السلام عليكم

احب اني اناقشكم في هذا الموضوع لان يهمني

انا متزوجه من 3 سنوات وعندي بنتين والحمدلله

وعندي خوات زوجي مش متزوجات 3 اكبر مني وحده اصغرمني

كنت معاهم سمن على عسل
كنا خو ااااااااااااااااااااااااات اقسم لكم بالله
اسرارهم عندي

لدرجه في اشيا مايصارحونها لبعضهم ييون ويقلونها لي

بدت الغيره من بعد ماولدت بنتي الاولى

بالذات من الام

تخيلوا البس بنتي اي شي تقول وييي انا لما كنت البس بنتي كان احلى

تخيلوا بنتها هذي عمرها 27 سنه

لما ابوي وامي شروا ذهب لبنتي قيمته 10 الاف ريال الا تقول وحده منهم وييي رخيص

لما يشوفون بنتي الام تعيب عليها تقول قصيره واحيانا سوده واحيانا شعرها يابس

واااااااااايد يطنزووووون


وفي العيد لما البس تقولي ام زوجي اي البسي جذي احسن مما تلبسين هالشماطيط

سكت وايد وايد وايد

لما كملت بنتي السنه سوينا حفله في بيتهم للعلم انا مش ساكنه في بيتهم

وهم اصروا يكون عندهم مع ان برا ااوفر لي لاني سويت عشا يعني لو سويت الحفله في مكدونالدز او اي محل ثاني كان طلع ارخص لي بكثيييييير

بس انا شريتهم وهم الي باعوني

المهم
تخيلوا عيد ميلاد بنتي صادف يوم دوام وانا سويته في يوم اجازه بناء على طلبهم
شالي صاااااااار

تخيلوا الام جدام الناس تقول ان بنتي سوده

ليش حنا مب بشر مب خلقة رب العالمين اقسم لكم ان بنتي ابيض منهم واجمل منهم كلهم

بس الحره وماتسوي

الشي الثاني 2 من خوات ريلي ماحضروا الحفلة وهي في بيتهم
وشافوني قبلها بيوم في بيتهم وماقالو مارح انيي او عندي شغل

تخيلوووووووووووووووووووووووااااااااااااا


الاهانه

وشنو العذر عندهم شغل

شفتوا جذي وقااااحه

عذر اقبح من ذنب

عذرهم والله حنا مشغولين ويبنا هديه ليش بنتي في فقررررررر


ماشافت خير


تبي هديه


مالت بس على هديتهم


انا ماهمتني الهديه وقلت حق اختهم


المهم مرت الايام وانا لحد الحين مازرتهم ولا طبيت عليهم
كرامتي فوق كلشي اهانوني وانا في بيتهم وتقولي اختهم الثانيه هم ماسبوج ولاطردوج عشان يههنونج

قصوورهم بعد يسوونها عشان امحيحهم من الوجود

مب قادره اسامح والله نفس الوقت القطيعه مب زينه ماعرف شاسوي

لما امي واجهت امها قالت البنات مشغولين

ولما قلت ان بنتها سوده انا مافي شي في قلبي بس انا اقول جذي

ليش تقولين جذي الكلام الفاضي ماله لزمه ولا داعي

مش اللسان الي يودني النارر

انا في حيره ساعدوني

اذا وصلتي لسبب غيرة خوات الزوج من زوجة اخوهم ياليت تعطيني السبب!!
وان كنت لا اعمم....فهناك اخوات زوج لا يغارون من زوجات اخيهم...كما ان ان هناك اخوات زوج يغارون من زوجة اخيهم الاكبر مثلا ولكن لا يغارون من زوجة اخيهم الاخر وليكن الاوسط او الاصغر!!
فعلا انا في حيره في امري...هل يرجع ذلك الى التربيه!! ام الى اختلاف البيئه اللي طلعوا منها اخوات الزوج عن البيئه اللي جت منها الزوجه!! ام عند احساس خوات الزوج بالنقص امام زوجة اخيهم هذه بالذات يظهرون لها هذه الغيره!!
فعلا لا اعلم ولازلت احاول البحث ومعرفة السبب...
شكرا لك موضوع حلو ومميز..وان شاءالله يستفيد منه الجميع

ربي يوريهم بدنيااهم >تعاني وبشده مو من الاخت وبس حتى من الام يارب صبررررررك بس

لاحول ولاقوه الا بالله العلي العظيم ليش تفتحين على هاابنات الجروح كان خليتيها مستوره احسن>>>>حساسه جدا
يالله يمكن يطلعو الحره الي بقلوبهم احسن يرتاحو شويا
عن نفسي احاول اني اتحاشى زوجت اخي واخت زوجي وايضا اكثر شي ام زوجي واحيانا امي واختي والله للاسف كلهم تحسين بغيره غير عن الثانيه بس احيانا مايبينون وانا خخخ احيانا اغار بس عادي اطنش
بس المشكله الكبرى الغير الي يتبعها حــــــــــــــــــــــــــــــــــــــــــــــــــــــــــــــــسد اعـــــــــــــــــــــــــــــــــــــــــــــوذ بالله منها والله لايجيبها قربنا ولا المسلمين
والله يهدي النفوس ولا يجيب لنا مشاكل

شكل الموضوع من قبل سنه بس مو مشكله نسولف فيه نبرد قلوبنا:35: انا زوجة اخ واخت زوج الحمد لله ما اعاني من اخوات زوجي لاني احترمهم وهم كمان يحترموني
لكن ماشفت افضع وابشع من غيرة زوجات اخواني:icon810: شي يفوق الوصف على فكره هم اكبر منا تزوجوا وحنا لسا ماتزوجنا كانوا يغاروا من كل شي فينا اللبس وغيره واذا اخوي تكلم معنا تعالوا شوفوا الوان وجيههم:S_45: وربي الغيره بتذبحهم بس لانه سولف ونكت معانا:44:والله اننا احترمناهم لابعد الحدود وماعمرنا غرنا منهم:06:وقلبوا اخواني علينا اي كلمه يسمعوها منا يروحوا يقولوها بطريقه ثانيه حتى اخواني يروحون يشكون لامي علينا اننا سوينا وسوينا لزوجاتهم:blink:وربي احيانا كلام مدري من وين جايبينه ولما نكلم اخواني والله ماسوينا هالشي يكذبونا ويصدقوهم للاسف:44: حتى امي وربي ماسلمت منهم وهي كانت شايلتهم شيل وماترضى عليهم بالكلمه:(انا واخواتي تزوجنا الحمد لله لكن مازال بيننا حساسيه مع اخواني كله بسبب الحريم حسبي الله عليهم لاننا اجمل منهم دخلت الغيره قلوبهم :confused-وفرقوا بيننا مع اخواني ومازلنا في سالفة الغيره حتى بعد ماتزوجنا ماسلمنا منهم على فكره اخواني 2 وماعندنا غيرهم لكن الشكوى لله قلوبهم ضعيفه قدام حريمهم
تقبلوا فضفضتي لانه شي يقهر والله:angry2:
دمتم في حفظ الله ورعايته