خواتي والمقارنات

بدخل بموضوعين بموضوع
كلهم يخص خواتي فيهم طبعين
مره رافعين ضغطي
الاول المقارنات بالناس
يعني يشوفو مثلا خالتي وبناتها سافرو
او عمي وبناته او صديقتتهم او اشترت
عمتي لبنتها جوال اخر نوع او
صديقتها اشترت لها ابوها جوال
يبدون خواتي يقارنون ويغثون اهلي
يغثون ابوي وامي وينكذون عليهم ويعبونهم
كم مره اهاوشهم اقول بس تقارنون
وهذي سوت وهذي حطت ونبي مثلها
يقولوو وش دخلك
منقهره
يعني لما تضغط ع ابوي يشتري لها جوال
اجلس اهاوش خير
تضغطين ويتسلف او شي عشان كذا
تقول لي يالحسوده!!
هذا اول مشكله
المشكله الثانيه
انا للاسف انخلقت شخصيه حنونه
طيييييبه مع خواتي خواتي عكسي
انانيات كل همهم انفسهم
انا اقطع نفسي لهم
اي شي اشتري لي من مثلا مطعم كوفي
لازم اجيب لخواتي زيي من فلوسي
ويمين بالله احيانا يصير مامعي
وماطلب وهم معهم كل وحده تشتري لنفسها
وولا تفكر تقولي انا اجيب لك
زي ماتجيبين لي
لما تصير وحده تعبانه اروح معها للمستشفى
اوبف معها لكن هي ماتعبرني لو اموت
مايفكرون يسالون عني
اطبخ اكل لي لازم اسوي كميه كبيره لهم معي
هم العكس يسون شوي حبتين لهم بس
وبكل وقاحه تجلس تاكل قدامي
باكثر من مره كنت انا اقول لامي
ناجل السفره عشان فلانه اختباراتها
ناجل الطلعه عشان فلانه ماتقدر تطلع اليوم
لكن انا مره كلن عندي اختبار نهائي
واختي ذي اللي بعدي قالت نحجز سفره
بتاريخ قبل اختباري جيت اهاوش
اقول اختياري انا!!
قالت مو مشكلتنا عاد!!
ونفس الشي الطلعه لما اقولهم
اجلو عندي ظرف عنذي شي
نفس الرد يقولون لي مو مشكلتنا
يالذات وحده من خواتي هي اللي تسوي كل هذا
مع اني مقطعه نفسي لها وك. يوم اقول بتغير
لكن قلبي مايطاوعني
يعني حتى بالكوفيات نروح قطه مع بنات خالي
او بنات عمي ذايم دايم احاسب عن اختي
وعن طلب اختي لان يصير مامعها
ماقولها مالي شغل فيك!!
لكن هي اول ماتروح كوفي
ماتفكر حتى تقولي امشي معي
اذا شافتني مو معي فلوس
والمطاعم والاوبر نفس الشي اغلب شي
انا ادفع عنها
وفيني نظام شين شين شين شين
هو لو عطيت احد
يعني احيانا تقول اذفعي عني
واعطيك بعذين
ماحب اخذ ماحب اخذ فلوس انا دفعتها لاحد
خاصه اختي احس اني مدري كيف
ارحمها غصب فيني طبع الرحمه وهالشي يقهرني
يعني اقدر اقولها كلام جارح واقولها انتي
انانيه وحسوذه موب انا
كل همك نفسك ومصلحتك
لكن اخاف اني اجرحها اخاف اني اسبب
حاجز ماينكسر بيني وبينها
مهما صلحو احاول قدر الامكان اتغاضى
عشان مايصير فيه كره بيننا عشان ماظلمهم
هم كشخصيات طيبات معي ونسولف ونضحك
ونتسوق ونحب بعض
لكن فيهم طبع الانانيه والقسوه كل همهم انفسهم
يعني نفسي وبس
يعني مافيهم كره او شي علي لا بالعكس
انا واختي ننام جنب بعض وننام احيانا وحنا نسولف
بدون مانحس من كثر ماعلاقتنا حلوه
لكن ارجع واقول تجيها مسكات
الانانيه