انتي عممتي على كل اخوات الزوج بالمقابل مطلعه مرت الاخ بانها ملاك وحمل وديع وماتغلط على احد!!!!!!
الحريم كيدهن عظيم واذا في بنات اخوان الزوج شر فهي فئه قليلة مقارنة بحريم الاخوان
انا اتكلم من واقع تجربة مريت فيها وفي تجارب من صديقات
مرت الاخ اذا شايلة نفسها من كل شيء وماتزور اهل زوجها والنفس خايسة عليهم واذا انزلت وجهها شين عليهم ومعبسه شتقول عنها وكانها مغصوبة!


ولا مرت الاخ اللي بس تذم باخوات زوجهها وبوجههم وكانهم اشباح وهي الطيبة كلها ومو عاجبينها ابدا وترمي بالكلام بوجههم زي السهم
مثل تقول انا اخوات زوجي لايمكن اناسبهم ولااخذ بناتهم!!!! شتسمين هالشيء ادب ولا وقاحة!
ولا مرت الاخ اللي ولدها يبي بنت عمته تجي بوجههم تقول ولدي مو ماخذ منكم مو ماخذ الا من اهلي! طيب دام اهل الزوج مو عاجبينكم ليش اخذتوا ولدهم!!!!!!


ولا مرت الاخ اللي ساحبه اخوك عن امه واخواته وماتبي يطلعهم ولايسفرهم ولا يقوم لهم بشيء حتى اوراق موت ابوه ماتبيه يسعى ويخلصهم لهم!!!!! شتقولين عنها ام الطيبة بنظرك!!!!!
وجمعات مع الاهل ماتبي ولا استراحات ولايدفع لهم ريال!!!!
بالمقابل اهلها موديتهم وجايبتهم على حساب الاخ وهدايا وحالة من جيبه وسفر امها واخواتها عليه وماتولد فلانه وعلانه او تتزوج الا معطتهم هدايا واهل زوجها اللي تولد واللي يصير لهم اي شيء ريال ماتدفع لهم!!!!


وشتسمين مرت الاخ اللي مدخله نفسها بخصوصيات غيرها ومسويه نفسها الامر الناهي والوصي الشرعي عليك بتدخل نفسها بمشكلة حماتها مع زوجها ولا فلانه!!!!


ولا شتسمين مرت الاخ اللي تحاول تفتك منك برغم انك مو معها بنفس المكان ولازوجها يصرف عليك كل شوي جايبه رجال اعوج ومنكسر على قولتهم عيوب الدنيا كلها فيه من وظيفه وسمغه وحالة اجتماعيه واخذيه واذا رفضتي زعلت وقومت الدنيا عليك حسبي الله عليها صايره لي!!!!
ولا تبي تزوجك رجال وتعطيهم رقمك بالموافقه وانتي ماتدرين وكبر ابوك بحجه انك كبيره طيب انا بنهاية الثلاثين مو بالسبعين اخذ رجال منتهي وقومت علي الدنيا لما رفضته على طول ورديت لهم بمسج واتس وخلت اخوك يتصل ويعايرك بكبرك وانك غير موظفة ومااحد يبيك الله يعطيها ببناتها يارب ويكونون اكبر مني وماتزوجوا حتى تعرف اللي سوته
بالمقابل تجيب لاخواتها خرفان ووظيفه ومناصب واخواتها الصغار اللي يتزوجون الظاهر بالمهاد وانتي اكبر خلقه!!!!! قولي شتسمينه ذا طيبة ولا نذالة!!!!!!


ولاحظت شيء اذا الاخ معطي خطيبته كل شيء عن اهله اول الخطوبه تجي وهي عارفه كيف تتعامل معهم على الانطباع اللي اعطاها اياه واذا هو مو مسوي لاهله قدر واحترام بتجي وتدوس عليهم عكس لو معطيها العين الحمراء واهلي مالك دخل فيهم ولاتتدخلين فيهم واهلي خط احمر!!!!!


طالما هو كل شيء يقوله عن اهله لها بتسوي فيهم العجايب وبتدوسهم دوس الله ينتقم منها!


مختصر الحديث تبين اهل زوجك عدلين معك وكويسين لاتتدخلين بخصوصياتهم ولاتسالين بشيء مالك فيه ولابمشاكلهم مع اهلهم ولا تذمينهم قدامهم وحسني اسلوبك معهم ولاتمشين وتتكلمين عنهم ولا تعيبين وتعايرين اعيالهم اللي مايبي يذوق الكاس لايذوق غيره


ياكثر حريم الاخوان تحس نفسها داخله مصارعه ولاحرب ولازم تفوز على اهل زوجها وتنتصر عليهم وتصير الاقوى


وظالمة ولاعبه بحسبة اهل زوجها وتجي تتشكى عند الناس سوووا فيني ولعبوا فيني!!!!!
وهي نذله


كل وحده بكره بيكبرون اعيالها وبتصير ام زوج عسى ياربي اللي بهذلت اهل زوجها تتبهذل اكثر ظنهم وتعرف ان الله حق وتذوق المر والمرار

منهم

بقول شي يخص هالمشاكل
رسالة موجة لأخت الزوج :إلي ماترضين خواتك زوجك (بالمستقبل أو حاليا )يسوونه معك لاتسوينه مع زوجات أخوانك بأختصار حطي نفسك مكان زوجات أخوانك شوفي لو أنت مكانهم يرضيك تصرفاتك معهم أو لا؟؟رسالة موجة لزوجة الأخ:إلي ماترضين زوجات أخوانك يسوونه معك لاتسوينه مع خوات زوجك وقبل تتصرفين مع أحد أي تصرف حطي نفسك مكانه وبالنهاية ورانا قبر وأي شخص ظلمتوه أو أذيتوه بأي كلمة أو تصرف سواء أنتم ياخوات الزوج أو أنتم يازوجات الأخ كل شي بتتحاسبون عنده لو شي صغييير نشوف البعض منكم تبرر تصرفاتها الغلط ودايم عندها مبررات لو هي غلطانة كلكم يابنات لاتعتدون على أي شخص سواء صلتكم فيه زوجة أخ أو أخت زوج أو أي صلة كانت ترى فيه رب يحاسب فيه رب يحاسب فيه رب يحاسب والدنيا مو دايمة كل وحدة تعيش حياتها حرة بس بحدود الإسلام وبحدود إنها ماتغلط على أحد ونصيحة لكم كلكم خلوا المشاكل عنكم وعيشوا حياتكم كل وحدة تركز على حياتها فقط وتحاول تطور نفسها من كافة الجوانب وتخلي الناس بحالهم هالكلام أوجه لنفسي وأوجه لكم جميعاالله يهدينا وأياكم لما يحب ويرضاه ويبعد عنا المشاكل

العضوه 🌸مميزه🌸
كلامك رائع بمعنى الكلمه 👍🏻🌹🌷