السلام عليكم ورحمة الله وبركاته
شخباركم خواتي ؟؟ عساكم بخير :26:
اولا حبيت اشكر كل الخوات اللي ردو علي موضوعي الله يجزيكم خير ماقصرتو
هذا رابط موضوعي
http://forum.hawaaworld.com/showthread.php?t=2825231
بنات ابي اخذ رايكم في موضوع , انا الحمدالله تبت وتغير تفكيري تماما وقاعده اشتغل على نفسي في اشياء كثيرة وابي اصير احسن واحسن واقرب من ربي :27:
بنات انا كان عندي 3 صديقات قراب مني وصارت الضروف ومشاكل وافترقت وياهم
الحين كل تفكيري اني اصلح العلاقات واعتذر من كل وحدة غلطت فيها
الحمدالله ربي وفقني مع وحدة من البنات وطلبت منها تسامحني وتعذرني على كل مابدر مني والحمدالله رجعت صداقتنا من احلا ما يكون
اما الثنتين بصراحه جاني اليأس وانا احاول :44:
وحدة معاي في الشغل رحت لها المكتب قلت لها السلام عليكم ورحمه الله وبركاته دارت كرسي مكتبها وماردت علي قلت لها يا فلانه ابي اتكلم معاج لو سمحتي ماردت علي كلللللش سحبت نفسي وطلعت من مكتبها
خليتها كم يوم ارسلت لها مسج مافي رد ارسلت لها ايميل وقلت لها اللي بخاطري ماااااااافي رد كلش
والبنت الثالثه بصراحه هاذي اصعب حاله في الماضي دارت بيني وبينها مشاكل كثيرة والطرفين غلطانين وانا غلطت في حقها وظلمتها والله مو مني من طريقه تعاملها , حاولت معاها بكل ما قدر مافي فايده
كلمتها اول مرة واعتذرت ما صدقتني خليتها اسبوعين تقريبا رجعت دزيت مسج ردت علي معصببببببببببببة وتقول خليني في حالي خليتها عشرة ايام تقريبا دزيت لها مسج السلام عليكم شخبارج؟ ردت علي انا مو مجبورة ارد سلامج واخباري ما تخصج زعلت كثير بس قلت معليه راح اظل احاول خليتها اسبوع بعدها اتصلت عليها اكلمها وانا ابكي واقول لها انتي غاليه على قلبي وكل اللي ابية اعتذر منج على اللي صار ونرجع صديقات واذا ماتبين بس سامحيني على كل ما بدر مني ردت علي خلصتي من دموع التماسيح انا مشغولة خليني في حالي وقلت معليه بعد حاولي البنت مازالت معصبة وغير ذي البنت الله يساعدها مريضه شوي نفسيا وفيها اكتئاب وماتبي تعالج
خليتها 5 ايام ورجعت مرة ثانية ادز مسج ردت علي خليني في حالي ولا تدزين شي عشان ما اصكر خدمة تلفوني
بكيت وربي كلامها كان وايد قاسي الغلط كان مني ومنها واهي اغلطت فيني كثير لكن مسامحتها وربي
قلت لنفسي خلاص اسكتي عنها و خليتها في حالها
يعني شسوي يا خواتي ؟؟؟ حاولت كثير مع الثنتين مافي فايده حتى لو ماترجع صداقتنا بس يقبلون اعتذاري عشان انا ارتاح
شرايكم ؟؟؟ شسووي معاهم
وشكرا جزيلا مقدما وادري بكم يا خواتي ماراح تقصرون معاي
اختكم
ريانة قطر
:26:
ريانة قطر @ryan_ktr
محررة
يلزم عليك تسجيل الدخول أولًا لكتابة تعليق.
سويتي اللي عليك وخلاص لا تذلين نفسك اكثر !! ترى محد يحب احد راضي بالمذلة اعتذرتي حاولتي ماقبلوا اعتذارك هذي حرية شخصية كيفهم !! ماتقدرين تجبرينهم على قبول الاعتذار والناس نفسيات يعني محد مثلك انتي خلاص توبي وخليك انسانة محترمة ومحترمة نفسها عزي نفسك يعزونك الاخرين كذا يحسبون انك راعية مشاكل ومصايب وبينفرون منك اكثر !! خلاص خليهم في حالهم وانتي عيشي حياتك !! وابدي حياة جديدة وحافظي على صديقتك اللي قبلت اعتذارك وهم تعرفي على ناس ثانين محترمين ولا تربطين نفسك في شبكة !! يعني اصدقاء معينين محد دايم هالايام ومايبقى الا صحبة الصالحة !! بتوفيق . انا عطيتك ردي وماعرف عن موضوعك السابق الله يستر عليك !
الله يثبتك يارب
وبالنسبه لصديقاتك خلاص انتي سويتي الي عليك والايام راح تثبت لهم انك صديقه مخلصه وتحبيهم خلاص لاتذلين نفسك اكثر من كذا
واهتمي بنفسك وعيشي حياتك حبيبتي
وبالنسبه لصديقاتك خلاص انتي سويتي الي عليك والايام راح تثبت لهم انك صديقه مخلصه وتحبيهم خلاص لاتذلين نفسك اكثر من كذا
واهتمي بنفسك وعيشي حياتك حبيبتي
الصفحة الأخيرة
امابخصوص الصديقتين انت سويتي الي عليك وزياده
اذا شفتهم قولي السلام اذا ردوخير وبركه واذاطنشو ذنبهم عليهم
والف مبروك على التوبه والله يجعلها دوووووووووووووووووووووووم