والله بالعكس يوم عندي الشغاله كل يوم احس بتعب والم شكل وقلق وضيقة صدر وحتى بيني وبينك احس وقتي مع اني فاضيه مافيه بركه والله انه بسببهم يحسدونا ع النعمه واللفمه الليرفي ايدنا وع راحتك وجلستك بدون شغل
بس راحت والله حياتي تغيرت وصرت اكثر نشاط وحيويه
واللي يقولون بتعجزين او نحفتي او مدري ايش قولي مايعجز الا الكسل والنوم وقلة الحركه
وخليك واثقه من نفسك واللي يقول كذا اعرفي انه مايقدر يستغني عن الخدامه ويبي الكل مثله مو احسن منه حاسين بالراحه والامان .
والله اعلم ،،،

انا مع بنت ابوها كذا مره امر على موضوعك واتردد اني ارد لان الاغلب تقول ارتحت وقايمه بالبيت لاوالله الشغل مايخلص ابد وراح تهملين بنفسك وبزوجك خاصه اذا كان من النوع اللي تجلسين معه كثير ويحب ان حرمته تقابله من تجربتي شغالتي سافرت وانهد حيلي من الشغل وعندي اولاد بالثانوي وبنت باول ابتدئي اولادي ماهم ملزومين يشتغلون وهم في فترة امتحانات على اساس اعلمهم النظام ايه يساعدوني في غرفهم والزوج اغسلي يدك منه انه يشيل لو منشفته من الارض ولازم تقومين من الفجر علشان تخلصين شغلك بدري ولاتشوفين العضوات اللي قايمات ببيوتهن ترى كل وحده وظروفها والله اني يجي المغرب وانا خلاص ميته بعد العشاء على طول انام والله حتى الاهتمام بنفسي نسيته انا قلت لك تجربتي وانا بحول رب العالمين بقدم على شغاله لان صراحه انا اللي اطبخ واهتم باولادي هي للتنظيف وبس وترى انا جبت من اللي ينظفون بالشهر بس بهدلن بي زي المنشار صاعد طالع فلوس والشغل مثل وجيههن واستغنيت عنهن مافيه زي الشغاله اللي من المكتب وبالاخير اقول لك استخيري اذا مازلتي حيرانه معليش طولت عليك بس انتي طلبتي النصيحه

اختي حبيm
وش اللي يحوسنا ويغير راينا غير كلام اللي حولنا

اختي ام نواف الحبوبة
اشكرك على طرح تجربتك المشجعة ودي اجرب واتوكل على الله زيك ما شاء الله عليك الله يخليك لزوجك واولادك ويمتعك بالصحة والعافية

اختي عصفورة الشجن
ما شاء الله الشغل بالبيت نشاط وحيوية اكيد لمن اشوف الغرب وكيف حريمهم نشيطات وصحة وهن ما عندهن شغالات وموضفات وكلام الحريم الللي يترحمون على اللي ما عندها شغالة يضيق الصدر
جزاك الله خير حبيبتي كلامك يدفعني للامام

خواتي بنت ابوها و dai dai
تتوقعون اللي استغنو وضعهم غير وضعكم يعني ما عندهم اطفال صغار يسهرونهم وازواجهم متعاونين و يقدرون شغلهم فما يتضايقون لو الوحدة قصرت في حقوقة الخاصة
علشان كذا حست بالراحة وقدرت تواصل حياتها بدونها

الله يعطيكم العافية على مروركم نصحكم

والله ياخواتي اني اغبط كل وحده مافي بيتها خادمه

اقول يابختها مرتاحة البال

انا عندي شغالتين فالبيت وكل ماقلت ابي استغنى عنهم صاروا بناتي يصرخون لاااااااااااااااا

الا الخادمه مانستغنى عنها بعدين بتضغطين علينا وتحشرينا بشغل البيت
ع فكره بنات هالزمن كسولااااااااات لابعد الحدود الا من رحم ربي

والله اني اتمنى ان بناتي يساعدوني او يشجعوني اني استغنى عنها

لكن الله يهديهم

ومرات اقول ودي احطهم عند الامر الواقع هههههههه
وبناتي كبار وحده فالجامعه والثانيه ف الثانويه

انا انصحك اختي انك تتوكلين ع الله وتستغنين عن قرف الشغالات وتنظفين بيتك
من سحورهم وساختهم وبالتوفيق لك ان شالله

اختي شذا الوورد22
الله يصلح لك ذريتك ويرزقك برهم
صادقة البنات في الوقت اتكاليات والاولاد بعد والسبب وجود الخدم الشغالة والسواق
جابو لنا ولعيالنا الكسل
اشكر مرورك و نصيحتك لي
الله يجزاك خير