خوات الزوج يشتكون من مرت الولد......
و مرت الولد تشتكي من خوات الزوج......و الطاسة ضايعة...
أنا كنت أقول و مازلت إن هذي سنة الحياة...الغيرة موجودة عند الطرفين وهي غالباً سبب الكيد والمشاكل...أي طرف هو السبب يعتمد علي مين اللي أشد غيرة و أعظم كيد....!!!
بس في نقطة مهمة ...ما في رجال يروح في الرجلين...الرجال هو اللي لازم ينظم العلاقة بين الطرفين ويخليها متوازنة ...إذا الزوجة معدنها طيب و كويسة مع أمه المفروض إنه ما يخلي لأخواته مجال يتدخلون بحياته ويكيدون لمرته...إذا هي إنسانة كويسة تعاملها كويس وأنت تحبها معناته أختك غيرانة.. و المفروض الغيرة ذي تتوقف عند حدها لأنه ببساطة الحريم ما ينعطون وجه...و ياما ناس هدوا بيوت بأعصاب باردة و ضمير مرتاح....

كلمة أخيرة:
لو كل أخت زوج إلتهت بزوجها و قعدت تدور علي مفاتيحه واللي يرضيه...كان ما تفرغت لحريم إخوانها والنق عليهم...
لو كل أخت زوج ناظرت حياتها زين وعدت نعم الله عليها ودققت في الأشياء اللي زوجها يسويها لها...كان ما ضاقت عينها علي اللي يسويه أخوها لزوجته...
لو كل أخت زوج خافت الله في نفسها وفي عيالها لا الله يجازيها بنفس اللي هي قاعدة تسويه كان ما حرثت ولا فرقت....

حنا بكرا بنصير خوات زوج ولو تسنح لنا الفرصة بنسوي الهوايل و كلن و ضميره...


ما أقول إلا الله لا يسلطنا علي بنات المسلمين ولا يجعل في قلوبنا غلاً و لا حسداً للذين أمنوا...

الله لا يجعلنا سبب في أذية المسلمين وإبتلائهم...

و لا يسلط علينا من لا يخافه فينا و لا يرحمنا....

اللهم لا تجعلني سبباً في ضرر و لا أذي لأي إنسان طيب كان أو شرير

و حسبنا الله و نعم الوكيل

خواتى صدقونى ماااااااااااااااااااااااالى غيركم
ادرى انكم مابتجاملونى ولابتكذبون علي
لاتبخلون على بنصايحكم........
وانااحترم ارائكم.......
خواتى ساعدونى فى هالمشكلة........
اتريا تفاعلكم معاى

اعتبريهم مثل خواتك وعامليهم بأحسن ما يكون والله يقول هل جزاء الإحسان الا الإحسان وفقك الله لما يحب ويرضى

ولله هذي مشكله العصر مع الحريم الام والاخوات بس دايم حاولي تكوني بعيدة ولا تدخلي في مشاكلهم يعني رسميه لا حبوبه مره ولا شريره وسط ولا تخلي ها الامور تاثر على حاتك مع زوجك

الله يعينك لا تحكي لي اشكي لك

بالنسبه للاخوات اللي يقولون عامليهم بالحسنى فاقولهم فيه ناس ينطبق عليهم المثل "اذا اكرمت اللئيم تمردا"

واللي يقولون اهديهم اقولهم فيه ناس جحودين وما يبين بعينهم ابدا

الخلاصه انه مو كل الناس يمشي معاهم الطيب

لكن التطنيش افضل حل

من رايي انك تحاولين تتجنبينهم قدر الامكان.......كيف؟

اليوم اللي بيجون فيه انتي دوري لك خرجه..... السوق والا بيت اهلك والا صديقتك والا حتى تمشيه مع زوجك واولادك وكرري هالموقف كذا مره وراح يحسون انك متجنبتهم

واذا ما تقدرين تطلعين برى البيت بعد ما يجون اطلعي سلمي عليهم واشربي فنجان قهوه وارجعي غرفتك

جربي الحلول هذي مع الدعاء ان ربي يسخرهم لك ويهديهم ويكفيك شرهم

والله معك