مشاركتي في هالموضوع متأخرة على الرغم اني انا اول من عرضت اغراض مستعملة للبيع .. الفكرة انا مقتنعه فيها اقتناع كامل وبستمر عليها على طول اذا وصلتني هدايا مب على ذوقي او قررت اني ابيع شي مستعمل لاني ابي شي جديد بعرضه على طول .. و على فكرة جهاز الكينوود المستعمل انحجز و واحد من الاحذية المستعملة طرشته للزبونة ..

اكيد تتفقون معاي انه في ناس تبي تشتري على قد حالتها المادية وما عندها مانع تشتري مستعمل استعمال بسيط ..

بس انا اقول انه لازم الصدق والامانة يعني ما ينعرض الا الغرض الي حالته جيدة ومافيه اي عيب واستعماله يكون بسيط لانه الزبونة وثقت في العارضة ..

اخت جبال وسهول مشكورة على طرح الموضوع وانا ما عندي مانع في فكرة تجميع كل الاغراض وبيعهم في سوق او كراج بالعكس بهالطريقة الكل بيشوف البضاعة وبيفحصها .. :)

ابي اقول شي ثاني للمشرفات على المنتدى ... ياريت يسوون لنا منتدى لبيع الاغراض المستعملة مثل منتدى العروض التجارية .. الافضل انه هالشي يكون منفصل عشان يكون اوضح واسهل ...

أم الغالي انا بعت شنطة يتني هديه لوحده من الاخوات وربنا يشهد انه القراطيس كانت بعدها داخلها حتى ورقة الماركة بعدها مربوطة بالشنطة

وانا أضم صوتي لكن با بنات , وهذا لاعيب ولا حرام اصلن احنا لمن نتصدق بالشنط الماركة وتقليدها لدول فقيرة , فهل هم بيفرحون فيها او بيعرفون قيمتها على كثر ما يفرحون بالفلوس والغذاء والملبس المناسب لهم والله انا عندي شنط تقليد لماركات وجلابيات تصميم وانشاء الله اننا اخوات كل وحدة بتاخذ من الثانية اللي هي بتستفيذ منه .

وانا معاكم :)

مشكورات على التفاعل

وأي وحدة عندها أغراض مستعملة للبيع خل تعرضها ولا تتردد في موضوع مستقل علشان تقدر تتابع الموضوع مع الأخوات اللي ممكن يشترن


ما شاء الله عليكن يا بنات عالم حواء

عقول متفتحة من جد