ايوه فيه بنات عمي فيهم رسميه غير طبيعيه هم كثيرات يمكن عشر بنات ماشالله ومسوين احزاب كل ثنتين سوا وفيهم غيره وحسد ومضاربه باشيا خطيره واذا أختهم المتزوجه بتجيهم لازم يتشيكون شياكه كامله حتئ يديهم يحطون فيها يبودره كلها كنك حطيتيها في دقيق وكل وحده لها اشياها من مكياج او اي شي ومستحيل تعطي وحده فيهم بينها مشكله ويسرقون من بعض فلوس لو ابكمل مابخلص بس اي شي في بالكم توقعوه

اعرف اخوات بس يالاسم تعرف ان عيال اختها مخطوبين من الجيران
وكل وحده ماتعلم الثانيه ايش تلبس بفرح عيال اختها اذا سالت وحده ايش خيطتي وايش اشتريتي تقول لبس عادي وتشوفينه بالزواج مدري هي غيره او حسد او منافسه كل وحده تتحدى الثانيه انها تطلع هي وبناتها احلى

اعرف وحدة كذا
هي اول الناس تعرف بأعراس الأهل ..وإختها ما تعرف إلا بالصدفة من الأهل.. ويتعجبون كيف إختها ما خبرتها
إختها كانت كل شئ تعرف تخبرها فيه وتتصل لها رغم إنها ما تعلمه بالأخبار الجديدة ولادة وأعراس ...لين زوجها قال لها خلاص بما إن إختك تحطك بمواقف محرجة لأنها ما تعلمك على هالعزومات لا تعلمينها وخليها زيك تعرف من غيرك

يعني فيه كذا
طيب اذا الاخت ماشكت لاختها لمنوو تشكي
اذا الاخت جاها خبر مفرح عن اختها ومافرحت لمنو تفرح
اذا وضع اختي وزوجها المادي احسن من وضعي ليش احسدها

مو لازم كل اخت تتمنى لأختها الخير
اذا ماحبيت عيال اختي واعتبرتهم مثل عيالي كيف اكون اخت
والرسول صلى الله عليه وسلم قال الخالة كالأم
بالنسبة لي خواتي هم روحي وعيالهم عيالي
بس فعلاً عالم غريبة

كله من الغيرة والحسد قاتلهما الله