dianah840 @dianah840

محررة فضية

خواتي هاي قصتي كاملة ....ساعدوني

السلام عليكم

خواتي كل يوم بدخل المنتدى وبقرا المواضيع والمشاكل والحلول وحكيت خليني اكتبلكم الي بسير معي بركن حد يفهمني او يشرحلي ايش الوضع لاني احترت وياست وتعبت كتير ولساتني باول الطريق

خواتي انا هلا متزوجة تقريبا صارلي 8 شهور والمشاكل والمصايب كل مالها عم بتزيد راح احكيلكم من البداية انا من لما انخطبت كنت ابكي اكتر من اني اضحك كنت كتيييييييييييير احب خطيبي الي هو هلا زوجي بس المشكلة كان دايما مشغول وانا كنت مخلصة جامعة وما بشتغل فكنت احس بفراغ كبير ودايما اعيط كنت اشوفو مرة بالاسبوع او كل اسبوعين وصحباتي الي خاطبين كنت اغار من الرومانسيات الي كانوا يعيشوها بس كنت احكي الحمد لله المهم خطيبي كويس وبحبني وابن عالم بكره بنتزوج وبنزهق من بعض
ومن اول ما تزوجنا بلشت الماساة طبعا عرسنا كان جدا رائع وماشاء الله كنا انا وزوجي زي الملائكة فيه وانا عندي احساس انها انضربنا عين من ليلتها
بعد اسبوع بس من زواجي زوجي رجع لشغلو وكان وقتها ضغط كبير ومؤتمرات كان يطلع من البيت 6 الفجر ويرجع 9 بالليل ويرجع مهدود وتعبان مو قادر يتحرك وكنت احكي يالله فترة وبتعدي وضل على هل حال شهر وانا طول اليوم لحالي وببيت جديد مافيه اشي لا بعرف حد ولا عندي تلفون ولا عندي نت وجهي بوجه الحيطة وانا لساتني عروس وتحطمت كل امالي بالليالي الرومانسية والطلعات وقتها اهلي بلشوا يضغطوا علي لازم تشتغلي وتكملي تعليمك كل يوم اتصال من امي واتصال من بابا كل يوم كل يوم واحكيلهم انا لساتني عروس ما كملت شهر خليني اعيش شوي هاللحظة وهم بحكولي احنا ما علمناكي عشان تكوني ربة بيت انتي دكتورة لازم تكملي تعليمك وامي كل شوي تحكيلي بحسك مش مبسوطة مش هاي العيشة الي بحلم فيها لبنتي مش هدا الزواج الي تعبنا فيه عليكي عشان تعيشي هيك
بعد شهرين ونص بس من زواجي اشتغلت انا دكتورة ورحت اشتغلت طباعة بمصنع بس عشان ارضي اهلي واكمل تعليمي وطبعا زوجي ماكان راضي ووافق عالشغل على مضض اني اطلع واغير جو وطبعا هون بلشت ماساة جديدة سرت اطلع من 8 الصبح وارجع 6 المغرب وابلش دوام جديد ركض على المطبخ اجهز الاكل وارتب البيت وعطول ازبط حالي والبس واتمكيج قبل ما يرجع زوجي((انا دوامي من 8 الصبح لل 6 المغرب وزوجي كان دوامو من 8 الصبح لل 8 بالليل بس عندو بريك 3 ساعات الظهر طبعا كان يروح والبيت فاضي )) وبعد بس اسبوعين من شغلي صار عندي الم شديد رحت على الطوارئ طلع كنت حامل وصار عندي نزيف وخلاص اجهاض
مر الشهر الرابع زوجي اخد اجازتو السنوية وقتها هو اعد بالبيت وانا سرت بالشغل وطبعا لاني موظفة جديدة لا قدرت اخد اجازة ولا شي صار طول اليوم لحالو بالبيت يستناني ارجع المغرب وما عندي اجازة غير الجمعة ((كيف انقلب الوضع 180 درجة ))
بالشهر الخامس تفنش من شغلو وهون بلشنا اكبر ماساة صار هو طول الوقت بالبيت بستناني وانا سرت احس حالي الرجال والمرة تاع البيت بطلع عالدوام وهو نايم برجع على المغرب هو على التيلفزيون بروح على المطبخ ببلش شغل وتحضير اكل وهو طول الوقت اعد وانا اراكض تحضير وترتيب واكل وهو طول اليوم مرتاح ما بفكر يشيل صحن يوديه المطبخ ما برتاح غير الساعة 10 بالليل ويا دوب باعد ساعة الا انا تعبانة جدا ونعسانة بدي انام وارتاح يعني سرت اشوف زوجي باليوم بس ساعتين وهو من 3 شهور بدور على شغل بس مافي وظائف والحال واقف ولانا وافدين لازم يكون في اقامة وهاي مشكلة كبيرة اذا ما لقى شغل خلال اسبوعين راح يتسفر بره البلد واذا طلع مستحيل يقبلوا يدخلوه واحنا بلدنا حرب مستحيل نقدر نرجع واهلنا كلهم هون صعب نروح بلد تانية....والماساة الاكبر والاكبر هو موضوع الحمل زوجي كتيييييييير ميت على الاطفال وبدو اياني احمل باي طريقة وانا صارلي مسقطة 6 شهور والدكتورة حكت كل اشي عنا سليم ومافي أي مشكلة بس الشغلة بدها صبر وبسير حمل من عند الله ولهلا ماصار حمل انا بقنع زوجي انو يمكن هاي حكمة من الله لين ما تتيسر امورنا وتتوظف بحكيلي لا تخلطي الامور شغلي اشي والطفل اشي تاني لين ما يجي بكون اشتغلت انا بدي اطفال بدي بيبي ...كانوا الموضوع بايدي اني احمل وانا اصلا كمان ميته على الحمل وسرت كل ما اشوف وحدة حامل بعيط وكل صحباتي الي تزوجوا معي حوامل وولادتهم الشهر الجاي يعني كل صحباتي مرتاحات ببيوتهم زواجهم بشتغلوا وبصرفوا عليهم حتى طلعولهم سيارات وانا مو قادرة اطلب درهم واحد من زوجي حتى بطاقة التلفون انا بدفع حقها بحكم انو متفنش

انا نفسيتي كتير تعبانة واحوالي مع زوجي كل مالها بالارض صار بينا فتور وجمود بالعواطف وهو كتير بحسو تغير معي صار واقفلي على الكلمة وعلى الحرف اذا تكلمت حكى معي غير هيك بضل ساكت طول الوقت مادد بوز البارحة اجتني الدورة طول الوقت مكتئب مش عم بحكي معي ومادد بوز في وجهي ولليوم الصبح نفس الوضع وانا مش عارفة شو اعمل ملازمة الاستغفار باليوم اكتر من 1000 مرة وكل يوم بقرا ادعية للحمل وللرزق ولراحة البال وتسخير الزوج غير قيام الليل وقراءة القران بس مافي فايدة كل مالها اموري بالنازل

احكولي شو مفروض اعمل حاسة بيتي اعد بدمر وانا لساتني عروس وحاسة زوجي اعد ببعد عني نفسيتي تعبانة
الحمل مش بايدي ...اترك الشغل صعب وزوجي متفنش ....احكي مع زوجي حكيت معاه كتير بس مافي فايدة....

احكولي شو الوضع الي انا فيه هل هو عين؟؟ حسد؟؟؟ اختبار من الله؟؟ قضاء وقدر؟؟ الله بعاقبنا؟؟

يلزم عليك تسجيل الدخول أولًا لكتابة تعليق.

تسجيل دخول

جارت القمر • 14 سنة

الله يعينكم يارب

الروح الوفيه • 14 سنة

ياقلبي تعوذي من الشيطان وخلي أملك بالله كبير
ولاتقولين أستغفر وأدعي ومافي فايده .. مايصير حبيبتي الله ماينسى أحد
أدعي وأستغفري ولا تيأسي أبدا ,,
الله يريح بالك ويحقق أمانيك,,
ويرزق زوجك الوظيفه والرزق الحلال عاجلا غير آجل
ويسخره لك ويهديه .. ويرزقكم الذريه الصالحه ياااااااارب ياكريم

دعاء السجود • 14 سنة

الله يعينك اختي ويفرج لك ويسخر زوجك لك على طاعته ..

اصبري واحتسبي .. وااااصلي الاستغفار والاذكاار وعلييك بالدعاء لا تيأسي ابدا

لاتستعجلي الاجابه ربي له حكمه ..صدقيني مع الوقت كل همك يزول او على الاقل يهون .

مياسه89 • 14 سنة

استغفرالله العظيم استغفرالله العظيم استغفرالله العظيم
استغفرالله العظيم استغفرالله العظيم استغفرالله العظيم
استغفرالله العظيم استغفرالله العظيم استغفرالله العظيم
استغفرالله العظيم استغفرالله العظيم استغفرالله العظيم
استغفرالله العظيم استغفرالله العظيم استغفرالله العظيم

مياسه89 • 14 سنة