اهم شي بتكسبينه راحتك النفسية وخصوصيتك في بيتك وكل شي بالترتيب والتنظيم بيترتب.

الموضوع ماراح من بالي

اليوم جمعه طبعا اصحى بدري وسوي لعيالي وابوهم فطور مخصص ليوم الجمعه بعد ما خلصنا راحو عيالي وابوهم لصلاه دخلت غرفتي ورتبتها ترتيب سريع وكنستها وحوس بالبيت اشيل ولقط ..وبعدها دخلت عالمطبخ وسويت الغدا

وقعدت افكر كيف بيكون وضعي لو مافيه شغاله وهذا وانا ماعندي شغاله احيانا انضغط دراسة عيالي تحضير لهم قهوت العصر وووو الخ ماابي احبطك بس مادري متلخبطه اخاف اتسرع ولا اقدراكمل بدونها وانهد وماني حابه وجود الشغاله ببيتي

توت احمر
اشكرك على مرورك
اكيد اذا كان الداخل والطالع عليك كثير من ضيوف واصدقاء لاولادك وبناتك بيكون الشغل كثير والبيت ينحاس دايم ولا راح يكون منظم علطول
اتوقع اللي ما يجيها ضيوف الا نادر ممكن اقول يمكن ان تنظيم البيت وتحميل الاولاد بعض المسؤلية والاعتماد على النفس

ما شاء الله عليهم المصريات ما عندهم خدم واولادهم كثار والمادة ما تعادهم يجيبون اجهزة كبيرة تخفف عليهم
ومع ذالك مسيطرات على والوضع ومرتاحات
ودي اعرف كيف برنامجهم ونظامهم

اذكر مصرية تقولي ان قريبتها بمصر عندها سبع اولاد وما عندها بنات وان اولادها يساعدوها حتى بالمطبخ يقورون الكوسة ويحشونها

لؤلؤة الاكل
اشكرك على مرورك

الموظفة وعندها اطفال اكيد راح يكون الامر اصعب من لو انها جالسة في البيت

عاد تصدقين فيه ناس مستغنين وعندهم اطفال وكبار ومو منهدين بالعكس اشوفهم بالجمعات يضحكون ويسولفون ولا كأن وراهم شغل اذا رجعو بيوتهم

بس ما اقدر اسألهم عن السر لان علاقتي بهم سطحية ولا اقدر

احيانا تشوفين عليهم باين تعب بس يجتمعون ويعزمون

احس المسألة تنظيم وقت واحتساب ورغبة وقناعة في الاستغناء
وفوق هذا تعاون من اهل البيت

واخيرا جزاك الله خير على طرح رأيك

زبدة خالية الدسم
اشكرك على مرورك

اللي فهمت من كلامك انك مرتاحة مع وجودها وتشيل عنك الشغل
الله يهنيك اختي ويطعمك من خيرها ويكفيك شرها

بالنسبة لخالة زوجك ما شاء الله تبارك الله الله يحميها ويحفظها من العين

يا ليت نعرف كيف منظمة بيتها وش النظام اللي ارتاحت له و كيف وفقت ين بيتها ونفسها وزوجها واولادها

الله يحرسها ويجعلها قرة عين زوجها

اشكرك على ذكر تجربة خالة زوجك ما شاء الله والله حسيت اننا نقدر بس يبيلنا عزم
جزاك الله خير