خواتي واخواني يجرحوني

ياناس انا تعبت حسبي الله ونعم الوكيل انا زوجي تزوج ورجعت لزوجي والحمدلله عايشه مبسوطه مو مقصر معي لكن انا تعبت لاجو خواتي واخواني حتى وهم ببيت زوجي يسبونه ويتطنزون على انه تزوج علي وانه الردي والعفن ومحد سوا عملته والمهم انا اتعب نفسيا حيل حيل حيل ويقلن قدامي رجالنا يحبوننا ومن هالتجريح طيب انا زوجي الحمدلله يحبن وماهو مقصر معي حتى لاجو اهلي يذبح لهم ويعبي البيت ويوجبهم لكن هن شغالات تخبيب واذى نفسي لي ساعات اقول جعلهن يجربن ماجربت عشان صدق يحسن ياناس قبل تقولون الكلمه جربوها ع انفسكم والله بيتي انقلب مشاكل من تجريحهن لكن الحمدلله ابكي بالثلث الاخير واسال الله ان يصبرني ويعطيني قدره تحمل اذى الخلق والحمدلله ربي عطاني الثبات وصار كلامهن يقرص قلبي لكن ما اخليه يتعدى لحياتي مع زوجي لدرجه ان زوجي ومع اني ادري لو تطلقت محد بيفتح بابه لي منهن بس مجرد تخبيب زوجه ع زوجها انا راضيه بقضاء الله وصابره وهذا شرع ربي لكن تعبت من الاذى دعواتكم بالصبروان الله يرفعن ع خلقه والشي الثاني بس ينقلن لي علوم واخبار الزوجه الثانيه طيب انا وش دخلن به ماني عايشه معه ببيته ولااعرف تفاصيله وانا شرطي ع زوجي مااشوفه ابد ولانتجمع بمجلس ومايجيب طاريه والحمدلله محترم هالشي ومتفاهمين لكن انا احس كاني زانيه والعياذ بالله من شده تطنز الناس علي كاني مسويه عيب طيب هذا نصيبي من الحياه ومن يحبه الله ابتلاه وراضيه الحمدلله لكن الناس مدري شفيها الحين له سنه ونص من زواجه وللحين ينبشون بقلبي وعافيتي احس منهكه لكن رحمه ربي شاده حيلي وقوتي بالله اسال الله الثبات