خواتي من اي عمر الطفل يقول بابا وماما؟؟

حبيبتي لاتلقين لهم بال
ترى الحمولة عليهم تعليقات ترفع الضغط

اما من ناحية ماما وبابا
انا اللي اعرفه اول شئ يبدى يقول (به)
وماما يقول (مه)
انا بنتي الحمد لله نطقتها بشكل واضح من الشهر السابع او الثامن

مالج شغل بأحد كل طفل وقدراته تتفاوت من طفل لي طفل
يعني انا ولدي اسم الله عليه بدا يتكلم من 8 شهور حتى ينادي اسمي والحين عمره سنتين وشهر ماشاءالله عليه الكل يقول لي اقرئي عليه يتكلم بطلاقه لكن في أطفال بعمره يادوب يكون له جملة من كلمتين

اختي خلي بنتك على راحتها تكبر وتتعلم ومالج شغل بكلام احد وقولي لهم الياهل بروحه يتعلم محد يعلمه لا الجلوس ولا الحبي ولا المشي والكلام اي كلمه يقدر ينطقها راح يقولها بدون تعليم

عزيزتى مالها عمر محدد .... فيه اطفال قدرتهم احسن من غيرهم ...
انا عندى توأم بنتين ... و حده ما شاء الله عليها تردد كل شئ نقوله و الثانيه كلماتها محدوده ...
فكل طفل حسب قدرته و لا تهتمى لكلام احد

مشكورات خواتي الله يعطيكم الف عافيه

ما عليج منهم باجر بيقولون لج ليش مامشت بسرعه وبتتغصصين اكثر
كل طفل يختلف عن الاخر
فيه اطفال يكون عندهم سرعه الفهم والاستيعاب والنطق
وفي بعضهم قليلون الحركه والكلام
وباجر بتكبر وبتملين من كثر ماتناديج امي
الله يجعلها من الذريه الصالحيه هي وخوانا المسلمين امين يارب العالمين