خواتي هل الدلع للبنت يقــــــــــــــوي شخصيتها ؟؟

مافهمت زين
يعني بناتك مايتشرططون و يتدلعون وتبينهم يكونون العكس؟
ياختي خليهم كذا قنوعات و بريئات أحسن لهم و لك شخصيتكم بتكون طيبة و على نياتهم و بنفس الوقت ما يتعبونكم
بكره لا صاروا يقارنون نفسهم بغيرهم و يقولون نبغي كذا وكذا بيتعبون نفسهم و بيتعبونكم وراهم
احلى ما على البنت الأدب والحياء والقناعة
بس لمن يكبروا ويصيروا بسن زواج علميهم كيف يكونوا محترمات و كيف الناس تحترمهم و كيف ما يسمحون لحد يغلط عليهم
و اذا خايفة انهم ما يواكبون الموضة و يكونوا متخلفات
عادي شوفي انتي شلون السوق والموضة والناس تلبس و خل هم ايضا يشوفوا كيف الناس تلبس و تكشخ و يعطوكي رأيهم
انتي افتحي لهم مجال انهم يعطوكي رايهم بس بدون ما يفرضون رايهم عليكي
يعني لمن تبي تروحي السوق وتشوفي مثلا 3 ملابس حلوة و محتشمة ، خيريهم تبين هاذا واللا هاذا واللا هاذا
وهم يختارون
بس لا تفتحي لهم المجال بشكل مطلق
يعني تقوليلهم اختاروا أي شيء
لان راح يورطوكي و يختاروا شيء انتي يمكن اصلا ما تقبليه
يعني عطيهم مجال بس بشكل محدود بحيث يبدون رايهم و يكون لهم حيز من الحرية بس ما يتحكموا هم فيكي
و طبعا لو جا يوم من الايام وتشرطوا و تدلعوا و قالوا نبغي كذا واللا كذا علميهم ما يتعدوا حدودهم
يعني لو طلبوا شيء بإمكانياتكم المادية ومسموح بتقاليدكم و مبادئكم و مافي شيء يمنعكم ممكن تلبي طلبهم بدون ما يكون في ضغط عليكم، يعني ما تضغطووا على نفسكم علشان تلبوا طلباتهم وكمالياتهم
اما الاساسيات فلازم تلبونها مثلا ا حتاجوا ملابس داخلية، عندهم نقص في الاحذية أو الجوارب عادي خل يتكلموا
بعدين يمكن هم ساكتين و ما يتكلمون لان اصلا ما عندهم نقص علشان كذا مو محتاجين يتكلموا
والله يخليلك بنات و يهديهم و يرزقك برهم و صلاحهم

بس اخاف البعد عن القرايب والاصدقاء ياثر لان راح يكونون حريم واحنا ما انتقلنا لاهلي واهله

والله اللي أشوفه حاليا الوضع مره تغير صارت البنت المدلعه بزياده شخصيتها قويه وتفرض كلامها

و تتناقش معاكي كأنها بعمرك ولو هي بزر



الدلع الزائد مع الوقت يصير الشخص مو قنوع وممكن في المستقبل تصير نظرته ماديه جدا

عموما علمي بناتك يطلبون إحتياجاتهم العامه والخاصه بدون حرج

حاولي تفهمي شخصية بناتك ايش ميولاتهم في اللبس و الألوان

قبل ماتروحي السوق قولي لهم اطلبي منهم يكتبون إحتياجاتهم بورقه

إذا طلبوا شيء و مافي فلوس وقتها اطلبي منهم يسجلونه بورقه ويلصقونها عالتسريحه إذا توفرت الفلوس حيكون من الأولويات و الهدف من كتابة الحاجات عشان يحسون إن فيه إهتمام لكلامهم خصوصا إذا بعمر مراهقه أو مقبلين عليه

الشخصيه وقوتها مالها علاقه بالدلع

هذي جينات + تربيه من الصغر
كنتي معودتهم على الهدوء واغلب طلباتهم تتحججون فيها بأعذار ويمكن انتي من الامهات الشديدات مع بناتهم

تحاوري مع بناتك كثير اخذي واعطي معهم خليهم يستقلون بشخصياتهم شوي

انا نهائي ما عندي دلع اخاف تخرب وتتزعل بس اشوف حريم بناتهم دلع وقويات ومتفهمين لامهم وظروفهم ما دري كيف يمكن حوال واقناع بس ماني عارفه كيف !!