خوات ريلي خبلبي

هاي اول مشاركاتي والسبب خوات ريلي خبلبي الله لا يسامحهن
بشرح لكم المشكله من البدايه انا يوم تزوجت سكنت في بيت الحموله على قولتكم يعني بيت اهل ريلي ويا امه او اخوانة او مازلت ساكنة وياهم المهم خوات ريلي معرسات ماين الا خميس اوجمعة او مرات في الصيف لاكن لازم اتصير مشاكل يوم ايون احس انهن وايد يدخلن او يتحكمن في امور وايدة يعني فيني او في اعيالي يبوني طول الوقت يالسه وياهم مجابلتنهن او اذا مايلست معاهن يسالن ليش فلانه ماطلعت تيلس ويانا هيه زعلانه ليش شوه فيها مضايجه من ييتنا انا ابصراحة ماقدر طول الوقت اقعد معاهم عندي اعيالي ما شاء الله والقسم حقي اقلب الوقت قاعده انضف او ارتب لاني مش مقتنعه ايب بشكاره من البلاوي الي اشوفها المهم انا عندي في قسمي غرفه صغيرونة حق لعب عيالي يوم ايون خوات ريلي على طول ايطرشون اعيالهم عندي عشان يلعبون لاكن هب اعيال مبلس يجلبولي كلشي فوق حدر لدرجة انهم حتى المطبخ دشوه او شغلولي الغاز بصراحه طفرت يوم انازع عيالهم يزعلون او انا طبعي من الساعه 7ونص لازم ارقد اعيالي يعني الساعه 8 خلاص ماشي حشره لاكن عيالهم يخربولي نضام عيالي تتصورون حتى في طلعاتي مع ريلي يحاسبونا وين طالعين متى بتردون او مرات يوم بكون امطلعه عيالي يقولن خذو عيالنا معاكم لعبوهم هن صح ايطرشن البشاكير وياهم لاكن اليهال مساوليه او مثل ماقلت الكم اعيالهم شياطين مش عيال وايد مبزاين او الي يبونه لازم ايحصلونه هاي سوالف اليهال الحين بخبركم اب سوالفي معاهن

انا وياهن عاديه يعني اذا بيسولفن اسولف او اذا سكت يقولن شوه فيج ليش ساكته شكلج زعلانه
او يوم ييلسن مع اخوانهن ياخذون كل اصغيره وكبيره صارت مبينا يعني احس ماتمت خصوصيات مبيني ومبين ريلي صراحه عيب عليهن ويحبن يعطن ريلي نصايح او افكار اتخليه يغير كل الامور الي مرتبينها مع بعض مثال اوالي هو اكبر مشاكلنا كنت متفقه مع ريلي ننتقل بيتنا بعد4شهور الى هو وقت تجديد عقد الاجار بصراحه عيالي كبرويعني اكبر عيالي احين بيدش الاعداديه وعندي 4 غيره وقسمي مايكفينا المهم ريلي قعد ويا خواته او خبرهم انه بيننتقل بعد فتره جريبه هن ماقصرن غيرن كل ترتيباتنا او قالن ليش تطلع ابصراحه انته جذيه عايش في عز يوصلك اجار وايد عالي او بعد من غير شغلك ليش اتعب نفسك او تفتحلك بيت كبير او مطالب البيت وايده او بعدين بيتكم بعيد عن اهنيه او انتو مرتاحين اهنيه ليش تطلعون ريلي ماجذب خبر وقتنع مليون في الاميه انه مايطلع او خبرني انه بيجدد عقد الاجار او ماشي حوله لاكن كل هذا طاح على راسي فهمته انه القسم اصغير و العيال يبون يستاسعون او انا اريد اخذ حريتي اريد ادير بيتي وعيالي بروحي ماريد حد يدخل فينا اريد تكون لي مملكتي مستقله فيها انا او اسرتي لاكن قالي خلاص انا قلت ماشي حوله يعني ماشي انا سكت عن الموضوع او يلست افكر قلت ماشي حل الا عالم حواء عطوني حل لمشكلتي او بعدين الي تعاني مثلي من خوات ريلها تخبرني كيف هي متاقلمه معاهم او شوه اتسوي عطوني خبره من تجاربكم في الحياة