*المسافرة*
كيفك اختي
جربي معاها الفواكه والخضار الغنية بالالياف وافضلها على الاطلاق البرتقال والعنب على الريق اول ماتقوم من النوم اعطيها عنقود عنب او حبة برتقال تاكلها وانتبهي من عصير البرتقال لانه يعطي نتيجة عكسية والسر في حبيبات البرتقال هي اللي تلين المعده
والله يعينك ويعينها يارب ادعيلي:26 :
اختكoOoأثرoOo

مشكورة الغالية ابتسام الجنوب عالرد.. والله يعافيلج ولدج وبنتي وعيال المسلمين انشالله..

حاولي أختي بالعسل الطبيعي.. عالريق ملعقة وبالليل.. بضرابه وانا أعطيها بس شو أسوي..

وبعد يوم أذكر.. والله يعين انشالله


مشكورة الغالية أم التوأم عالمعلومة المفيدة.. والله يخليلج بناتج انشالله..

بس ياريت لو تكتبينلي طريقة العصيدة اللي قلتي عنها.. لأني ماقد سويتها..

بس هي معروفة هنيه عدنا بعد بالامارات. لاكن بالدقيق والسكر.. لاكن طريقتج بالتمر أكيد بتكون أحلى..

والله يعطيج العافية ويخليلج بناتج فديتهم وتشوفينهم عرايس انشالله.. كملوا السنة والا بعدهم.. العمر كله انشالله


ألف شكر لج الغالية أم نرمين عالرد.. تدرين أنا قاطعة عنها التفاح وعلى بالي الكمثرى نفس الشي.. أول مرة أدري انه يسهل.. بس ترى تحملي تعطينه لولدج ترى للي أكبر من سنه وهذا كلام الدكتور.. لأنه فيه أشياء زيادة مايتحملها جسم الياهل.. وأسألي بعد للتأكد.. والله يساعد الجميع انشالله..

الله يوفقج ياأثر عالرد.. ويحفظلج عيالج.. أعطيها عنب بس ما أحس انه يسويلها شي وايد.. يمكن لأنه بعده تاكل شي يمسك البطن.. مادري..

عالعموم انشالله بحاول وياها أكثر.. والله يخليهم النا ويبارك فيهم..

شوفي عيوني انا اسوي هذه الطريقة وتعجبني وهي من المنتدى بس ماذكر صحباتها
حنيني سريع وسهل ولذيذ جدا جدا ..
...............................................
الحنيني من الاطباق الشعبيه
في المنطقه الوسطى
وهويعمل من القرصان او الخبز البر
ويعمل الان بطريقه سريعه وسهله
وهو من اطباق الشتاء
لما فيه من السعرات الحراريه العاليه

المقادير
...............

4 اكواب دقيق اسمر (بر )

4 اصابع زبده وزن (113)جرام
علبة جبن كرافت الحجم المتوسط تبشر بالمبشره
يملا ثلاث ارباع خلاط العصير بعجوة التمر
ويفضل السكري ثم يملا كاس الخلاط بالماء الحار
ويخلط التمر جيدا ويضاف له الجبن المبشور ويخلط معا
ذرة ملح
الطريقه::
........................

تذاب الزبده في صينيه سميكه ثم يضاف الدقيق ويحمس جيدا لمده 10دقائق على نار هادئه ثم يضاف خليط التمر والماء والجبن ويقلب الخليط بشكل مستمر حتى يلمع الخليط
وينضج الدقيق واذا احتاج الى سائل اضيفي القليل من الحليب

ويقدم ساخنا مع القهوه (والبعض يعصر عليه بعض الليمون)
نصيحتي تجربوووه لذيذ مررره

وبالهناء والعافيه

مشكورة الغالية أم التوأم على الطريقة بس أحس انه 4 أصابع زبدة 113 غم وايد يعني بالطبخة 452 غم على 4 أكواب طحين مب جنه وايد.. مادري والله.. بس الطريقة عيبتني.. لاكن الله يخليج أكديلي بالنسبة للزبدة..

والله يعطيج العافية

مشكورة الغالية أم هوازن عالمرور الكريم.. وتسلميلي يالغالية عالمعلومات الحلوة.. والله يعافيلنا عيالنا انشالله..

والله أختي بالنسبة للزيت الزيتون أنا دايما أحطلها اياه.. بس عيبتني طريقة الحقنة بالزيت داخل المنطقة.. انشاله بجربلها اياها.. بس أعتقد الكمية تكون قليلة صح؟؟!!

بالنسبة للحليب والله أبدددددد ماتقبل الصناعي بس عشاني حامل ألحين وأبقي أفطمها أعطيها حليب طازج مغلي مع سكر.. مرات تقبله ومرات لا.. والله يعيني..

أنا سامعة عن الصابون وحدة خبرتني عنها بس بالنسبة للكبار.. وصابون لايف بوي.. بس تقول جاب نتيجة سريعة.. لاكن الصغار مادري عنها تنفع والا..

بالنسبة للأكل.. أنا اللي أعرفه انه الجزر يربط البطن صح والا لا؟؟ والرز هي ماتاكلة وايد لاكن مرات أعطيها معكرونة عشان تتعود عالأشياء الصلبة شوي..

ماشالله عليج أختي كفيتي ووفيتي أنتي والخوات.. الله يعطيكم العافية انشالله ويبارك فيكم.. ويدخلنا ويدخلكم الجنه من أوسع أبوابها.. امين يارب العالمين