هاذي تبي تسوي حركه تجننك فيها وشكلها ملكعه ومسويتها في احد قبلك وهبلت فيه
واحتمال ثاني تبي تفتك من ترتيب الغرفه
واحتمال اخير تبي تسرق ذهبك وفلوسك وتقول مافي انا يعني غيرها اللي يحوس هو اللي سرق
لكن نصيحه لك هذولا مامنهم امان والله العظيم لو انك مسالمه وتخدمينهم وتدو رين رضاها تكيد لك فانتبهي على نفسك والسلام

أختي بسم الله عليك هذا ابد مو جن والله أعلم اعوذ بالله منهم

لان لو جن بتلاحظين تحركات في الغرفه كثيره مو بس ثياب و انا والله اعلم اني حاسه انه الحبشيه الله يكافينا شرهن بعضهن جن انسي
يعني يمكن اهي متعمده انها بتهبلبك ليش؟
معظمهن لازم يسرقن و علشان تبعد التهمه من نفسها بتسوي حركات يعني كان الجن اللي يخربون ولو بتفقدين شيء كان الجن اللي ما خذهم وتبعد التهم عن نفسها
وانا اقول والله اعلم ان بعض الظن اثم
بس لا تخلينها تنظف غرفتك أبد حسسيها انك واعيه و مو سهل احد ياخذ منك شيء
والشي الاهم يا حبيبتي لااا تخلينها بحالها تنظف غرفتك يعني وهي تنظف لازم تكوني معاها مو بس سرق الا سحر والله ان قريبة صديقتي ماتت من سحر من حبشيات وانا ما اخوفك بس ابيك تحرصين و تعرفين ان المال هو همهم بالدنيا
وبعدين ليش ما تخلين الفلبينيه اللي تنظف غرفتك وانت معاها او تنظفيها بروحك
ومثل ما قلتلك حسسيها بحذرك لكن بادب لا تنتقم
والله اني اخاف منهن الله يحمينا جميعا من كيد الكائدين

حكايتك اختي غريبه لكن و الله مو اغرب من قصه صديقة اختي ,
كانت اختي تروح النادي مع صديقتها و النادي خاص و تقريبا كل وحده تحط ملابسها ما تسكر عليها ,
تقول اختي ان صديقتها يوم بتروح المسبح راحت و بدلت ملابسها و لبست المايوه , و علقت ملابسها الداخليه بالحمام
و الله يابنات اختي تقول يوم طلعنا نتسبح ما لقت صديقتي ملابسها الداخليه العلويه ( فاهميني )
و دورت عليها بكل النادي حتى الموظفات انجنوا يقولوا من يسوي كذه , و البنت تقول ملابسها عادية مافيها شيء يدعوا للسرقة و البنت مالها علاقة بأحد , و نادرا ماتجي و بقية الملابس موجوده , و البنت تقول و الله كنت حاطه الملابس الداخلية تحت الملابس بالعلاق محد يشوفها , يعني مين اخذ القطعه من بين الملابس .
بالله الحين من اللي سرق الملابس , و ليش
و الله انتي ارحم . على فكره صديقته اختي هذي حلوة و لكن و الله دوم خناق مع زوجها و مشاكل ماتنتهي .

السلام عليكم ..

خواتي مشكووووووووورات كلكن على الرد و الله هونتوا عليه الموضوع .. و انا احس انه صار اهون لانه قمت ما ادخل الخدامات الغرفه و لو دخلن انا اوقف على راسهن .. و بعدين القرآن شغال على طووول ..

ام تيله حبيبتي . .. و الله ما اعرف شو نيتها .. الحين هي ما تسويلي شي غير انها تكوي ثيابي بس .. بس كل شي جايز ... اتحسيبها تضحك في ويهي بس ما اعرف شو في خاطرها .. بس لين الحين ما سوت شي ..

عن الكيمرا خواتي و الله ما اقدر احس اني وايد اخاف من هالسوالف و هالسوالف بالذات يوم اسمعها من الناس تصدمني .. غير اني انا الحين مسافره مع اخواني و الوالده بتم ويا هاي .. فا انا خايفه على امي .. مادري و الله شو اسوي .. الله يحفظنا من شرهن و الله محتاره منوه اللي يسوي هالحركات ..

ام الحلوين .. الحبشيه مشتغله في لبنان .. و حتى كلامها لبناني .. تضحك .. بجييبلك و بعمل لك و من هالرمسه المايعه.. مادري يمكن لاعبه لعبتها في لبنان ...

أمة الله .. اختي انا قمت ارتب الغرفه و هم يساعدوني و من عقبها اقفلها و الله .. بس ما ادري .. احس شي تحت راسهم .. يعني يدبرون حق شي .. و ما اعرف اي وحده منهم و لا ادري منوه هي .. و لا اقدر اظلم حد ..

صوره .. والله ياختي سالفه غريبه اللي صارت حق هالبنت اللي تطرينها .. الله يعينها و يعيني انا ..

ما قصرتوا و الله يعدي الموضوع على خير و خواتي اللتي اقرا الموضوع بليييز و سامعه شي من هالاشياء تقولي الله يخليكم ..

سنطره..........

دخيلج حطي كاميره.. وخبرينا....

والله اشتغل عندي الفضول..................!!

والله يعينج على هالساحرات..............

بس كل ما تطلعين شغلي القرآن.... ولا تخلينهن يبندنه........!!