عرفة بحملي حاولة انزله لكن الله ماكتب