خواتي محتاره بشغالتين...رايكم ساعدوني

السلام عليكم

وضعي ام لطفلين و عندي شغاله فلبينيه عمرها اربعين سنه نفسيتها مو ذاك الزود واضح عليها تحب شغل البيت وماتحب الاطفال غير هذا لاحظتها تهاوش على ا لعيال واحد يتكلم ماتقدر تقول له شي و الثاني صغير اهي اللي تهاوش عليه بلحظات لما مااكون معاها و لمساتها لهم خشنه يعني تشيل مرات بقوه جنها معصبه فاهمين علي؟ بس الحمدالله اغلب الاوقات اكون معاهم واذا رحت لأي مكان اوديهم عند اهلي المشكله مو مرتاحين لها غامضه و نظراتها ما تطمنا صار لها اربع شهور المهم انا قدمت على سيلانيه اصغر منها بالعمر وناطره الشغاله الجديده عشان ارد الفلبينيه المكتب المشكله الحين الشغاله الفلبينيه تحسنت صارت تضحك و تحب العيال و تشتغل زين .. انا استغربت و احترت مع انها ماتدري اني قدمت وراح اردها ساعات افكر اقول اخاف سمعت شي و قاعده تحسن من نفسها عشان تقعد و ساعات اقول لا لأنها ماتعرف عربي.

عموما انتوا عارفين الجنسيه الفلبينيه شلو ن خطره و السيلانيه افضل حتى للأطفال و هذا الشي مطمني اني قدمت على جديده الحين الحل شسوي ؟؟ صليت صلاة الاستخاره بس ماحسيت بشي اخليها تكمل ولا اردها المكتب؟؟؟ خاصتا اني ارتحت لها الحين نوعا ما واخاف السيلانيه الجديده ماتكون زينه بعد؟ ولا اقول النفسيه اهم لأن الفلبينيه اخاف بيوم تسوي شي حتى لو كانت زينه اما السيلانيه ماتتجرأ مثل الفلبينيات؟؟
رايكم خواتي؟؟؟ و شاكرتلكم.:26:

:(